hósdagur 28. august 2008síða 40

40 [ Nr. 164 - 28. august 2008 ] Øssur seymaður Fleiri av ungu monn­ unum hjá NSÍ vóru eyðsýndir mikukvøldið. Onkrir teirra – eitt nú landsliðsspælarin Bogi Løkin – hava longu nógvar royndir og eru stuðlar. Øssur Dalbúð var aftur hesa ferð mill­ um teir fyrstu ellivu, men hann noyddist av vøllinum við snuddi í høvdinum. Hann end­ aði á Landssjúkrahúsi­ num, har hann varð seymaður, áðrenn hann fór til hús aftur. Ein annar av ungu monnunum var Jens Joensen. Hetta var fyrsta ferðin, at hann fekk møguleikan frá fyrsta bríksli, og Jens stóð seg væl, nú hann fekk møguleikan. Hann hevur annars verið aftari í bíðirøðini, meðan eitt nú Einar Hansen (skaddur), Pól Jóhannes Justinussen (fluttur til B68) og Aco Pandurovic (miðverji fyri leikbannaða Jóhan Troest Davidsen) hava verið frammanfyri. Lagnuløtur bíða B71 Um B71 skal varðveita sessin í bestu deildini ella ikki fer tíðin at vísa. Sandoyingar hava iðrað seg meiri um onkran stigamissin á heimavølli fyrr í ár, enn teir iðraðu seg um tapið í Runavík í gjárkvøldið. Men sandoyingar eru greiðir yvir, at tað verður avgerandi fyri lagnuna, hvussu teir fara at standa seg næstu vikurnar. Sunnudagin fara teir at vitja HB, sum teir onkra ferðina hava lumpað í Gunda­ dali. Og so verður tað rættuliga avgerandi, tá ið teir fyrst fara at fáa vitjan av Skála og so skulu til Klaksvíkar. Eingin slingur var í, tá ið NSÍ vann ruddu­ ligan sigur á sand­ oyingum, sum vóru rættuliga tannleysir Fótbóltur Jóannes Hansen joannes@sosialurin.fo Fótbóltslagið í Runavík var gott í gjárkvøldið. Tað lagaði seg væl fyri meist­ ararnar í NSÍ, sum nú eru næstovastir og harvið væl við í kappingini um europ­ eisku plássini. Møguleikin at endurvinna FM heitið er rættuliga kámur, og í fyrstu syftu snýr tað seg um at savna seg um silvurmøgu­ leikan, og lagið var gott, tí tann møguleikin vaks. Eitt er, at NSÍ vann sann­ førandi 3­0 sigur á sand­ oyingum. Hin parturin er, at tað fall í góða jørð, tá ið tað vísti seg, at bæði B36 og Víkingur, sum undan hesum umfarinum vóru framman­ fyri NSÍ, einki fingu burtur­ úr aðra staðni í oynni. Skipað fótbóltsspæl var tað ikki so nógv at síggja til fyrsta korterið. Men tá ið 1. hálvleikur var hálvrunnin, var tað greitt, at øll stigini fóru at verða eftir við Løkin. Karoly Potemkin setti hol á, tá ið eitt stórt korter var farið. Bogi Løkin, sum man vera tann miðspælarin, ið hevur víst støðugastu avrik­ ini av øllum, sendi bóltin inn um sandoyarverjuna, og tætt undir málinum sendi Potemkin bóltin framvið Símun Rógva Hansen. Bara lítla løtu seinni hevði B71 gyltan møguleika at svara aftur, men teir kiksaðu: Clayton Soares gjørdist púra einsamallur við NSÍ málverjanum eftir langa framlegging í høgru. Clayton royndi at lyfta bóltin upp um málverjan, sum var komin út ímóti, men Tórður Thomsen megn­ aði at stýra bóltin framvið málinum. At eingin B71 úrtøka fekst burturúr gjørdist eyka kostnaðarmikið miðskeiðis í hálvleikinum, tá ið heima­ liðið økti um leiðsluna: Jónas Þór Næs, sum rættu­ liga tykist vera komin fyri seg eftir beinskaðan, ið hevur darvað, kastaði innkast ógvuliga langt inn fyri málið. Ein av B71 monnunum var so óheppin, tá ið hann royndi at stýra bóltin burtur, at hann í staðin snittaði hann upp um sína egnu verju og til Aco Panudrovic, sum var púra blankur, tá ið hann við høvdinum stýrdi bóltin í kassan. Hann var annars aftur hesa ferð miðverji. Hesa ferð loysti hann leik­ bannaða Jóhan Troest Davidsen av. Harvið var spurningurin so at siga svaraður, hvør skuldi vinna stigini, og tað var um reppið, at heimaliðið longu í 1. hálvleiki økti um leiðsluna. Eitt nú hevði Bogi Løkin góða skotroynd av brotsteigarmarkinum, tá ið ein hálvur tími var farin. Stórur tími var farin, tá ið tað, sum leingi hevði ligið í luftini gjørdist endaliga greitt. Øll stigini vórðu skotin til Runavíkar, tá ið Bogi Løkin aftur var upp á spæl við góðum uppleggi. Hjalgrím Elttør gjørdist leysur og smekkaði til, og málverjin megnaði ikki at halda bóltinum, sum hann annars hevði fingið fingr­ arnar í. 3­0 til NSÍ, og ballið var so mikið buðið, at heima­ liðið síðstu løtuna skifti alla tað fremstu røðina út. NSÍ er væl við í kappingini um heiðursmerkini, meðan tað í løtuni er ivasamt, um sand­ oyingar fara at vera partur av bestu deildini í 2009. Miðvikudystur á útivølli er einki serlig fyritreyt, og tað verður neyvan úrslitið á útivølli, sum fer at gera av, um B71 skal spæla í fremstu ella næstfremstu røð kom­ andi ár. Tað kann vera, at sand­ oyarkrútið verður brúkt betri til aðrar og minni krevjandi uppgávur! Tað hevði kanska lagað seg øðrvísi, um royndin hjá Clayton Soares, tá ið støðan var 1­0, hevði átt betri lagnu, og Clayton var heldur ikki heppin, tá ið hann tjúgu minuttir undan leikloki hevði góða roynd, sum streyk framvið málinum. B71 NSÍ NSÍ-B71 3-0 (2-0): Toppurin spældi sær við botnin Heystkappríðingin í Havn Leygardagin verður seinasta kappríðingin í hesum kapp­ ingarárinum. Talan er um Heystkappríðingina, og verður hendan hildin á ríðibreytini í Marknagili. Byrjað verður at kappast í travklokkan 15, og eftir hetta verður kappast í tvíspor. Kappingin í tvíspor er býtt upp í 3 ymiskar bólkar. Tvíspor ung, tvíspor 2. flokkur og tvíspor 1. flokkur. 24 ross eru meldað til, og umframt vinnararnar av sjálvari heystkappríðingini skulu føroyameistararnir í teimum 4 bólkunum eisini finnast. Javnt hjá Amager FC Amager spældi í gjár ímóti Fredericia í donsku 1. deild. Leingi sá einki serligt út hjá Toda og teimum, tí eftir góðum hálvum tíma stóð 0­2 á talvuni. Tað eydn­ aðist tó heimaliðnum at fáa stig burtur úr dystinum kortini. Beint fyri steðgin minkaði Anders Jochumsen um munin, og nakað inn í seinna hálvleik javnaði Mohamm­ ed Abdalas til endaliga úrslitið. FC Amager hevur tvey stig eftir fyrstu tríggjar dystirnar. Og hartil hevur felagið kært dómin, har teir mistu tey trý stigini, sum annars vóru fingin til høldar móti Lyngby í fyrsta dystinum. Hóast árið hevur verið misjavnt, so liggur NSÍ enn væl á kósini. Mikukvøldið vunnu meistararnir seg upp á silvurplássið í Formula-deildini Mynd: Álvur Haraldsen