mánadagur 11. august 2008síða 11

11 tíðindi Nr. 151 - 11. august 2008 Bøgesvang á Gjaranesi árið út Tá Henning Bøgesvang varð fyribils settur sum sóknarprestur frá Sjóvar prestagjaldi fra1. mars, var ætlanin at hann skuldi røkja starvið fram til 31. marst. Í samráð við kirkjuráðini verður starvstíðin hjá Henningi sum sóknarprestir í Sjóvar prestagjaldi longd hetta árið út, upplýsir bispur á heimasíðuni HYPERLINK ”http:// www.folkakirkjan.for” www.folkakirkjan.for Formaðurin í vinnu­ nevndini, Jóhan Dahl, tekur meira rívan til enn hinir fýra í andstøðuni gera saman við Gerhardi Lognberg. Hann mæl­ ir nevniliga til eina skerjing í fiskidøgum upp á 10 í øllum bólkum Fiskidagar Vilmund Jacobsen vilmund@sosialurin.fo Andstøðan á tingi eigur við formanninum Jóhan Dahl meirilutan í vinnunevnd løgtingsins. Kortini hevur formaðurin sum annar av minnilutunum í nevndini sítt egna uppskot um fiski­ dagar fyri komandi fiskiár, har hann mælir til, at allir veiðibólkar verða skornir við 10%. Jóhan Dahl tekur heldur ikki undir við landsstýris­ manninum í fiskivinnu­ málum, Tórbirni Jacobsen, sum upp á forhond ætlaði at taka 5.000 dagar frá bólki 5 – umframt, at hann hevur skotið upp á skerja alla húkaveiði og harvið eisini útróðrarflotan við 50%. ­ Eg meti, at støðan í fiskivinnuni av sær sjálvum fer at hava við sær eina minking av veiðini á land­ leiðini, og at veiðitrýstið tí sum heild fer at minka meira, enn skerjingin av døgum viðførir. Jóhan Dahl mælir í sínum uppskoti til, at Føroyabanki verður totalfriðaður kom­ andi fiskiár – við somu knattastøðum, sum vóru galdandi fyri verandi fiski­ ár. Hann heldur eisini, at neyvar stovnsmetingar mugu gerast av bankanum komandi fiskiár. Sami leistur ­ Fyri at kunna áseta eitt fiskidagatal fyri botnfiska­ flotan undir Føroyum, sum er burðardygt og røkkur veiðisetninginum um, at í mesta lagi 33% av hvørjum stovni í tali verður fiskað á hvørjum ári, má fiskidaga­ talið roknast út eftir sama leisti, sum tá ið dagarnir á fyrsta sinni vórðu ásettir í 1996. Jóhan Dahl heldur, at Fiskirannsóknarstovan eig­ ur at rokna út fiskidagatalið fyri hvønn skipabólk eftir sama frymli, sum varð nýttur í 1995­1996, og síð­ an skal rætta dagatalið finn­ ast, sum røkkur veiði­ setninginum. ­ Til hetta verða nýttar tær uppgerðir av veiði og nýtslu av døgum upp á hvønn skipabólk, sum Fiski­ veiðieftirlitið almannakunn­ ger. Minnilutin heldur, at Fiskirannsóknarstovan eisini eigur at gera metingar um, hvussu stongdu leiðir­ nar undir Føroyum og áset­ ingarnar um meskavídd ávirka, hvussu nógv verður fiskað av ymisku fiska­ stovnunum. ­ Fyri at røkka hesum setningi, er neyðugt, at Fiskirannsóknarstovan nýtir neyðuga orku til tað arbeiði, sum er neyðugt at gera. Jóhan Dahl vísir til stað­ festingina um, at 33%­ reglan er burðardygg og í samljóði við fyrivarnisregl­ una. ­ Hetta er sera týdningar­ mikið fyri umdømið hjá før­ oyskari fiskivinnuumsiting, og tí er neyðugt at fáa skip­ anina tillagaða soleiðis, at útrokning av veiðievni verð­ ur samsvarandi hesum. Økt eftirlit Løgtingsmaðurin heldur, at neyðugt er eisini at økja um eftirlitið hjá Fiskiveiðieftir­ litinum, og í hesum sam­ bandi nevnir hann serliga eftirlitið við hjáveiði hjá uppisjóvarflotanum og fremmandum skipum í før­ oyskum sjógvi annars. ­ Samstarvið millum Fiskiveiðieftirlitið og Fiskirannsóknarstovuna eigur at verða styrkt, og neyðug játtan eigur í hesum sambandi at verða fingin til vega, sigur Jóhan Dahl, løg­ tingsmaður og formaður í vinnunevnd løgtingsins. Jóhan Dahl mælir til 10 prosent Nógv móra á Suðurlandi Í gjár var nógv móra at síggja í Skaftá í Skaftárdali á Suðurlandinum í Íslandi. Hesa tíðina eru ofta nógv fólk í summarhúsum í Skaftárdali. Løgreglan heitti sunnudagin á fólkini um at fara úr dalinum av ótta fyri, at Skaftá skuldi fara yvir áarbakkarnar. Tí kemur móran inn á vegirnar, so verður ikki koyrandi í Skaftádali Tíðliga í gjár varnaðust fólk nógvu móruna í ánni, og tað versnaði, sum dagurin leið. Áin vaks skjótt, og móti kvøldi var vatnstandurin vaksin við meira enn einum metri, Skaftá er jøkulsá, sum kemur undan Skaftárjøkli. Tað frættist úr Íslandi í gjárkvøldið, at áin nú er reinari aftur, tí verður mett, at vatnstandurin fer at minka seinni í kvøld, skrivar joanisnielsen.fo. Teir, sum leggja upp til størstu skerjingina í fiskidøgum, eru Páll á Reynatúgvu og Heini O. Heinesen, sum mæla til niður­ skurð upp á 20% í øllum skipabólkum Fiskidagar Vilmund Jacobsen vilmund@sosialurin.fo Floksfelagarnir hjá lands­ stýrismanninum í fiski­ vinnumálum í vinnunevnd­ ini, Páll á Reynatúgvu og Heini O. Heinesen, eru teir, sum mæla til størstu skerj­ ingina av fiskidøgum fyri komandi fiskiár. Sum annar av minnilutu­ num í vinnunevndini mæla teir báðir til, at fiskidagarnir í øllum skipabólkum verða skornir við heili 20%, ið er sama tal, sum landsstýris­ maðurin Tórbjørn Jacobsen mælti til at skerja partrol­ araflotan við. At Páll fór at mæla til slíkar skerjingar, var kanska ikki so óvæntað, men fáur mundi rokna við, at Heini O. Heinesen, sum er valdur í størsta útróðrarøki og línuøki í landinum, fór at taka so rívan til í sínum tilmæli til løgtingið. At saðla um Báðir ásanna teir, at toska­ og hýsustovnurin eru sera illa fyri, meðan upsastovn­ urin hinvegin er rímiliga væl fyri. ­ Landsstýrismaðurin ger greitt í sínum uppskoti, at skilabest er at saðla um í rikna fiskivinnupolitikki­ num – skilt á tann hátt, at vit í framtíðini eiga at lurta meira eftir lívfrøðiligu ráð­ gevingini, tá fiskidagar verða ásettir á hvørjum ári. Páll og Heini siga seg í stóran mun vera samdar við sjónarmiðini hjá egnum landsstýrismanni. ­ Vit eru eisini sannførdir um, at krøvini í framtíðini fara at hava við sær, at ikki slepst undan hesi tilgongd frameftir. Hóast vit í stóran mun eru samdir við upp­ skotinum hjá landsstýris­ manninum, halda vit, at hann hevur tikið í so rívan til. Teir halda, at ein skiftistíð eigur at geva vinnuni og samfelagnum eitt skotbrá ella eina skilagóða venj­ ingartíð til nýggju leiðina. ­ Tí mæla vit til, at nakað av ferðini verður tikið úr tilgongdini í mun til upp­ skotið hjá landsstýrismann­ inum, sum tað fyriliggur, sigur Páll á Reynatúgvu og Heini O. Heinesen, sum mæla til eina skerjing av fiskidøgum í øllum veiði­ bólkum upp á 20%. Umframt viðmerking­ arnar, sum Páll og Heini hava í felag, hevur løgtings­ maðurin í Norðoyggjum eisini gjørt sínar egnu við­ merkingar í vinnunevndini. Heini O. Heinesen ásann­ ar, at lógin um vinnuligan fiskiskap er illa umsitin, síðan hon kom í gildi fyri 12 árum síðan. ­ Vit eru í ferð við at saga greinina av, sum øll fiskivinnan hvílir á, sigur hann. Heini og Páll vilja skerja við 20 prosentum Teir mæla til størsta niðurskurðin í fiskidøgum – heili 20% í øllum veiðibólkum - Samstarvið millum Fiskirannsóknarstovuna (mynd) og Fiskiveiðieftirlitið eigur at verða styrkt, heldur Jóhan Dahl, formaður í vinnunevnd løgtingsins Mynd: Vilmund Jacobsen Jóhan Dahl mælir sum ein av minnilutunum í vinnunevndini til, at allir skipabólkar í komandi fiskiári verða skerdir við 10% í fiskidøgum