hósdagur 24. juli 2008síða 8

8 tíðindi Nr. 141 - 24. juli 2008 HEIMAMISSIÓNIN Tíðindaskriv Høvuðsstýrið fyri Kirkjuli­ gu Heimamissiónina í Før­ oyum hevur gjørt av at seta Øssur Kjølbro úr Klaksvík í starv sum nýggjan aðal­ skrivara. Hann skal taka við eftir Vagn Foldbo, sum her­ fyri fór úr starvi eftir 4½ ár. Øssur Kjølbro hevur lisið gudfrøði í Keypmannahavn, og tók prógv sum cand. theol. í 2003. Síðani hevur hann eisini tikið skeið innan leiðslu. Øssur Kjølbro kennir Heimamissiónina væl. Hann hevur havt sína reglu­ ligu gongd í KFUM & K í Klaksvík, sum hevur eitt sera tætt tilknýti til Heima­ missiónina. Eisini hevur hann verið virkin í felags­ arbeiðinum í Heimamissión­ ini og hevur m.a. verið for­ maður í nevndini fyri Heimamissiónsforlagið. Øssur hevur ferðast nógv kring landið til møtir, ung­ dómsmøtir o.a. Seinasta hálvtannað árið hevur Øssur Kjølbro verið í starvi sum deildarleiðari á boðanardeildini hjá Heima­ missiónini. Her hevur hann havt ábyrgd av trú­ boðarunum í Føroyum og úti í heimi eins og barna­ og ungdómsráðgevunum. Áðrenn hetta var hann missiónsleiðari hjá Kirkjuli­ ga Missiónsfelagnum í 2½ ár. Øssur er giftur við Ann Mari, og tey eiga tvey børn. Skipað verður fyri al­ mennari móttøku fyri nýgg­ ja aðalskrivaranum eftir summarsteðgin. Heimamissiónin nýggjan aðalskrivara Svartir kassar, sum síggja og hoyra alt, turkaðir jydar og æti, so stór sum trøll eru nøkur av spennandi verkunum á nýggj­ ari framsýning hjá listakvinnuni Astrid Andreasen í Snar­ skivuni LISt Anna V. Ellingsgaard anna@sosialurin.fo Av tí at stórur partur av verkunum vórðu seld alt fyri eitt, skiftir framsýningin hjá listakvinnuni Astrid Andreasen í Snarskivuni í dag ham við eini røð av nýggjum verkum. Gandaheimur við humor Hóast verkini ikki eru so nógv í tali, prógva tey í nógvar mátar, at Astrid Andreasen er ein av okkara mest fjøltáttaðu listakvinn­ um. Astrid Andreasen er kans­ ka mest kend fyri sínar eyð­ kendu vísundaligu tekningar av havdjórum undir Føroy­ um. Á framsýningini í Snar­ skivuni sleppur áskoðarin nøkur fet longur inn í henda gandakenda heimin, har æti og smákykt eru vorðin so stór sum trøll við ovurstór­ um men ófatiliga neyvum endurgevingum av øllum frá eygum og klóm til fínas­ tu følitræðrir. Hetta er, sum at stíga inn í ein heim, ið tú illa fært teg at trúgva er til, beint undir vatnskorpuni. À sín sermerkta hátt vísa hesa tekningarnar millum mangt annað, hvussu Astrid Andreasen megnar at arbeiða sum bæði lista­ og vísundafólk í senn. Og spakuliga byrjar áskoðarin at skilja, hvat listakvinnan meinar, tá hon sigur, at sjálvt tey smæstu kyktini hava eina persónligheit. Ella, tað fáa tey í øllum før­ um í hondunum á Astrid Andreasen, ið ofta fær flæt­ ta ein fínan humor inn í myndirnar. Humorin noktar seg held­ ur ikki í øðrvísi klippmynd­ ini ”Turkaðir jydar”, har ein lang røð av turkaðum skrubbum hanga á einum snóri. Loyndarfullir kassar Sum nakað rættiliga nýtt roynir Astrid Andreasen seg hesuferð sum listamálari við meir abstraktum mynd­ um. Neyvu tekningarnar av havdjórum seta sum vera man mark fyri, hvussu langt hon sum vísundateknari kann lata hugflogið reika, men við nýggju málning­ unum slær hon seg meir ley­ sa. Við málningunum ”Svart­ ir kassar” hevur listakvinn­ an spælt sær við sonevndu svørtu kassarnar umborð á eitt nú flogførum, sum síggja og hoyra alt og kun­ nu avdúka ein heim av loyndarmálum. Eitt frálíkt hugskot, sum uttan iva bert er byrjanin til enn eina nýgg­ ja leið hjá fjøltáttaðu lista­ kvinnuni, har hon forvitin kannar teir møguleikar, abstrakta listin gevur við rúmd, litum og nýggjum og øðrvísi kompositiónum. Framsýningin í Snarskiv­ uni er ein søluframsýning og er opin gerandisdagar 9.00­16.00. Æti og svartir kassar í Snarskivuni ”Turkaðir jydar”. Klippmynd eftir Astrid Andreasen Mynd: Sven Møller Á framsýningini í Snarskivuni síggja vit Astrid Andreasen bæði sum vísundateknara við myndum av æti og sum abstraktan málara við myndarøðini ”Svartir Kassar” Mynd: Anna V. Ellingsgaard Stanley og drunnhvíti í Skálavík Leygarkvøldið 2. august klokkan 19.30 skipar Sandoyar Kunningarstova fyri konsert í Keldu í Skálavík við kenda guitaristinum og sangaranum Stanley Samuelsen. Konsertin verður í samband við, at tað eisini verður skipað fyri drunnhvítatúri í Norðasta Haga við ferðaleiðarunum Páll í Dalsgarð og Lauru Joensen. Har verður møguleiki fyri at síggja drunnhvítan og ta stórslignu náttúruna. Í húsinum undir Borgini verður borðreitt við súpan, kaffi og pannukøkum, og høvi er at gista. Farið verður av Keldu kl. 21.30. Tilmelding á tel. 361836 ella sandinfo@ olivant.fo