mikudagur 8. august 2001síða 5

8 Nr. 150 - 8. august 2001 Nr. 150 - 8. august 2001 9 Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Tíðindaleiðari: Jústinus Eidesgaard justinus@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Marjun Dalsgaard marjun@sosialurin.fo Gudny Langgaard gudny@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo John Johannessen john@sosialurin.fo Edvard Joensen edvard@sosialurin.fo Turið Kjølbro turid@sosialurin.fo Stefan í Skorini stefan@sosialurin.fo Ítróttur: Jákup Mørk jakup@sosialurin.fo Myndamenn: Jens Kristian Vang jensk@sosialurin.fo Álvur Haraldsen alvur@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1 700 Klaksvík tel. 458686 fax 458687 e-post: klaksvik@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 311820, Fax 314720 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Tað er ikki eiti á sum onkur oddagrein okkara hevur fingið øði í. Tað var ongantíð ætlanin. Atfinningar eru so ymiskar, og ymiskt er, hvussu fólk taka slíkar. Nú skulu vit ikki taka dagar ímillum, hvør loypir framav ella ikki, men SL stjórin skal hava takk fyri, at hann við klæðiligum lítillætni greiðir frá sínum virksemi. Kalla okkum gamaldags, men munurin á einari eykajáttan, har alternativið er at leggja skip stilt, um játtanin ikki verður givin, og so at fara útum eina játtan, er ringur at fáa eyga á. Politiski undirtónin í tí, vit skriva er, at vit halda, at ferðafólkaflutningur í Føroyum er ein almenn upp- gáva, og tí er tað av alstórum týdningi at eventuellir bygnaðartrupulleikar verða umrøddir. Konstruktiv umrøða má kunna fara fram uttan, at fólk fara í defensivin, sparka aftireftir og idealisera nútíðina. Strandferðslan hevur verið, er og fer vónandi framyvir at vera ryggásin í føroyskum ferðafólka- flutningi. Tað áhugaverda er ikki, um ein leiðsla kann lastast fyri eitthvørt. Vit fokusera uppá bygnaðin í tí al- menna, og har er adressan sólarklár. Ovasta ábyrgd tá tað kemur til bygnaðartrupulleikar liggur hjá løg- manni. Vit dittaðu okkum at nevna rakstrarútreiðslurnar á SL. Rakstrarkostnaðurin av innanoyggjaflutninginum er á leið 40% hægri í dag enn í 1995. Strandferðslu- stjórin sendur okkum so eitt grannskoðaracitat, ið sigur at leiðslan hevur so onga ábyrgd av tí. Trupulleikin er ikki hvørs feilurin er, trupulleikin liggur í tí faktum, at raksturin er dýrari enn nakrantíð. Tað hjálpir ikki, at man veit hvar hvør króna er farin, og hvørs feilur tað ikki er. Trupulleikin liggur í skipanini, og óansæð hvussu góð fólkini eru, so verða tey ikki betur enn tann skipan tey virka í, so eingin grund er at taka kritikk av eini skipan persónliga og fara at brúka so sterk orð sum øði. Man má ikki sovna av føgrum orðum hvussu gott og professionelt alt er í tí almennu skipanini í dag. Hvat sigur skattgjaldarin? SL stjórin sigur, symptomatiskt fyri umsitingarliga ættarliðið hjá sær, at "Politiski myndugleikin hevur ongantíð fyrr fingið nakað slíkt brúkiligt fakligt tilfar frá SL, sum grundarlag fyri at taka skilagóðar avgerðir um samferðsluna." Niðurstøðan av omanfyristandandi má vera, at politikarnir í sjeytiárunum hava verið framúr dugna- ligir, tá teir hava kunnað tikið skilagóðar avgerðir utt- an "slíkt brúkiligt fakligt tilfar". Spurningurin er so hvørjar avgerðir fara at verða tiknar í dag, tá nú grundarlagið er so framúr gott, sum menn vilja vera við. DAGSINS MEINING Sosialurin Øði valdast VIÐMERKINGAR Eilif Samuelsen 03-08-01 Endamálið hjá Høgna Hoy- dal er nærum rokkið. Við- urskiftini millum Føroyar og Danmark eru nú so eitrað, at eftir standa bert tær útpenslaðu fígginda- myndirnar, sum helst fara at gerast valplakatir. Tað tykist at koma meira og meira til sjóndar, at eitt av strategisku endamál- unum hjá fullveldisfólk- unum hevur verið og fram- vegis er at forpesta viður- skiftini millum Føroyar og Danmark so nógv, sum til ber. Hetta er lutvíst ein arvur, sum heilt frá pørtum av tí gomlu sjálvstýrisrørsluni - gjøgnum Tjóðveldisflokk- in, er geisaður upp aftur og settur í system av tí harða kjarnanum í fullveldisfylk- ingini seinastu trý árini. Serliga tók útspillingin dik á seg, eftir at samráð- ingarnar við donsku stjórn- ina so fullkomuliga mis- eydnaðust orsakað av tí heilt veruleikafjara upp- legginum, sum føroyska samráðingarnevndin í ung dommiligari hugmóð helt seg kunna smoyggja niður yvir donsku stjórnina uttan víðari. Tað kundi hon sjálv- andi ikki. Og tann eyðmýk- ingin kravdi eina endurbót. Strategiin hevur higartil eydnast væl. Tú møtir valla nøkrum fullveldisfólkum, sum hava nakað sum helst gott at bera Danmørk og dønum, og tey fylgja trúføst paroluni og gera sítt til at spilla Danmørk og alt danskt út. Danir fáa skyld- ina fyri alt tað ringa og negativa, sum eyga kann fáast á her á landi, bæði tað sum er, og ikki minst tað, sum ikki er. Ein spurningur um trúgv Henda systematiska út- spillingin er nú í ferð við at koma inn í blóðið á øllum føroyingum. Royn og lurta eftir, hvussu fólk tosa, tá ið komið verður inn á po- litisku viðurskiftini millum Føroyar og Danmark. Lurta eftir, hvussu orðalagið og hugsunarhátturin hjá Høgna Hoydal hevur gjøg- numsúrgað hugaheimin, ikki minst hjá ungdóm- inum, ið sum vera man sjálvandi er lættastur at ávirka. Hansara flosklar og íðiliga endurtiknu rakstrar- róp verða brúkt í staðin fyri argumentatión. Hesi fólkini eru langt síðani hildin uppat at hugsa sjálv. Nú trúgva tey. Sum um full- veldið var ein átrúnaður, og tá eru fólk um at koma hagar, Høgni vil hava tey. Tað er høvuðsendamálið hjá øllum fólkaforførarum at fáa fólkið til at lata vera at hugsa sjálvt, men einans at trúgva upp á tey fáu rakstrarrópini, sum upp og upp í saman verða júkað niður í tey frá í erva: merk- ir bara, at ein verður mynd- igur. Evsta vald skal liggja hjá føroyska fólkinum. Yvirvaldsrætturin/ognarræt turin/ábyrgdin osfr. skal liggja hjá føroyska fólk- inum. Vit skulu taka ábyrgd av egnum landi. Vit skulu taka ábyrgd av okkum sjálvum. Vilt tú hava, at føroyingar skulu hava evsta vald í Føroyum ella vilt tú, at danir skulu hava evsta vald? Hesi sitatini hjá Høgna Hoydal eru tann óhugnaligi kjarnin í full- veldispolitikkinum. Vit skulu bara trúgva upp á framtíðina, so fer alt samalt at laga seg. Avleiðingar skal ikki hugsast um. Henda grunna og hættisliga boðskapin eru nógvir før- oyingar farnir at trúgva so fast uppá, at teir fara at atkvøða fyri fullveldinum, tí Høgni sigur tað. Bønamenninir í garðinum Upphavsmaðurin til full- veldisprosjektið ella –eks- perimentið, sum tað í roynd og veru má metast at vera, hevur havt nógvar ídnar og eldhugaðar hjálparar. Eitt av hjálparamboðunum í fullveldistilgongdini er út- gávan av vikublaðnum Fregnir, sum verður stýrt av tí kanska ágrýtnasta lær- hvølpinum. Tað blaðið hev- ur meldað út, at tað er óheft av partapolitikki. Men ikki tess minni hevur tað nýtt allan sín mátt higartil at stuðla upp undir fullveldis- politikkin hjá landsstýris- manninum í sjálvstýrismál- um, sum eisini er formaður í Tjóðveldisflokkinum. Umframt ta integreraðu dananiðurgeringina hevur eitt av høvuðsevnunum í blaðnum verið at velja út úr skjalarúgvu fingin til vega úr donskum ráðharrastov- um. Vald eru bert tey skjølini, sum seta viður- skiftini til Danmørk í ringt ljós. Haraftrat vera skjølini grovliga misbrúkt, við tað at blaðið letur skína ígjøg- num, at hetta er søguligi sannleikin um viðurskiftini beint eftir kríggið. Skjøl- unum er sjálvandi einki í vegin við, men tey høvdu uppiborið at verið viðgjørd av heiðurligum søgufrøð- ingum, sum ikki misbrúktu tey at manipulera við. Dimma sum propagandablað Sjálvt inni á gomlu Dimmu hevur seinastu trý árini verið ein vælskrivandi tegnur, viðhvørt fleiri, sum hava loftað hvørjum orði av munni andaliga leiðarans, toygt og tenjað tey og borð- reitt tey betur enn nakað missiónsblað hevði dugað tað. Tað er í fínasta lagi, at Dimma hevur loyst seg frá fyrst og fremst at vera mál- gagn hjá Sambandsflokk- inum og til at vera óheft tíðindablað, sum rekur ob- jektivan tíðindaflutning. Men tað er at fara eitt sindur ov langt í frísinni- sins heilaga navni at lata blaðfólk sleppa at gera blaðið til eitt propaganda- blað fyri Tjóðveldis- og fullveldispolitikk. Og tað verður tað heldur ikki meira óheft av. Nógv verður í hesum døgum talað um telduvirus, sum kann gjøgnumsúrgað telduheilan. Nakað tað sama er hent í føroyska samfelagnum, síðani henda samgongan kom til við einans einum endamáli. Fullveldisvirusið hevur, uttan at vit rættiliga hava givið tí gætur, gjøgnum- súrgað føroysku tilvitanina. Men í flestu førum ber til at finna eitt antivirus, sum kann basa slíkum. Og skulu vit trúgva buldribassanum í seinasta Fregni, so er vón í eygsjón. Sjálvt um tað skuldi hent einaferð í framtíðini, at vit loystu okkum meira frá Danmark, so hevði tað tænt okkum sjálvum, ættar- fólki okkara har niðri og føroysku tjóðini munandi betur, at vit høvdu varðveitt tey virðiligu, góðu og brøðraligu viðurskiftini, sum teir allarflestu føroy- ingarnir ígjøgnum øldir hava mett sum eina sjálv- fylgju. Skulu danir gerast fíggindar okkara? VIÐMERKINGAR Reidar Nónfjall stjóri SL fara at gera hesar viðmerkingar til odda- greinina í Sosialinum leygardagin 4. august 2001, um roknskapin fyri 2000 hjá SL. Ja, so kom SL aftur í oddagreinina hjá Sosial- inum og við sama áleyp- andi politiska undirtón- anum - hetta í sambandi við roknskapin fyri 2000. Sosialurin er provo- keraður av, at SL hevur hildið játtanina fyri 2000, við teimum for- treytum, sum stovnurin nú einaferð hevur at virka undir. Evnið sýnist at vera, at almennir stovnar gerast meira og meira ineffektivir og víst verður á, at SL hava hægri útreiðslur til um- siting. Tað er týðuligt, at skrivarin ikki hevur gjørt nakra roynd at analysera roknskapin hjá SL og tí hevur annað endamál við skrivingini. Til tína kunning, sum skrivar, so framgongur m.a. av roknskapinum fyri 2000, at lønir til umsitingina hjá SL hava staðið í stað seinastu 5 árini. Hetta er hent samstundis sum ein frágreiðing fyri og onn- ur eftir kemur frá SL um nýskipan av virksem- inum. Politiski myndug- leikin hevur ongantíð fyrr fingið nakað slíkt brúkiligt fakligt tilfar frá SL, sum grundarlag fyri at taka skilagóðar av- gerðir um samferðsluna. So er tað sagt. Tað var tann tíðin, tá fíggjarætlanin hjá SL fylti eina A4-síðu og bygnaðurin hevði við sær kaos og ábyrgdar- loysi. Nú inniheldur fíggjarætlanin hjá SL yvirlit av øllum slag og nógvar frágreiðingar um, hvat peningurin hjá skattaborgaranum verð- ur brúktur til. Avleið- ingin av hesum er, at SL í dag hevur stórt gjøg- numskygni í rakstrinum – hetta var beint øvut fyri bara 5 árum síðani. SL tulka politiska kravið um flutningstæn- astu soleiðis, at SL skal veita eina støðuga tænastu og við tíðini hægri tænastu. Hækkaða játtanin í 2000 til SL hevur onki sum helst við nakran skeivan bygnað og hægri útreiðslur til umsiting hjá SL at gera, men handlar um hægri framleiðslukostna í mun til politiska kravið um støðuga tænastu og uppá sikt hægri tænastu. Sjálvt um siglt og koyrt verður meira, er inn- tøkugrundarlagið av- markað og prísirnir po- litiskt góðkendir og tí oftast størri hall. Tað er hóskandi at enda hesar viðmerkingar við einum citati úr niðurstøðuni í grann- skoðanarfrágreiðingini fyri ársroknskapin 2000 hjá SL: ” Tað er fatanin hjá grannskoðanini, at leiðslan alla tíðina hevur tak á fíggjarligu støðuni, hóast neyðugt hevur verið við eykajáttanum orsakað av, at rakstrar- ætlanin fyri 2000 ikki hevur hildið. Økt virk- semi og harvið øktar lønarútreiðslur og nógv hækkaðu oljuprísirnir eru høvuðsorsøkirnar. Grannskoðaðin metir ikki, at leiðslan kann lastast fyri meirnýtsl- una, tá ið henda ikki hevur møguleika at tillaga virksemi eftir fíggjarligu orkuni.” Hans Pauli Strøm løgtingsmaður fyri Javnaðarflokkin Alt bendir nú á, at ein stórur meiriluti í Løgting- inum við Javnaðarflokk- inum, Sambands-flokkin- um, Miðflokkinum og Tjóðveldisflokkinum er heldur fyri at byggja á samhaldsføstu eftirlønar- skipanina enn ta privatu fólkatryggingina hjá Fólkaflokkinum og Sjálv- stýrisflokkinum. Eitt av teim størstu po- litisku málunum seinastu árini er tørvurin á eini eftir- lønarskipan fyri arbeiðs- marknaðin. Landsstýrið boðaði beinanvegin frá, so skjótt tað varð skipað í mai 1998, at tað fór at koma við eini privatari tryggingar- skipan, nakað sum Fólka- flokkurin hevði skotið upp í valstríðnum. Nógv tjak hevur hesi 3-4 árini staðið um hetta málið. Javnaðarflokkurin hevur nýtt eitthvørt høvi at stríðst móti hesi fólkaflokstrygg- ingini, og hevur ístaðin víst á Samhaldsfasta Eftirløn- argrunnin sum ta bestu og mest rættvísu skipanina. Hetta hevur eisini verið støðan hjá føroysku fak- felagsrørsluni. Sannleikans tími nærkast Landsstýrið hevur ferð eftir ferð boðað frá, at nú fór uppskotið at koma. Men onki hevur spurst burturúr. Men nú tykist sannleikans tími at nærkast. Smb. Dagblaðnum hevur løg- maður sligið nevan í borðið og kravt, at nú skal upp- skotið fram við fólka- floksligu fólkatryggingini, ella tók hann málið úr hondunum á Sámal Peturi. Undir viðgerðini av ólav- søkurøðu løgmans hevur so Sámal Petur svarað, at nú kemur tað fyrsta dagin - ”uppskotið til lógartekstin er skrivað”, sigur hann Nú er so tann stóri spurn- ingurin, hvussu uppskotið er, ið landsstýrismaðurin ætlar at leggja fram. Enn noktar hann at siga nakað um tað. Men tó er alt, sum bendir á, at tað er tann fólkafloksliga privata tryggingarskipanin, sum tað verður borðreitt við. Hetta segði lstm. Bjarni Djurholm longu á aðal- fundi í Føroya Arbeiðara- felag t. 9.3.2001, har um- boð fyri flokkarnar vóru bodnir at greiða frá teirra sjónarmiðum um arbeiðs- marknaðareftirlønina. Tann fólkafloksliga fólkatryggingin Landsstýrismaðurin segði frá, • at hetta fór at verða ein tvungin privat og indi- viduel trygging, skipað sum lívrentu ratutrygg- ing, • at inngjaldið frá øllum løntakarum skuldi økjast líðandi úr 2% upp í 8- 10%, byrjandi longu nú í heyst, • at útgjaldið fór at verða alt eftir, hvussu nógv hvør einstakur hevði goldið inn, men • onki útgjald fer at vera, fyrr enn aftaná fult uppsparingarskeið hjá hvørjum einstakum. Er hetta veruliga ætlanin hjá landsstýrinum, so hevur landsstýrið ein stóran trupulleika, tí tann størsti samgonguflokkurin tekur ikki undir við hesi fólka- flokstryggingini. Tað segði umboð Tjóðveldisfloksins longu á sama fundi í F.A. Teir vildu heldur hava eina samhaldsfasta skipan á ein ella annan hátt. Og hetta hava fleiri umboð fyri Tjóðveldisflokkin tikið uppaftur nú undir við- gerðini av løgmansrøðuni. Fólkaflokstryggingin kolldømd av løntakarafeløgunum Men vit eru so von við, at tá tað kemur til skarpsker- ingar, so bognar Tjóðveld- isflokkurin undir trýstinum frá Fólkaflokkinum. Tó fái eg meg ikki at trúgva, at hann eisini hesaferð gevur seg undir koyrilin, tí tað verður ikki lukkuligt fyri flokkin, um hann letur fólkaflokstryggingina blíva úrslitið av stríðnum um komandi eftirlønarskip- anina fyri arbeiðsmarkn- aðin. Ein slík skipan er frammanundan kolldømd av øllum løntakarafeløgun- um. Tey fara aldrin við góðum at finna seg í, at landsstýri og løgting fara at kroysta slíka eftirlønarskip- an niður yvir høvdið á teimum – ikki minst tá hugsað verður um hvussu væl løgting og landsstýri hava syrgt fyri egnum pensjónum. Torir landsstýrið at slongja hetta uppskotið í skonina á arbeiðandi fólk- inum í Føroyum? Eg vóni tað ikki, og vil tí í staðin mæla landsstýrinum til: Takið stig til at fáa semju um eina eftirlønarskipan við løntakarafeløgini og við alt løgtingið. Leggið hetta málið til viðgerðar í serliga tingnevnd, mannað úr øllum flokkum. Bæðí Sambandið og Tjóðveldi eru nú við uppá Samhaldsfasta Javnaðarflokkurin er hin- vegin ikki í iva um, at tann besta og mest rættvísa loysnin viðv. arbeiðsmark- naðareftirlønini er at satsa uppá tann samhaldsfasta. Hetta er eisini tann loysnin, sum fakfeløgini vísa á. Gleðiligt er, at Tjóð- veldisflokkurin nú er sinn- aður at venda aftur til samhaldsføstu loysnina, sum hann var við til at seta í verk fyri meir enn 10 árum síðani. Og gleðiligt er eisini, at Sambandsflokkurin hevur skift hugsan og nú eisini tekur undir við Samhalds- fasta, og beinleiðis er kom- in við uppskoti um at skjóta 400 mió. kr. í stovnsfæið nú og aftur 400 mió. kr. seinni. Ikki minst var tað hetta, sum aftur fekk Samhalds- fasta ovast á politisku dags- skránna. Roknidømi uppá Samhaldsfasta Um vit nú bara rokna við hesum fyrstu 400 mió. kr. og økja stovnsfæið hjá Samhaldsfasta við tí, so skuldi tað kunna givið eitt árligt avkast uppá 20-25 mió. kr. Tað er líka nógv sum árliga inngjaldið nú, og skuldi tað tí kunna økt mánaðarliga útgjaldið til tað dupulta, úr 600 til 1200 kr. Hetta er sjálvandi ikki nóg mikið. Vit kunnu tí skjóta upp, at inngjaldið til Samhaldsfasta eisini verður økt úr núverandi 0,5% til 2% - og verður verandi har. Tað skuldi beinanvegin kunna givið eina hækking uppá 1600 kr. um mánaðin. Samanlagt kundu vit á henda hátt økt mánaðarliga útgjaldið til hvønn einstak- an borgara yvir 66 ár beinanvegin til 1200 + 1600 kr. um mánaðin, tils. 2.800 kr. Við rentutilskriv- ing kundi hetta verið 3.700 kr. longu eftir 5 árum, og 4.800 eftir 10 árum. Samhaldsfasti og fólkapensjónin tilsamans Taka vit nú fólkapensjónina saman við tí økta útgjald- inum úr Samhaldsfasta, so kunnu upphæddirnar verða: Fyri stakan pensjonist: Nú: 9.000 kr. Um 5 ár: 10.000 kr. Um 10 ár: 11.000 kr. Fyri pensjonistahjún: Nú: 15.000 kr. Um 5 ár: 17.000 kr. Um 10 ár: 19.000 kr. Við hesum kunnu vit siga, at vit hava eina sømiliga grundpensjón til øll. So kunnu løntakararnir gjøg- num síni fakfeløg hava aðrar eftirlønaruppsparing- ar, so sum tey halda seg hava møguleika og tørv fyri. Nú eru hesi tølini bara eitt roknidømi út frá leys- ligum metingum. Upp- hæddirnar kunnu sjálvandi verða heilt aðrar, tí til ber jú at broyta allar hesar tríggjar tættirnar: bæði stovnsfæið í Samhaldsfasta, prosent- inngjaldið í Samhaldsfasta, og upphæddirnar í fólka- pensjónini. Avgerandi fyri úrslitið er, hvussu langt politiski viljin røkkur. Landsstýrismannaeftir- lønin og arbeiðs- marknaðareftirlønin Javnaðarflokkurin fegnast um, at undirtøkan fyri Samhaldsfasta er styrkt so nógv í seinastuni, at nú skuldi borið til at gera hann til tað munagóða ískoytið til pensjónina, sum ætlanin upprunaliga var. Samstundis hevur Javn- aðarflokkurin eisini av- gjørt, at vit fara saman við øðrum flokkum at taka stig til, at samtyktu broyting- arnar av eftirlønum lands- stýrismanna verða settar úr gildi, og at málið fær nýggja viðgerð - men ikki fyrr enn spurningurin um eina eftirlønarskipan fyri arbeiðsmarknaðin er avgreiddur. Nú er meiriluti fyri samhaldsføstu eftirlønarskipanini Sosialurin í øðini inn á SL C M Y K 9 8