hósdagur 14. august 2008síða 8

8 Nr. 154 - 14. august 2008 Stutt Sagt Rice til Georgia Amerikanski forsetin, George W. Bush, hevur gjørt av at senda uttan­ ríkisráðharra sín, Condo­ leezza Rice, til Georgia í næstum fyri at vita, um hon er før fyri at finna eina loysn á ósemjuni mill­ um Russland og Georgia. Samstundis hevur Bush gjørt av at senda herskip og flogfør til leiðirnar við neyðsynjarhjálp til Georgia. Í einari røðu í gjár segði Bush, at tað er sera um­ ráðandi, at russar halda av­ taluna við Georgia um vápnahvíld, og at teir taka sínar herdeildir aftur, so neyðhjálpin kann koma fram. Stutt frammanundan røðuni hevði Bush tosað í telefon við georgiska for­ setan, Mikhail Saakasjvili. Goymdi barn í skápi Herfyri bóru amerikanskir fjølmiðlar tíðindi um eina sjey ára gamla gentu, sum varð funnin í einum skápi. Sagt varð, at gentan brúkti blæðu, og at hon var sum eitt pinkubarn, tí hon hevði als ikki ment seg á sama hátt, sum børn vanliga gera. Eitt nú dugdi hon ikki at tosa ella at samskifta við onnur fólk. Nú skriva bløðini, at gentan eitur Danielle Crockett og býr í , og at í veruleikanum bleiv hon funnin í býnum Plant City í Florida fyri trimum árum síðani. Bløðini vita at siga, at tvær ferðir fekk barnaverndin í býnum kærur frá fólki, sum vildu vera við, at gentan bleiv misrøkt. Kortini hendi einki, fyrr enn gentan var sjey ára gomul. SAMBAND árNi joeNSeN fArtekSt@MAil.Dk - Okkara átak í Georgia kann samanberast við tað, sum USA gjørdi aftan á 11. september í 2001 russiskur varaforsætisráðharri útlond Samstundis eru ameri­ kanararnir farnir at flyta neyðsynjarvørur við flogfari til Georgia Georgiska innanríkisráðið segði í morgun, at russiski herurin var farin undir at taka seg aftur úr georgiska býnum Gori, sum hevur verið undir russiskum eftir­ liti teir seinastu dagarnar. Í gjár komu fleiri russisk hernaðarakfør til Gori. Russiska frágreiðingin var, at hermenninir skuldu verja fólkið í býnum, men georgisku myndugleikanrir søgdu tað vera skálkaskjól, og at Russland hevði brotið avtaluna um vápnahvíld. Í morgun væntaðu eyg­ leiðarar, at afturtøkan úr Gori var byrjanin til russ­ iska afturtøku úr Georgia. Eitt amerikanskt flutn­ ingsflogfar kom í morgun til Georgia við neyðsynjar­ vørur, og eitt annað skuldi koma seinni í dag. Formaðurin hjá demokratunum í amerikanska statinum Arkansas varð myrdur í gjár Stutt fyri middag lokala tíð í gjár kom ein maður inn á skrivstovuna hjá demokratiska flokkinum í býnum Little Rock í Arkansas og spurdi eftir formanninum, Bill Gwatney. Løtu seinni skjeyt maðurin trý skot eftir floksformanninum, og í gjárkvøldið doyði Bill Gwatney. Fyrrverandi forsetin Bill Clinton er ættaður úr Arkansas og var guvernørur har, áðrenn hann bleiv forseti, og tað vóru hann og Hillary Clinton, sum í gjárkvøldið boðaðu frá, at Bill Gwatney var deyður. Drápsmaðurin er eisini deyður. Hann royndi at sleppa undan løgregluni, men í einum skoitbardaga við løgregluna varð hann so illa særdur, at hann doyði á sjúkrahúsinum í morgun, skrivar AP. Sambært løgregluni var drápsmaðurin 50 ára gamal og var vorðin arbeiðsleysur fyri stuttum. Í Zimbabwe royna stjórnin og misnøgdir andstøðupolitikarar at skipa stjórn uttan um andstøðuflokkin, sum vann tjóðartingsvalið í vár Fyrst ljóðaði, at suður­ afrikanski forsetin, Thabo Mbeki, hevði fingið semju millum zimbabwisku stjórnina og politikarar, sum hava tikið seg úr andstøðuflokkinum MDC, men seinni avsannaði Mbeki tíðindini. ­ Vit hava umrøtt øll viðurskifti og eru næstan komin á mál, men Morgan Tsvangirai, andstøðuleiðari, vil ikki góðtaka úrslitið og hevur biðið um stundir til at hugsa seg um, segði Mbeki í gjárkvøldið. Suðurafrikanski forsetin, sum er semingsmaður í Zimbabwe, legði afturat, at hann er sannførdur um, at samráðingarnar fara at enda við semju, men at tað er ilt at siga, nær tann endaliga semjan verður veruleiki. Sambært fleiri keldum vildi Morgan Tsvangirai ikki taka undir við semju­ uppskotinum, tí sambært tí fekk andstøðuleiðarin ong­ an leiklut í zimbabwisku leiðsluni. Sum skilst miðjar uppskotið eftir, at stjórn­ arflokkurin og teir politik­ ararnir, sum eru farnir úr MDC, skulu skipa stjórn uttan um sjálvan andstøðu­ flokkin, sum annars vann tjóðartingsvalið í vár. Russar á veg úr Georgia Ætla at halda Tsvangirai uttanfyri Robert Mugabe vil ikki lata andstøðuna sleppa framat Mynd: Polfoto Floksformaður skotin í USA Russisk hernaðarakfør uttan fyri Gori Mynd: Polfoto Condo- leezza Rice skal til Georgia Mynd: Polfoto Ein smágenta í Florida bleiv misrøkt í sjey ár Mynd: AP