mánadagur 4. august 2008síða 14

14 tíðindi Nr. 146 - 4. august 2008 Nyhedsavisen stórt undirskot Ókeypis dagblaðið, Nyhedsavisen, merkir av álvara hørðu kappingina á marknaðinum. Árið í fjør endaði við einum undirskoti á 335 milliónir krónur, og harvið er egin­ kapitalurin burtur. Framhaldandi raksturin er tryggjaður við einari gjaldskonventering upp á 243 milliónir krónur og einum innskoti av eigaranum, Morten Lund, umvegis felag sítt, ML Medie ApS upp á 60 milliónir krónur. Roknað verður við einum undirskoti í 2008 eisini, men leiðslan væntar, at tølini javnviga áðrenn árið er farið. Nýgift myrd á brúdleypsferð Løgreglan á karibisku oynni Antigua stendur á berum í málinum um ránið og drápini av bretsku hjúnunum, Benjamin og Catherine Mullany. Brúðurin, sum varð rakt í síðuna avhøvdinum, doyði á staðnum, meðan brúðgómurin doyði í gjár. Hóast hotellið er innhegnað, hevur sjónvarps upptøkutól, røringarsensorar og vaktarmenn, so stendur løgreglan uttan spor í málinum. Familjan flutti Benjamin Mullany heim til Wales, fyri at tryggja honum bestu læknahjálp, men læknarnir søgdu hann at vera heiladeyðan, og í gjár varð so respiratorurin sløktur. - Vit hava 84 fiski- dagar við útróðrar- bátinum Kallanesi, sum eg eri við, men skulu helst hava 120 fiskidagar, um raksturin skal hanga saman. Nú ætlan landsstýrismansins er at skerja hesar dagar við 50%, koma vit at mangla 80 dagar, og tá ber slett ikki til at fáa nakran sum helst rakstur í útróðurin, sigur Auðunn Konráðsson, formaður í Megin- felag Útróðrarmanna Fiskivinna Vilmund Jacobsen vilmund@sosialurin.fo Uppskotið hjá landsstýris­ manninum í fiskivinnu­ málum, Tórbjørn Jacobsen, snýr seg í stuttum um, at fiskidagarnir hjá húkaflot­ anum skulu skerjast við 50% og fiskidagarnir hjá partrolaraflotanum við 20%. – Men hetta er ikki allur sannleikin, sigur formaður­ in í Meginfelag Útróðrar­ manna, Auðunn Konráðs­ son. Hann vísir á, at útróðrar­ bátar í bólki 5a og 5b eftir ætlan landsstýrisins skulu skerjast við 50%, men hetta er umframt teir 5.000 dag­ arnar, sum hesin bólkur fekk tillutaðar stutt eftir, at fiskidagaskipanin var kom­ in í gildi. – Í 1997 varð hildið, at ov fáir fiskidagar vóru til út­ róðrarbátar undir 15 tons – ávikavist í bólki 5a og 5b, og tí fekk hesin bólkur til­ lutaðar 5.000 fiskidagar eyka. Auðunn sigur, at sambært fyriliggjandi uppskoti hjá landsstýrismanninum skulu hesir 5.000 dagarnir fyrst takast burtur, og síðan skulu dagarnir, sum tá eru eftir, skerjast við 50%. – Hetta kemur at merkja, at samlaða talið av fiski­ døgunum í bólki 5a og 5b verður skert úr umleið 21.000 døgum niður í um­ leið 8.000 fiskidagar. Formaðurin í MÚ heldur ikki, at landsstýrismaðurin í fiskivinnumálum kann vera rætt »samanskrúv­ aður«, sum hann tekur til, tá hann heldur, at útróðrar­ flotin tolir eina slíka skerj­ ing. – Hetta er jú púrasta burtur úr vón og viti, leggur hann aftrat. Einki grundarlag Auðunn Komráðsson er sjálvur útróðrarmaður við bátinum Kallanesi, sum fiskar í bólkinum, ið fevnir um bátar millum 40 og 110 brt. Hetta er bólkur 4a og 4b – alt eftir, hvussu stórur báturin er. – Vit hava 84 fiskidagar, men skulu helst hava 120 fiskidagar, um vit skulu fáa raksturin at hanga saman. Vit keypa dagar ella handla okkum til dagar á ymiskan hátt. Nú ætlan landsstýr­ ismansins er at skerja dag­ arnar í bólki 4a og 4b við 50%, koma vit at mangla 80 dagar, og tá ber slett ikki til at fáa nakran sum helst rakstur í útróðurin. Formaðurin í Meginfelag Útrórðarmanna vísir á, at treytin fyri at sleppa at selja dagar er, at skip ella bátar hava brúkt 60% av fiski­ døgunum árið fyri, og tí kann tað verða torført at sleppa fram at óbrúktum døgum. Hann sigur, at hetta er treytin fyri at sleppa at selja fiskidagar – bæði ár um ár og permanent. – Eg skilji slett ikki logikkin í at fremja hesar skerjingar, og eg ivist í, um ikki okkurt annað liggur aftanfyri ætlan landsstýris­ ins. Tað má vera onkur størri og miðvísari ætlan, sum liggur til grunds fyri tí fiskivinnupolitikki, ið lands­ stýrið hevur sett út í kortið. Avtaka trygdina Sosialurin hevði prát við Auðunn Konráðsson í morgun, áðrenn umboðs­ nevndin hjá Meginfelag Útróðrarmanna fór á fund. Nú fundur er lokin, er niðurstøðan, at umboðs­ nevndin hevur givið starvs­ nevnd felagsins heimild til at seta neyðug tiltøk í verk, um starvsnevndin heldur, at tað er gongda leiðin. – Vit hava tó ikki tikið nakra avgerð um, hvørji tiltøk kundu verið møgulig, men hetta er nakað, sum vit í starvsnevndini – og møgu­ liga saman við øðrum feløg­ um – nú fara at tosa um, sigur Auðunn. Hann vísir á, at um feløgini, sum varða av fiskivinnuni, nú ikki taka lógvatøk saman, kann alt gera tað sama. – Hetta er ein spurningur um lív ella deyð hjá okkara fiskivinnu, hvørki meira Ætlaða skerjingin burtur úr v Meginfelag Útróðrarmanna verður stjórnað av eini starvsnevnd, og tað er ikki vanligt, at umboðsnevndin verður kallað til fundar. Á fundinum í morgun gav umboðsnevndin starvsnevndini heimild til at seta í verk møgulig tiltøk, nú politiski ágangurin á útróðrarvinnuna er so stórur Mynd: Vilmund Jacobsen