mánadagur 25. august 2008síða 19

19 [ Nr. 161 - 25. august 2008 ] Marcell givin í EB/Streymi Tíðliga í síðstu viku kom fram, at Peter Foldgast og EB/Streymur steðgaðu samstarvinum, eftir at danin varð lagdur undir skurð, og skuldi hava drúgva tíð at koma fyri seg. Nú hevur felagsliðið eisini steðgað samstarvinum við ein annan áleypara. Marcell Balog er farin heim til Ungarn. 19 ára gamli Marcell hevur ikki spælt tað stóra. Tá flytingarvindeyga var opið í summar ljóðaði, at hann var á veg til NSÍ, men hetta skiftið var av ongum. Seinastu tíðina hevur Marcell Balog ikki spælt orsaka av onkrum smáskaða, og nú hann er farin av landinum, kemur hann ikki at spæla meiri fyri felagsliðið. Nýggir mans á beinkinum Tvey nýggj andlit vóru at finna á dómaraseðlinum hjá EB/ Streymi í gjár: Niels Pauli Danielsen og Arnar Joensen. Marni Djurhuus var leikbannaður, Brian Olsen skaddur, René Tórgarð sjúkur og Mikkjal Thomassen kundi ikki spæla, hóast hann stóð skrivaður á dómaraseðilin, umframt at Marcell Balog og Peter Foldgast ikki eru í felagnum longur. Tí vóru boð send eftir teimum báðum unglingaleikarunum, sum eisini hava spælt á 1. deildarliðnum hjá EB/Streymi, har teir hava staðið seg væl. Harmiligt hornaspark Rasmus Nielsen, mið­ vallarleikari í høgru hjá B71 í gjár, heldur, at hansara lið burdi fingið minst eitt stig úr dystin­ um í gjár. – Vit hava nógvar góðar kjansir har vit skuldu skora, heldur Rasmus Nielsen, sum tískil iðrar seg um, at teir ikki fingu meiri burtur úr dystinum. Ikki minst tí, at EB/Streymur ikki átti at fingið horna­ sparkið, sum leiddi til seinna málið, metir Ras­ mus Nielsen. – Tað var rættiliga opinlýst, at vit áttu málspark, og tí var tað eitt sindur spell, at tað varð dømt øðrvísi, heldur Rasmus Nielsen, sum saman við liðfeløg­ unum gjørdi uppgávuna trupla fyri EB/Streym. – Vit hava staðið okkum væl ímóti teimum í ár. Í dag spæla vit ikki til okkara besta, men geva oddaliðnum dygga mót­ støðu. Tað er hugaligt at staðfesta, og gevur okk­ um góðar vónir til dyst­ irnar, ið eftir eru, sigur Rasmus Nielsen. Strævnir sandoy- ingar Bárður Olsen, høgri bakkur hjá EB/Streymi, ásannaði, at dysturin í gjár á ongan hátt var lættur. – Hetta var triðji landskappingardystur, umframt teir báðar steypadystirnar ímóti B71, og enn hevur eing­ in verið lættur, helt Bárð­ ur Olsen fyri eftir dystin. Hann rósti annars Sím­ ini Hansen fyri sítt vakra mál, og staðfesti síðani týdningin av, at málini hjá EB/Streymi komu so tíðliga í seinna hálvleiki. – Tað gjørdi tað eitt sindur lættari, hóast vit vóru undir trýsti síðstu løtuna, sig­ ur Bárður Olsen, sum hevur góðar vónir tl síðstu landskappingar­ dystirnar. Fyrsti hálvi tímin var elendigur. So syrgdi Símin Han­ sen fyri einum fram­ úrskarandi málið, sum setti gongd í dystin, har B71 hevði nógv teir størstu kjansirnar, men EB/­Streymur var effektivari FÓTBÓLTUR Rólant Waag Dam rolant@sosialurin.fo Fá mál eru gjørd frammi í Dal á Sandoy, ið eru vakrari enn tað, Símin Hansen gjørdi seinnapartin í gjár. Patrick Sunday legði bóltin tvørtur um vøllin til kontroversiella høgra bakkin hjá B71. Hesin lyfti hegnisliga bóltin fram­ við Hanusi Eliasen, og dróg inn í vøllin. Skamt uttanfyri brotsteigarmarkið reiggjar Símin Hansen vinstra bein. Bólturin hevur góða kós og nógva ferð, áðrenn hann brestur í handaru stong og í netið. Eitt framúrskarandi mál frá sandoyinginum, sum harvið vaksaði skommina av sær frá næstsíðsta vikuskiftið, har hann fekk eina beinleiðis tápiliga útvísing, og soleiðis var leikbannaður síðsta vikuskiftið. Vánalig byrjan Men líka so vakurt málið frá Símini Hansen var, líka so vánaligur var dysturin henda hálva tíman undan málinum. Óskipað og hug­ flogsleyst spæl eyðkendi báðar partar. Men Símin skoraði og tað setti ferð á dystin. Sein­ asta korterið undan steðgin­ um áttu liðini hvør sín stóra møguleika. Gunnar á Steig vardi fyri, tá Rasmus Niel­ sen royndi seg úr stuttum, og Hanus Eliasen misnýtti stóran kjans, tá hann púra ópressaður sendi skot upp um málið eftir hornaspark. Gjørdu skjótt av Fyrri hálvleikur hevði eina vánaliga byrjan, men sama kann ikki sigast um seinna. Fáir minuttir vóru farnir, tá Clayton Soares gjørdist púra leysur við Gunnari á Steig, ið vardi málið fyri sjúka René Tórgarð, men skeyt framvið. Tað gjørdi Arnbjørn Han­ sen ikki, tá hann fekk møgu­ leikan seinni. EB/Streymur kontraði og Levi Hanssen sendi Arnbjørn Hansen avstað. Kollfirðingurin setti ógvuliga vælleikandi Fabio Vieira av, lyfti róliga bóltin upp um Símun Rógva Han­ sen og javnaði fyri EB/ Streym. Hetta hendi, tá seks min­ uttir vóru spældir av seinna hálvleiki. Seks minuttir seinni legði EB/Streymur seg á odda. Arnbjørn Han­ sen vann liði sínum horna­ spark við at hala bóltin í egið skinnabein. Sandoying­ ar royndu at mótmæla dóm­ inum, men lítið batti. Hans Pauli Samuelsen sendi hornasparkið innfyri, Fróði Clementsen longdi við høvdinum, og við hand­ aru stong stóð liðformaðurin Egil á Bø, og stýrdi bóltin í netið. Vandamikil langskot B71 royndi at vinna taptu leiðsluna inn aftur. Á odda í hesum stríðið stóð Símin Hansen, ið sum høgri bakk­ ur átti vandamestu royndir­ nar hjá B71. Tvær ferðir var hann ógvuliga nær við eftir frísparksroyndir, men Gunnar á Steig vardi fyri nasku skotunum. Hinvegin hevði hann ikki megnað at gjørt tað stóra, um Clayton Soares hevði fingið høvdið ordiliga á bóltin, tá innlegg kom úr vinstur fáar minuttir fyri leiklok. Brasiliu­ maðurin, sum annars plagar at vera góður fyri nøkur mál, stóð púra blankur framman­ fyri tómum máli, men onkurs­ vegna megnaði hann at fáa bóltin framvið. Seinastu løtuna undan leikloki kringsetti B71 brotsteigin hjá EB/Streymi. Hóast eitt øgiligt trýst, megnaðu sandoyingar ikki at koma nóg nær málinum, til at veruligur vandi var á ferð. Men tá tað er sagt, so hevði B71 sanniliga havt møguleikar fyri at gera mál í gjøgnum dystin, uttan hetta hevði hepnast teimum meiri enn ta einu ferðina. Staðfestu munin Harvið var munurin millum topp og botn í Formuladeild­ ini staðfestur. Ikki í spælbýt­ ið ella kjansum, men í effektiviteti. – Hvussu skulu vit vinna dystir, tá vit brenna slíkar kjansir, mestsum ýldi venj­ arin hjá B71, Eli Hentze, tá Clayton Soares misnýtti risa­ møguleikan stutt undan leikloki. Henda spurning sleppur hann sjálvur at svara, tí nú eru átta dystir eftir at spæla og 24 stig at spæla um. Liðið vísti á vøllinum í gjár, at teir ikki hoyra heima í 1. deild, men skal sessurin í fremstu deild­ ini varðveitast, er neyðugt at vinna, og fyri at vinna skulu slíkir stórir kjansir í mál. Skal líknandi meting ger­ ast við EB/Streym, so kann staðfestast, at teir út frá spælinum at døma ikki spældu sum heitastu FM­ favorittarnir. Á pappírinum kundu teir tó ikki fingið meiri burtur úr. Trý stig og EB/Streymur ger sítt fyri at varðveita fjarstøðuna til mótstøðuliðini. EB/Streym­ ur gjørdi eisini sítt á vøllin­ um í gjár, men heldur ikki meiri enn tað. B71 – EB/Streymur 1-2 (1-0): Effektivitetur punkteraði dreymamálið Fagnaðurin var ovurstórur, tá EB/Streymur fekk sær fyrsta útisigurin síðani 22. juni. Ein sigur, sum samstundis er eitt stórt fet nærri FM-heitinum Mynd: Sofus D. Johannesen EB/Streymur B71