týsdagur 26. august 2008síða 10

10 tíðindi Nr. 162 - 26. august 2008 Í sínari tíð gingu mong við kenning í Kagganum, og ivaleyst mundi onkur av og á vera ríkiliga fullur, men nú Frelsunarherurin eigur bygningin og skal umbyggja hann til herberg, gjørdist Kaggin fullur – fullur av yvirflatu- og kloakkvatni Vatnskaði Vilmund Jacobsen vilmund@sosialurin.fo Tað var ikki nøkur tespilig sjón, sum møtti Sámal Jákupi Joensen, samkomu­ leiðara hjá Frelsunarherin­ um, tá hann ein dagin herfyri hugdi inn á gólvið í bygninginum, sum sam­ koman hevur keypt til nýtt herberg fyri heimleys. ­ Tað var myrkt, og eg gjørdist skakkur, tá eg varnaðist, at vatn í niðastu hædd stóð mær upp um øklarnar. Samkomuleiðarin sigur, at nú arbeiði at umbyggja húsið til herberg enn ikki er byrjað, tí tekningar og loyvir fyrst skulu fáast til vega, hevur fólk ikki verið í húsinum hvønn dag. ­ Tá vit kannaðu eftir, hvussu alla henda nøgdin av vatni kundi vera komið inn í húsið, vísti tað seg, at húsið hevur eina serliga pumpuskipan, og tað er henda skipan, sum av eini ella aðrari orsøk var hildin uppat við at virka. Hann sigur, at niðasta hæddin av húsinum liggur so lágt, at neyðugt er við pumpuskipan til frárensl, har bæði yvirflatuvatn á ognini og avlopsvatn frá eitt nú septiktanganum verða savnað í brunn og síðan pumpað út í kommunalu kloakkirnar. ­ Sum dagarnir eru gingnir, og pumpuskipanin hevur verið óvirkin, er nøgd­ in av vatni vaksin og er at enda komin upp ígjøgnum ristirnar og inn í bygningin. 50 tons av vatni Sámal Jákup sigur, at neyð­ ugt var at senda boð eftir kloakksúgvaranum hjá Tórshavnar Kommunu, og so nógv vatn var inni í niðastu hædd, at tey at enda mistu talið av bilum, sum koyrdu fullir avstað aftur. ­ Bilarnir taka einar 10.000 litrar hvør, og eg haldi, at einir fimm bilar koyrdu fullir avstað. So­ leiðis tóku bilarnir einar 50.000 litrar – ella eini 50 tons ­ av yvirflatu­ og kloakkvatni úr niðastu hæddini. Hann sigur, at hóast vatnið úr septiktanganum er runnið saman við yvirflatuvatninum, luktaði tað ikki væl at koma í húsið eftir stóra vatnskaðan. ­ Tað hevur hóast alt ikki gjørt støðuna verri, at kloakkvatnið er blandað saman við yvirflatuvatni, men neyðugt er at taka alt gólvið upp í niðastu hædd­ ini. Undir gólvplátunum liggja bjálvingarmáttur, og tí má alt skiftast og byggjast av nýggjum. Niðasti partur­ in av vegginum hevur tikið skitna vatnið í seg, og her verður eisini neyðugt at skifta. Ókend orsøk Sámal Jákup ásannar, at hann kendi ikki skipanina við pumpuverkinum so væl og í smálutum, sum hann nú ger. ­ Í fyrstani hildu vit, at orsøkin til vatnskaðan var ein tøppur, sum hevði sett seg í skipanina, soleiðis at vatnið ikki slapp at renna frá. Men nú greiða er fingin á, hvussu skipanin hongur saman, og hvussu hon virkar, vita vit betur. Hann sigur, at enn er full greiða ikki fingin á, hvør orsøkin er til, at pumpu­ skipanin gjørdist óvirkin. ­ Vit hava havt elektrikar­ ar her, og líkt er til, at rele eru sligin frá, men hví hetta er hent, vita vit ikki ítøki­ liga. Um orsøkin kann vera torusláttur ella ójavnur spenningur á el­skipanini, vita vit heldur ikki. Tað ber eftir øllum at døma ikki til at staðfesta, hví óhappið hendi. Tá Frelsunarherurin keypti Kaggan, var tað við tí endamáli at umbyggja bygningin til herberg og annað virksemið í tí sam­ bandi hjá Frelsunarher­ inum. ­ Í so máta eru vit heppin, at umbyggingararbeiði ikki longu var byrjað, tí tá hevði verið neyðugt at tikið alt uppaftur og gjørt arbeiði í niðastu hæddini av nýggj­ um. Sámal Jákup sigur, at ætlanin annars ikki var at taka gólvið í niðastu hædd­ ini upp, men nú er so eingin møguleiki at sleppa undan hesum. ­ Hetta er sjálvandi eitt bakkast, men málið hjá Frel­ sunarherinum er framvegis, at nýggja herbergið veðrur umbygt og tikið í nýtslu skjótast gjørligt. Umbyggingin verður nú teknað, og síðan skulu øll loyvi útvegast. ­ Tá alt hetta er komið upp á pláss, fara vit í gongd við umbyggingina, sigur hann. Tekur ikki við Sámal Jákup Joensen sigur, at samkoman eftir hend­ ingina hevur verið í sam­ band við stovnin, har ognin er tryggjað. ­ Men her hava vit í fyrstu syfti fingið at vita, at trygg­ ingin dekkar ikki. Tey siga, at vatnið er komið uttanífrá, og at tað er okkara skipan, sum er gingin fyri. Trygg­ ingarfólkini hava kortini verið blíð og fyrikomandi og hava sagt seg vilja vera positiv at royna at finna eina loysn. Hvat liggur í hesum, vita vit ikki í løtuni, men vit vóna, at vit kunnu koma til sættis um onkra loysn, sum sømir seg og er virðilig fyri báðar partar, sigur hann. 50 tons av vatni endaðu inni í nýggja herberginum Sámal Jákup Joensen (høgrumegin) og Finnbogi Olsen eru í holt við at taka gólv og bjálving upp í niðastu hæddini, har 50 tons av yvirflatu-og kloakkvatni endaðu Mynd: Jens Kr. Vang Tryggari ferðsla Millum fjarða Landsverk fer nú undir eina royndarverkætlan á landsvegnum Millum Fjarða í Eysturoynni, sum skal eggja bilførarum til at halda lógarásettu frástøðuna til bilin, sum koyrir frammanfyri. Hagtølini vísa, at nógv ferðsluóhapp henda og at summi fáa klipp í koyrikortið, tí at tað er ov stutt millum bilarnar. Seinastu fimm árini eru umleið átta prosent av øllum óhappum á landsvegnum, har politifrágreiðing er skrivað hend, tí at tað hevur verið ov stutt millum bilarnar. Fyri at varpa ljós á vandamálið og at bøta um ferðslutrygdina fer Landsverk nú undir eina royndarverkætlan við vegaskeltum og pílum, ið verða málaðir á vegbreytina, sum skulu tryggja, at bilførararnir halda tað neyðugu frástøðuna. Gongst sum ætlað verða vegmerkingar og vegaskelti liðug einaferð seinni í hesi vikuni. Flagga í Sundalagnum Í góðveðrinum mánadagin í farnu vant formaðurin í Trivnaðarnevndini, Asbjørn Djurhuus, nýggja flaggið hjá kommununi á stong sunnanfyri skrivstovuna á Oyrarbakka. Flaggið er sniðgivið í ljósum litum, sum búmerkið hjá kommunununi setir sín dám á. ­ Vit halda, at flaggið á ein góðan hátt ímyndar eina unga og livandi kommunu, ið vil gróður og vøkstur fyri alt Sundalagið, verður sagt úr kommununi. Vónað verður, at flaggið í øllum veðri og árstíðum fer at bera boð um eina sterka kommunueind, ið fer at leggja lunnar undir framhaldandi menning fyri tey, sum búleikast her um leiðir, og virka fyri einum góðum gerandisdegi hjá øllum borgarum.