mikudagur 23. juli 2008síða 15

Nr. 140 - 23. juli 2008 15 Stutt Sagt Maoistar ikki í stjórn Hóast maoistarnir hava flest umboð í nepalska tjóðartinginum, verður flokkur teirra ikki við í teirri nýggju stjórnarsam­ gonguni. Eygleiðarar høvdu væntað, at maoist­ arnir skuldu vera við í stjórnini, men teir valdu at halda seg uttanfyri og at fara í andstøðu, tá teirra valevni, Ramraja Prasan Singh, tapti forsetavalið í tjóðartinginum fyrradag­ in. Politiskir eygleiðarar í Asia siga, at avgerðin hjá maoistunum at fara í and­ støðu fer helst at elva til stjórnarkreppu í Nepal. Eygleiðararnir vísa á, at avgerðin hjá maoistunum ger, at Nepal skal stýrast av flokkum, sum hava ym­ isk sjónarmið, og tað er sjáldan heppið. Ramraja Prasan Singh tapti forsetavalið ímóti valevninum hjá Fram­ burðsflokkinum, Ram Baran Yadav, við 282 atkvøðum ímóti 308. Ramraja Prasan Singh tapti (Mynd: AP) Ólafur til Kína Íslendski forsetin, Ólafur Ragnar Grímsson, hevur fingið innbjóðing frá kinesiska forsetanum, Hu Jintao, og íslendska ítrótt­ arsambandinum at fara til olympisku summarleikir­ nar, sum verða í Beijing í næsta mánað. Íslendsku bløðini skriva, at forsetin kemur til Kina tann 21. august, og at hann verður hjástaddur, tá leikirnir enda tann 24. august. Tá teir olympisku leikir­ nir eru lidnir, fer Ólafur Ragnar Grímsson til Bangladesh, har hann skal vitja Iajuddin Ahmed, for­ seta. Høvuðsevnið á fund­ inum teirra millum verða avleiðingarnar av veður­ lagsbroytingunum. Ólafur Ragnar Grímsson er íslendskur forseti (Mynd: Vísir) SAMBAND árNi joeNSeN fArtekSt@MAil.Dk – Kemur Karadzic fyri rættin í Haag, eiga fleiri vesturlendskir leiðarar at sita undir liðini á honum (russiski ST-sendimaðurin) útlond Radovan Karadzic fer at gera alt fyri at sleppa undan at verða sendur til Haag Krígsbrotsmannadómstól­ urin krevur, at serbisku myndugleikarnir skulu senda Radovan Karadzic til Haag, so hann kann koma fyri rættin, har hann er ákærdur fyri fólkamorð og onnur krígsbrotsverk. Ein serbiskur kanningar­ dómari hevur avhoyrt Kara­ dzic, og aftan á avhoyring­ arnar gjørdi ein dómstólur av, at tann 63 ára gamli fyrr­ verandi bosniaserbiski leið­ arin skal flýggjast dómstól­ inum í Haag. Verjin hjá Karadzic, Svetozar Vujacic, hevur boð­ að frá, at hann fer at kæra avgerðina. Sambært BBC hevur verjin sagt, at hann fer at gera alt fyri at forða fyri, at Karadzic verður sendur til Haag. Í gjárkvøldið vóru nøkur hundrað fólk komin saman á torginum í miðbýnum í Beograd. Tey róptu rakstrar­ róp eftir myndugleikunum og søgdu, at Radovan Kara­ dzic skal ikki til Haag. – Karadzic er ikki ein brotsmaður. Hann er ein hetja, róptu tey. Soleiðis sá Radovan Karadzic út, tá hann bleiv avhoyrdur í gjár (Mynd: Polfoto) Nú stríðist hann ímóti útflýggjan Fyrrverandi ameri­ kanski diplomaturin og semingsmaðurin Richard Holbrooke samanber Radovan Karadzic við yvir­ gangsleiðaran Osama bin Laden – Hetta vóru góð tíðindi at fáa. Hann er tann ringasti í Evropa, tann evropeiski bin Laden. Í 13 ár kláraði hann at fjala seg, men nú gekk tað tíbetur ikki long­ ur, sigur Richard Hol­ brooke, sum heldur, at Karadzic er ein størri brotsmaður enn Slobodan Milosevic. – Hann var tann fremsti arkitekturin aftan fyri ta etnisku útreinskanina. Í mínum eygum var hann verri enn Milosevic, for­ seti, sigur fyrrverandi diplomaturin, sum eitt skifti var amerikanskur semingsmaður á Balkan. Richard Holbrooke er samdur við teimum, sum siga, at við handtøkuni hevur Serbia tikið eitt týð­ andi stig nærri Vesturheim­ inum. Men okkurt er eftir. – Ratko Mladic, general­ ur, gongur leysur enn, men tað var týdningarmeiri at fáa fatur á Karadzic, tí hann var tann veruligi upp­ havsmaðurin til fólkamorð­ ið, sigur Holbrooke við Reuters. Norðmaðurin Thor­ vald Stoltenberg, sum var ST­sendimaður í Jugoslavia frá 1993 til 1995, hevur alla tíðina væntað, at Karadzic fór at verða tikin Fyrrverandi Balkan­sem­ ingsmaðurin Thorvald Stolt­ enberg viðgongur, at hann varð fegin, tá hann fekk tíðindini um, at Radovan Karadzic var tikin. – Eg eri sera fegin um, at hann er tikin, men tað undr­ ar meg ikki, at tað eydnaðist. Eg visti, at hann fór at verða tikin fyrr ella seinni. Tað havi eg verið sannførdur um líka síðani 1995, sigur Stoltenberg við NTB. Thorvald Stoltenberg var serligur ST­sendimaður og friðarsemingsmaður á Balk­ an í árunum frá 1993 til 1995. Men hóast hann hev­ ur bíðað eftir handtøkuni í 13 ár, hevur hann ikki hildið, at tað hevði skund at finna Karadzic. – Nei, eg havi ongantíð hildið, at tað hevði skund. Høvdu vit roynt at taka hann fyrr, hevði tað kanska kostað mannalív. Eg havi fyrr sagt, at hansara egnu fóru at taka hann og at senda hann til Haag, sigur tann gamli, norski friðar­ semingsmaðurin. Hann sigur við NTB, at handtøkan í Beograd er ein sigur fyri ta politisku skip­ anina í Serbia og altjóða krígsbrotsmannadómstólin. Richard Holbrooke var sem- ingsmaður á Balkan eitt skifti (Mynd: Polfoto) Hann er tann evropeiski bin Laden Stoltenberg hevur bíðað eftir handtøkuni Sum ST-sendimaður í gamla Jugoslavia hitti Thorvald Stoltenberg eisini Slobodan Milosevic (Mynd: Polfoto)