mánadagur 18. august 2008síða 22

22 [ Nr. 156 - 18. august 2008 ] Javnleikurin ímóti botnliðnum ber við sær, at NSÍ er fokið og ongan møguleika hevur at endurvinna FM heitið Fótbóltur Jóannes Hansen Joannes@sosialurin.fo NSÍ verður ikki meistari. Støðutalvan hevur leingi boðað frá hesum veruleik­ anum, og í gjár varð stað­ fest í kommunuuppgerðini á Skála, at heimaliðið, sum framvegis er á aftasta plássi, er eins væl og kanska betri fyri, enn NSÍ er tað. Hesum var tað sjón fyri søgn fyri í grannauppgerð, har spælið ikki var serliga væl skipað, og har tað – eisini orsaka av fríska lotinum – vóru nógv­ ar sendingar, sum ikki vign­ aðust, sum tað var ætlað. Úrslitið var 1­1. Tað iðra teir á Skála seg mest yvir, hóast teirra avrik heldur ikki var so ógvuliga sann­ førandi. Fyritreytirnar hjá skálamonnum gjørdust einki serligar. Tveir av stuðulsspælarunum noydd­ ust longu í 1. hálvleiki at taka seg av vøllinum, tí teir vóru skaðadarvaðir. Ikki meiri enn stórur hálvur tími var farin, tá ið fyrst ágrýtni álopsspælarin Bogi Gregersen, sum varð skaðaplágaður beinanvegin, og síðani miðvallar stýri­ maðurin Pauli G. Hansen noyddust av vøllinum. Ser­ liga meint var tað, at Pauli noyddist av vøllinum. Tá varð Pætur Dam Jacobsen fluttur á sentralt miðvallar­ pláss, meðan Bárður Joen­ sen varð settur inn á vong­ verjan í høgru. NSÍ hevði fitta lotið undan í 1. hálvleiki, men tað var heimaliðið, sum legði seg á odda, tá ið tíggju minuttir vóru farnir. Jónhard Frederiksberg, sum hevur bæði longri tjóður og størri sjálvsálit, nú hann er aftur í barndómsfelagnum, enn hann hevði í NSÍ, sneiddi seg eftir innkast í vinstru til baklinjuna og legði út frá. Alexandur Johansen royndi ímóti málinum, og eftir kontra var tað nýggi miðvallarin Sjúrður Djurhuus, sum sendi bóltin í málið aftanfyri Tórð Thomsen. Burtursæð frá løtuni, eftir at Skála hevði lagt seg á odda, var Skála væl gram­ mari í 1. hálvleiki, og heimamenninir vunnu nær­ dystirnar og vóru fyrri á næstu bóltunum. Men tað eydnaðist teimum ikki at økja um leiðsluna og harvið at leggja seg á tryggari sigurskós. Arnhold Berg var sannur brandur í miðverjuni, og Erland B. Danielsen og Sjúrður Djurhuus stóðu seg væl á miðvøllinum. Eftir steðgin royndi Skála við langskotum undan vind­ inum, men tað eydnaðist ikki at skjóta fleiri mál. Næst við var miðverjin, Poul N. Poulsen, tá ið 2. hálvleikur var um at vera hálvrunnin, men bólturin brast í tvørtræið aftanfyri NSÍ málverjan. Glansurin er burtur Fyri einum ári síðani gekk tað sum eftir ánni hjá NSÍ. Á veg móti meistaraliðnum koppaðu tøttu og intensu uppgerðirnar teimum gulu til fyrimunar, og tað var rárasta hending, at liðið ikki hevði somu manning. Nú er tað ikki soleiðis. At Óli Hansen aftur var leikbannaður bar við sær, at Aco Pandurovic var í miðverjuni saman við Jóhan Troest Davidsen. Jónas Þór Næs, sum var vongverji í høgru, tóktist skaðadarvaður, og í hinum borðinum gjørdist tað ofta vandamikið, tá ið teir mistu í uppspælinum. Nýggi landsliðsspælarin, Bogi Løkin, sum man vera ein tann støðugasti á meistaraliðnum í ár, skoraði útjavnandi málið, tá ið 2. hálvleikur bara var eina løtu gamal. Eftir hornasparks­ innlegg úr høgru frá Sjúrði Jacobsen stýrdi hann stutt úr málinum bóltin inn um Predrag Markovic, sum hevði onkrar góðar bjarg­ ingar í Skála málinum. Eitt nú tá ið hann seint í 1. hálvleiki vardi fyri, eftir at Hjalgrím Elttør hevði lagt frísparksinnlegg í brotsteigin og Aco Pandurovic hevði stýrt bóltin ímóti málinum. Men ov ofta var tað ikki nóg polerað og við tí tyngd, broddi og styrki, sum í fjør bar við sær, at NSÍ ofta avgjørdi fram ímóti dystarenda. Nógv av álopsspælinum er lagt til rættist fyri at Karoly Potemkin, sum var einsamallur á toppinum, meðan Hjalgrím Elttør var eitt sindur aftari, skal avgera. Teir báðir fremstu hava sæð betri dagar, enn tað teir vístu á Skála, og tá ið sentrali miðvøllurin heldur ikki var so væl fyri, sum hann áður hevur verið, so var tað ikki óvæntað, at tað ikki eydnaðist at fáa fulla úrtøku og harvið at halda tørn um silvurplássið, sum hesa ferð varð útskift við fimta plássið. Glottin hjá NSÍ kundi vera, at tað í triðju royndini eftir summarsteðgin endiliga eydnaðist at fáa stig burturúr. Men úrtøkan var ikki tann,sum NSÍ hevði vónað at vunnið ímóti botnliðnum, ið kortini ikki spælir sum upp­ lagdur niðurflytari. Skála-NSÍ 1-1 )1-0): Meistararnir hava mist flogið NSÍ Skála Claus aftur á liðnum Fyrrverandi føroyski landsliðsspælarin Claus Bech Jørgen­ sen var aftur á liðnum hjá Blackpool, tá liðið spældi fyrsta dystin í nýggja kappingarárinum um vikuskiftið. Blackpool spælir í næstbestu ensku deildini. Fyrsti dysturin var á úti­ vølli ímóti Norwich, og Blackpool fekk javnleik. Claus og teir løgdu seg á oda við brotssparki 10 minuttir eftir steðgin, men stívliga eitt korter fyri leiklok javnaði Norwich. Claus Bech Jørgensen spældi við allan dystin. Neville nýggjan sáttmála 33 ára gamli Gary Neville fær eftir øllum at døma nýggjan sáttmála í Manchester United. Farna kappingarár var Neville, sum hevur verið liðformaður í United, skaddur alla tíðina, men venjarin Sir Alex Ferguson vil hava Neville í felagnum. ­ Hann er ein fínur fýrur, sum vit vilja hava við í okkara hópi. Tí fær hann ein nýggjan sáttmála, sigur Ferguson, sum tó ikki kann lova Gary Neville fast pláss á liðnum. – helst besta smyrjiolja í heiminum Her fært tú skift til bestu smyrjiolju www.shell.fo Norðoyggjar: Klaksvíkar Autolakering Klaksvík, tel 458787 Bilservice Klaksvík, tel 459393 E.Z. Verstaðið Klaksvík, tel 566878 Auto Fjósið Viðareiði, tel 451162 Autoshine Klaksvík, tel 457474 Eysturoy: Dekksentrið Saltangará, tel 475500 B.B.R. Service Lambareiði, tel 449111 Normek Norðagøta, tel 442002 Sandoy: Shell-Støðin Sandur, tel 361046 Suðuroy: Shell-Støðin Trongisvágur, tel 371466 Shell-Støðin Vágur, tel 373175 Streymoy: Berg Motors Tórshavn, tel 313535 Bilrøkt Tórshavn, tel 588880 Bilasølan Tórshavn, tel 315354 Akfarssølan í Hornabø Tórshavn, tel 320322 Shellstøðin Frælsið Tórshavn, tel 312112 Dekksentrið Tórshavn, tel 475500 Super Dekk Service Tórshavn, tel 314975 V.R.-Bilar Tórshavn, 322110 Wenzel Tórshavn, tel 354500 Norðbil Tórshavn, tel 363738 Norðcar Tórshavn, tel 308080 Vágoy: Bilverkstaðið Miðvágur, tel 332727