mánadagur 11. august 2008síða 8

8 tíðindi Nr. 151 - 11. august 2008 Íslendskt felag bíðar eftir loyvi at selja tvøst í Føroyum Íslendingar hava útflutt eitt tons av sildrekatvøsti til Føroya, men sølan er ikki byrjað enn. Orsøkin er, at felagið hjá teimum, sum skjóta sildreka, hevur ikki ES- góðkenning til at selja tvøst í Føroyum. Men felagið væntar at fáa slíka góðkenning fyrsta dagin. Tað sigur Gunnar Bergmann Jónsson, stjóri í felagnum, við íslendska kringvarpið. Hann sigur, at ætlanin er at útflyta fimm tons av tvøsti afturat til Føroya. Einki grindadráp hevur verið í summar, og tí er marknaður fyri sildrekatvøsti í Føroyum, siga teir, sum skjóta sildreka í Íslandi. Útflutningurin til Føroya ger, at teir nú vilja hava størri kvotu. Higartil í ár hava íslendingar skotið 27 sildrekar. Í Íslandi keypa matstovur nógv tvøst, skrivar heimasíðan uf.fo Kend duo vitjar Hesar komandi dagarnar fer duo’in Ingeborg Christophersen á blokkfloytu og Jonas Højrup á guitara at hava konsertir kring landið. Ein konsert verður týskvøldið í Gøtu kirkju og ein onnur mikukvøldið í Listasavninum á Sandi. Tað er Konsertfelagið, sum saman við lokalum kreftum skipa fyri tiltakinum. Spæld verða verk eftir til dømis Vivaldi og Édouard Lalo, umframt nýggjan tónleik, ið er skrivaður beinleiðis til duo’ina. Umframt hesar konsertirnar hava tey í summar havt konsertir í Noregi og Danmark. Hóast millum 7000 og 9000 fólk hava verið í Klaksvík um vikuskiftið, har Summarfestivalurin hevur verið, letur vakthavandi í Klaksvík væl at. Tó hava rættiliga nógv smærri ting verið og nógv full fólk. Løgreglan í Havn hevur eisini verið úti um seg í vikuskiftinum LøgregLurapport Rógvi Nybo rogvi@sosialurin.fo Náttina til fríggjadagin var løgreglan í Havn úti og gjørdi ferðmátingar. Tveir bilførarar vóru tiknir á Kaldbaksveg- num, har báðir koyrdu 108 km/t.. Hesir fáa báðir klipp og bót. Fríggjakvøldið varð ein førari tikin á vegnum Millum Fjarða fyri at koyra 117 km/t., og hesin fær somuleiðis klipp í koyrikortið og tilhoyrandi bót. Fríggjamorgunin var ein bilur farin útav omanfyri Sørvág við tveimum út- lendskum fólkum í. Mað- urin, sum er íslendskur, varð seymaður í vørrina, meðan kvinnan, sum er týsk, fekk ilt í ryggin. Bæði vóru koyrd á sjúkrahús. Fríggjadagin um klokkan tvey var eitt ferðsluóhapp í Kollfjarðatunnilinum. Ein bilur, sum kom koyrandi norðeftir, kom yvir á mót- sætta akbreyt og rendi í síðuna á einum mótkoyrandi bili. Tann árendi bilurin fekk ikki koyrt víðari, með- an hin rýmdi av staðnum. Orsøkin var at hann hevði einki koyrikort, men hann var fangaður seinni og viðgekk brotsgerðina. Sunnudagin seinrapart fekk løgreglan fráboðan um, at ein bilur var farin útav í seinasta svinginum omanfyri Statoil í Koll- fjarðardali. Bilurin gjørdist vrak, og ferðafólkið í bili- num fekk nakrar pentur. Løgreglan kannaði føraran fyri rúsdrekka og um hann hevði koyrikort, men har var alt í lagi. Sló hýruvognsførara og ferðafólk Leygardagin varð løgreglan útkallað til eitt harðskaps- mál í Havn. Ein maður hevði sett seg inn á forsetrið í einum hýruvogni, har tvey fólk longu høvdu sett seg inn. Tá hesi so talaðu at, kvitteraði hann við at sláa eftir førara og ferðafólki. Hesin maðurin, sum er kenningur hjá løgregluni, er varðhaldsfongslaður í tvær vikur. Fríggjakvøldið um klokk- an nýggju, fekk løgreglan fráboðan um eitt egyptiskt ferðafólk, ið hevur gingið runt og selt ymiskar vørur, so sum tekningar og málningar og annað, uttan at hava neyðuga søluloyvið í lagi. Løgreglan hevur enn ikki fingið fatur á viðkom- andi, og biðjur fólk um at lata frætta frá sær, um tey vita nakað um útlendingin. Afturat hesum hevur løg- reglan tikið ímóti tveimum ferðafólkaskipum, sum hava verið á Havnini um vikuskiftið, og gjørt tey neyðugu eftirlitini í sam- band við Shengen avtaluna. Afturat hesum hava verið onkur smáttaríir, full fólk, sum eru koyrd heim og onkur húsaófriður, har løg- reglan mátti út at fáa semju í lag aftur. Nógv full fólk í Klaksvík Nú Summarfestivalur hevur verið í Klaksvík, hava nógv fólk verið har um vikuskift- ið. Løgreglan hevur havt úr at gera við smáttaríum og fullum fólkum, men yvir- høvir hava fólk skikkað sær væl á festivalunum. Hósmorgunin vóru tveir feðgar farnir til hendurs, og annar av teimum varð tikin við á støðina. Seinnapartin hósdag kom tann fyrsti fulli gesturin inn at sita rúsin av sær, og á miðnátt hósdagin kom nummar tvey gestur inn. Ein persónur legði seg ímillum eina handtøku hós- náttina, og hetta úrslitaði í at tann, ið upprunaliga skuldi handtakast slapp til rýmingar, og hann, ið legði seg ímillum varð handtikin fyri at forða løgregluni í arbeiði. Hin persónurin var tó handtikin seinni. Nøkur slagsmál hava verið, og løgreglan hevur verið boðsend at skilja sundur aftur. Men teir hava fingið góða hjálp frá vakt- arfólki og samarittum, og hetta hevur generelt spæl væl av. Lá beinbrotin uttanfyri Kiosk Vár Fríggjadagin á miðdegi fekk løgreglan í Klaksvík fráboðan um at ein maður lá uttanfyri Kiosk Vár í Klaksvík. Tað vísti seg so, at maðurin hevði brotið beinið, og tískil varð hann koyrdur beint á sjúkrahúsið til viðgerðar. Leygarmorgunin fekk løgreglan fráboðan um ófrið við Keypssamtøkuna í Klaksvík. Har hevði onkur tikið nakrar vognar, ið verða nýttir til at koyra vøru í, og rent á bilar við hes- um. Um klokkan eitt náttina til sunnudagin fekk løgregl- an fráboðan frá tveimum fólkum, ið sótu og passaðu eitt barn fyri eina mammu, sum var farin á bingo, men sum ikki varð komin aftur- íaftur. Sum tað ljóðaði á hesum fólkunum varð hetta ikki fyrstu ferð, og barna- verndin er nú farin upp í málið. Tveir feðgar vóru eisini farnir til hendurs í Klaksvík og pápin varð tikin við á støðina. Um klokkan fimm sunnu- morgunin kom løgreglan fram á ein mann, sum sat avdottin aftanfyri róðrið í bilinum. Hesin varð so vakt- ur og foreldrini ringd upp og biðin at koma eftir honum. Annars hava sera nógv full fólk verið inni á støðini og annars eisini koyrd á sjúkrahúsið. Tey fólk, ið búgva í Klaksvík, ella fingu upplýst hús, har tey kundu gista, vórðu koyrd heim, meðan hini, og kanska ser- liga avbygdafólk sum ikki vistu nakran góðan í Klaks- vík vóru tikin inn í brumm- una at sova rúsin av sær. Onkur varð eisini koyrdur til Havnar at sova rúsin av sær. Samanumtikið letur vakt- havandi í Klaksvík tó væl at, og sigur at í mun til hvussu nógv fólk hava verið í Klaksvík um vikuskiftið, so hevur gingið friðarligt fyri seg. Nógv smáttaríir hava verið, og løgreglan hevur verið boðsend ofta, men í høvuðsheitum hevur alt gingið væl. Løgreglan hevði úr at gera um vikuskiftið Samgongan spælir víðari Fyrrapartin fór minnilutasamgongan á fund við Sjálvstýrisflokkin, fyri at royna at fáa eina samstarvsavtalu í lag. Komið verður á mál seinnapartin siga vónríku partarnir poLitikkur Rigmor Dam rigmor@sosialurin.fo Samgongan, sum hevur verið í kreppu síðan Gerhard Lognberg tók stuðul sín aftur, fekk um vikuskiftið ein nýggjan bjargingarring, at halda seg til. Allan fyrrapartin í dag hevur samgongan fundast við umboð fyri Sjálvstýrisflokkin, og sambært pørtunum verður komið undir land einaferð seinnapartin í dag. Tað vóru tveir positivir tjóðveldismenn, sum Sosialurin hitti í einum lítlum steðgi í Tinganesi fyrrapartin. Bæði Høgni Hoydal og Tórbjørn Jacob- sen søgdu seg hava góðar vónir fyri einum frukta- góðum samstarvi við Sjálvstýrið. Tað eru ikki ávís mál, sum eru á breddanum, men hvussu flokkarnir skulu samstarva formliga. Kári á Rógvi segði við Sosialin, at talan nú er um at innføra ein nýggjan kultur í føroyskum politikki, har minnilutasamgongan heldur fram at vera formliga í minniluta, men við einum samstarvsflokki sum eitt slag av back up. - Vit eru ikki ein stuðulsflokkur hjá minniluta- samgonguni, men royna í løtuni at finna ein leist fyri hvussu vit samstarva framyvir, segði hann við Sosialin. Sostatt er talan um, at finna nakrar nýggjar mannagongdir fyri politiska arbeiðið í tingi, har Sjálvstýrisflokkurin hevur ávirkan á eitt nú fíggjar- lógina og onnur mál, sum hava týdning fyri flokkin. Tað vóru bjartskygdir politikarar, sum fingu sær ein lítlan steðg í Tinganesi í morgun