fríggjadagur 25. juli 2008síða 5

Nr. 142 - 25. juli 2008 5 Ver við til at styrkja mentan og samfelag okkara – løgfrøðingur/fulltrúi til Mentamálaráðið Hevur tú hug at royna spennandi avbjóðingina at arbeiða saman við landsins fremstu politisku og fyrisitingarligu myndugleikum innan undirvísing, gransking og mentan, so bjóða vit tær eitt spennandi fulltrúastarv á aðalskrivstovuni í Mentamálaráðnum. Starvsøkið Høvuðsuppgávurnar hjá tær verða m.a.: < Lógarfyrireiking, kunngerðir og reglugerðir < Ráðgeving og vegleiðing til landsstýriskvinnu, starvsfólk, stovnar og borgarar < Vegleiðing og kunning um nýggjar lógir o.a. < Umsiting av málsøkjum, sum verða løgd til tín < Málsviðgerð < Kæruviðgerð < Aðrar uppgávur Førleikakrøv Ynskiligt er, at tú hevur løgfrøðiligt embætisprógv (cand. jur.), MA ella BA í løgfrøði. Fært tú prógv sum BA, MA ella kandidatur í summar, ert tú eisini sera vælkomin at søkja. Tú hevur annars eitt sjálvstøðugt arbeiðslag, ert fyrikomandi og dugir væl at samstarva og samskifta við arbeiðsfelagar og viðskiftafólk. Fyrimunur er at hava viðkomandi royndir, tó at hetta ikki er krav. Vit bjóða < Eitt spennandi og sjálvstøðugt starv við fjølbroyttum uppgávum og nógvum samskifti úteftir < Samstarv við royndar løgfrøðingar < Luttøku í løgfrøðiligum samstarvsmótum < Skeið og eftirútbúgving < Starv í einum toymi við trimum løgfrøðingum Setanartreytir Starvið verður sett og lønt eftir sáttmála millum Fíggjarmálaráðið og Búskapar- og løgfrøðingafelagið. Setanarøkið fevnir um stjórnarráðini, løgmansskrivstovuna og tilhoyrandi stovnum. Umsóknir Umsóknir við avritum av prógvum, CV og viðkomandi skjølum kunnu sendast til: Mentamálaráðið Hoyvíksvegur 72 Postrúm 3279 110 Tórshavn ella til mmr@mmr.fo. Umsóknir skulu vera okkum í hendi í seinasta lagi 25. august 2008 kl. 16.00. Starvið verður at seta frá 1. oktober ella eftir avtalu. Vilt tú vita meira um starvið, ert tú vælkomin at seta teg í samband við Petur Petersen, aðalstjóra, tel. 555 051. ____________________________________ Mentamálaráðið hevur sum høvuðsuppgávu at fyrisita undirvísingarmál, mentamál og gransking. Harafturat eru uppgávur viðvíkjandi kirkju, loftmiðlum, ítrótti og øðrum frítíðarvirksemi. Á aðalskrivstovuni eru stápsfunktiónir innan m.a. løgfrøði, búskap, HR, kunningartøkni og fyrisiting. Bygnaðurin í Mentamálaráðnum er býttur í tríggjar deildir – fólkaskúladeild, vinnu-/ miðnámsskúladeild og mentamáladeild – sum stápsfunktiónirnar veita ráðgeving til, umframt at tær ráðgeva aðalstjóranum og landsstýriskvinnuni. Blástempla títt CV Ólavsøkutilboð Frátiknar vørur -25% Vit ynskja øllum eina góða ólavsøku