fríggjadagur 15. august 2008síða 10

10 tíðindi Nr. 155 - 15. august 2008 Fyrr í ár legði Íverksetarahúsið í Klaksvík eina ætlan fyri Mentamálaráðið um íverksetan í fólkaskúlan. Hetta skal gerast undir heitinum »Samfelagið inn í skúlan, og næmingarnir út í heim« Skúli Snorri Brend snorri@sosialurin.fo Klaksvík: - Meðan vit bíða eftir, hvat skal henda við hesi ætlan, er Young Enter- prise komið væl áleiðis við júst hesum sama í Danmark, verður sagt úr Íverksetara- húsinum í Klaksvík. Her hava ikki færri enn 10.000 skúlanæmingar havt íverksetan sum lærugrein seinasta skúlaár. Í hesi vikuni fara ikki færri enn 65.000 børn frá árganginum 2002 at seta hol á eina langa og tíðar- krevjandi skúlatilveru runt í Danmark. Hetta hendir, hóast tey bert eru seks-sjey ára gomul. Nú fara fleiri teirra longu hetta skúlaárið at nema sær kunning á íverksetaraøki- num og innan rakstur av fyritøku. Kanska fara føroysk skúlabørn at luttaka í hesum sama um nøkur ár! Skapar dynamikk Støðan í Danmark er hon, at fleiri og fleiri skúlar er byrjaðir at seta íverksetan á tímatalvuna. Til hetta høvið hevur Young Enterprise ment eina út- búgvingartilgongd við frá- lærutilfari um íverksetan til øll floksstig í fólkaskúlanum. Hetta fingu heili 10.000 næmingar høvið at royna í fjør, mótvegis 3.500 árið fyri. Samanlagt 173 fólka- skúlar eru limir í sjálv- støðuga grunninum, Young Enterprise, og væntandi fer hetta talið at økjast til hetta skúlaárið. - Alsamt fleiri skúlar hava latið eyguni upp fyri týdn- inginum av at kunna næm- ingarnir um teir mongu íver ksetaramøguleikarnir, sum heimurin hevur at bjóða. Hetta verður móttikið ser- stakliga positivt, sigur Dansk Erhverv, har stjóra- konsulenturin Søren Friis Larsen fegnast um tølini. Hann vónar, at átakið fer at røkka út á enn fleiri skúlar í framtíðini. Sambært honum hevur íverksetan stóran týdning fyri danskt vinnulív. - Tað gevur dynamikk og eina menning, sum eisini kann rippa upp í tí verandi vinnulívinum. - Tað er tískil umráðandi at fáa íverksetan inn í skúlaskipanina, tí tað kann verða við til at skapa enn fleiri íverksetarar og ágrýtin arbeiðsfólk, sum støðugt kunnu víðarimenna fyri- tøkur, sum vit longu kenna í núverandi vinnulívinum, sigur Søren Friis Larsen. Stórur áhugi er at búseta seg í vestastu kommununi. Seinastu árini eru 20 nýggj sethús bygd í nýggj­ astu útstykkingini í Sørvági Bygging Snorri Brend snorri@sosialurin.fo Sørvágur: Tað tók ikki langa tíð, frá fyrstu grundøkini vóru tøk, til fólk fóru undir at byggja í Hagagerði. Kommunan hevði í eina tíð arbeitt við at gera sítt til, at tey ið høvdu hug at búseta seg í Sørvági, kundu fáa grundøki til tess. Longu fyrst í januar mán- aði í fjør vóru tvey hús komin upp at standa her, ovarlaga í bygdini, hóast hávetur var. Í dag ber til at staðfesta, at øll grundøkini í hesum økinum eru seld, samstundis sum eini 12 onnur øki eru planerað og klár at selja. Sambært borgarstjóran- um, Jákup Suna Lauritsen hevur kommunan ikki nakrar umsóknir liggjandi um byggiloyvi. - Hevur onkur áhuga í einum grundøki, er bara at seta seg í samband við okkum, sigur hann. Vaksandi fólkatal Hyggur ein eftir fókatalinum í Sørvági, so hevur tað verið í støðugum vøkstri tey seinastu mongu árini. Undir kreppuni fyrst í 90’unum og árini frameftir minkaði fólkatalið nakað, til tað var lægst í 2000 tá tað einans búðu 886 fólk í Sørvági. Síðani tók talið at vaksa, og fór í februar mánaði í ár á fyrsta sinni síðani 1990 upp um 1000 íbúgvar. Umframt nevndu út- stykkingarnar í Sørvági, er útstykkjað fyri seks grund- økjum í Bø og sum øll eru seld, umframt eini sethús sum eru í gerð í Gásadali. Seinastu hagtølini frá Hagstovuni vísa, at 1. juni í ár búði 1006 fólk í Sørvági. Í øllum teimum fýra bygd- unum í kommununi – Sørvági, Bø, Gásadali og Mykinesi – búgva íalt 1.111 fólk. Verða tey 12 tøku grund- økini seld í næstum, bendir alt á at íbúgvaratalið er at vaksa enn meiri í kommununi. Grundøki tøk hóast nógv er bygt Nógv grundøki eru seld í Sørvági, og fleiri eru til sølu Fleiri næmingar fáa undirvísing í íverksetan Grønlandsbankin minni avlop Grønlandsbankin hevði 42,7 milliónir krónur í avlopi fyrra hálvár, men tað var einar 20 milliónir krónur minni enn í sama tíðarskeiði í 2007, sigur grønlendska kringvarpið. Orsøkin er fyrst og fremst kurstap av virðisbrøvum. Harafturímóti vísir roknskapurin, at inntøkurnar hjá bankanum vóru 7,2 prosent størri enn fyrra hálvár í fjør. Leiðslan skrivar í frágreiðing til roknskapin, at grønlendski búskapurin hevur tað gott, og at útlitini eru góð fyri seinna hálvár. Grønlendingar skeiva viðferð Danski vælferðarráðharrin Karen Jespersen vil hava at vita, hví tíggju grønlendskar familjur hava fingið boð um at flyta úr Gellerup Parkini í Århus. Í brævi til borgarstjóran í Århus kommunu, Nicolas Wammen, skrivar ráðharrin, at tær grønlendsku familjurnar fingu ikki frið fyri ungum muslimum í Gellerup Parkini, men at tað kortini vóru tær grønlendsku familjurnar, sum blivu fluttar. Sambært borgarstjóranum bóðu tær tíggju familjurnar um at fáa annað pláss at búgva í.