mánadagur 1. september 2008síða 27

Nr. 166 - 1. september 2008 27 Stór orka men manglandi innihald Mammuth lótu seg ik­k­i ávirk­a av, at sera fá fólk­ høvdu leitað sær út at lurta eftir teimum, teir leveraðu ein serstak­liga ork­u­ fulla framførslu, men gott var tað ik­k­i. Ummæli Niels Uni Dam post@sosialurin.fo Svenski tungmálmsbólkurin Mammuth skuldi upprunali­ ga á pall kl. 1 sunnunáttina, men afturtlítandi var tað iva­ leyst gott, at framførslan varð flutt, tí klokkan 1 meyð tað niður í Skálabotni. Orsakað av seinkingum í flogferðsluni varð framførsl­ an flutt til kl. 20.45 leygar­ kvøldið. Men klokkum var um 21 tíðina, tá hesir tungu harrarnir fóru undir fram­ førsluna, við bulduri og bra­ ki. Sum á Pop Top konsert Framman fyri pallin stóð ein fjøld av sera ungum børnum, umleið tann nøgd­ in og aldurin, ið er á eini miðal Pop Top konsert. Het­ ta tyktist tó ikki at ávirka tónleikararnar, framførslan var serstakliga orkufull, og teir runnu sum svakir runt á pallinum. So sum so var het­ ta júst sum ein tílík konsert skal vera. Men hetta var tó ikki nóg mikið at bjarga konsertupplivingini, sum í besta fall gjørdist miðal hampa. Løgini vóru nærum øll sera einkisigandi. Einas­ tu ljósu løturnar vóru tvey løg av nýggjastu fløguni, ið vóru nøkurlunda góð. So hóast bólkurin spældi væl og var orkufullur á pallinum, høvdu løgini neyvan borið til ein sigur á áðurnevndu Pop Top konsert. Veikur sangari Sangarin var ikki serliga góður. Hann skrálaði rími­ liga væl, men tá hann sang komu eyðsýndu manglarnir í røddini til sjóndar, og tían­ verri sang hann nógv meira enn hann skrálaði. Tað sama við ringu góðskuni á løgu­ num, gjørdi upplivingina sera langdrigna. Ofta kann karisma bera langt, men heldur ikki á hesum økinum var oddamaðurin í Mam­ muth serliga væl stillaður. Jú gamaní, tað var ikki frítt, at hann líktist eitt sindur Axl Rose, men tíanverri ikki tí unga tekkiliga Axl Rose, men heldur tí gamla uppblásta Axl Rose,tá hann fyri nøkrum árum síðan royndi at enduruppfinna seg sjálvan, og tað var lítið tekkiligt. Tann eini gittarleikarin sang eisini og hann stjól myndina frá oddamann­ inum, tí umframt at hann var munandi betur sangari enn oddamaðurin, var hann eisini munandi meira karis­ matiskur. Eitt løgið fyribrygdi At ein bólkur við so stórum veikleikum skal sleppa út um svensku landoddarnar er merkisvert, og tað ørkyml­ aði meg at síggja at fleiri kristiligir festivalar kring Evropa hava lagt pall til teir­ ra, og eg klári ikki at treing­ ja tankan burt, at hesin bólk­ ur neyvan var komin longur enn til lokala vertshúsið, um teir spældu verðsligan tónleik. Superhero bardist ímóti tøk­niligum og metereologisk­um forðingum, og megn­ aði sum fyrsti bólk­ur veruliga at seta lív í fjøldina á graslík­is­ vøllinum aftan fyri Kelduna. Ummæli Niels Uni Dam post@sosialurin.fo Skotski rokkbólkurin Super­ hero hevði ferðast í tvey og eitt hálvt døgn fyri at koma á Fjarðafestivalin, og sam­ bært bólkinum sjálvum var tað bert orsakað av einum góðum blandi av dugna­ og ørskapi hjá føroysku flog­ manningini, at teir komu vegin fram. Teir komu tó ik­ ki á festivaløkið fyrr enn í síðstu løtu, einans átta minuttir áðrenn teir skuldu hava ljóðroynd, var bólkurin í Skálabotni. Men teir komu fram, og tað var gleðiligt, tí hóast bólkurin var merktur av longu ferðini, var fram­ førslan ein rættiliga jalig uppliving. Hetta var fyrsti bólkur, ið veruliga fekk lív í fjøldina uttan fyri Kelduna. Fólk vaggaðu við, hoppaðu og veipaðu við ørmunum. Endiliga var veruligur kon­ sertstemningur við útipallin. Hetta hóast fólkamongdin ikki var serliga stór leygar­ kvøldið. Skerd superhetja Superhero kom á Fjarða­ festivalin, sum ein nógv skerdur bólkur, gittarleikar­ in Gavin gjørdist álvarsliga sjúkur í lungunum fyri nøkr­ um vikum síðan, og fekk forboð at flúgva í átta vikur. Hann slapp tí ikki við á ferð­ ina, ið bólkurin sjálvur vildi vera við, at teir høvdu glett seg til. Ráð vóru tó fyri hetta, og ein vinmaður hjá bólkinum var biðin sum avloysari. Tveir dagar áðr­ enn fráferðina, gjørdist hes­ in tó mateitraður og mátti eisini avlýsa ferðina. Tí var bólkurin um at avlýsa, men fyrireikararnir á Fjarða­ festivalinum fingu teir at koma alíkavæl. Teknikkurin var ímóti Umframt ferðina og sjúku var teknikkurin ímóti bólki­ num. Ljómborðið helt upp­ at við at rigga beint áðrenn konsertina, hetta seinkaði konsertini nógv. Áskoðarar­ nir, ið vóru savnaðir at hygg­ ja at fýrverkinum, ið skuldi hita upp fyri Superhero, stóðu tí og bíðaðu, meðan tøkningar bardust fyri at fáa ljómborðið at rigga. Hetta eydnaðist loksins, men sama ljómborð spældi teim­ um puss fleiri ferð gjøgnum framførsluna, til eitt nýtt ljómborð varð funnið. Men eisini eftir hetta vóru fleiri steðgir í framførsluni orsak­ að av øðrum tøkniligum tru­ pulleikum. Ordiliga bretskt Tøknin saman við regn­ inum, ið alsamt gjørdist tættari, taldi nógv niður. Men Superhetjan royndi at berjast víðari. Tað taldi sjálvandi upp, at tónleikurin var góður og viðkomandi. Skotland hevur í hesum ártúsundinum verið ein ein tónlistarligur orkudepil, og Superhero er einki undan­ tak. Tónleikurin var ordiliga skotskur, ella kanska heldur ordiliga bretskur, tí nakað hoyrdist av valisisku Manic Street Preachers í teirra tón­ leiki. Løgini vóru góð og fangandi og tíðarhóskandi. Stór spæligleði Framførslan hjá Superhero var sum heild góð, hóast onkrir tónar ikki vóru heilt reinir, og okkurt spæl ikki heilt í topp. Men spæligleðin var eyðsýnd, og framførslan var undirhaldandi. Tað er sjálvandi torført at fylla ljóðmyndina út, tá høvuðs­ gittarleikarin manglar, tá so ljómborðið, ið skal taka sær av einum parti av hesi uppgávu er somikið svikaligt, kundi tað lætt fingið ljóðmyndina at virka sera tunna. Men hetta var bert hendinga ferð ein trupulleiki. Í móti endanum royndi Superhero, at ganda gittarleikaran framvið eini teldu. Tá hetta ikki eydnaðist, tí teknikkurin aftur var svikaligur, og tað samstundis fór at oysa niður, gjørdist tað eitt lítið sindur ov nógv av tí góða, og hesin ummælarin kreyp innar at kroka. Hóast tøkniliga trupulleikar og svikaligt veður vann superhero hjørtuni á áskoðarunum á Fjarðafestivalinum Mynd: Álvur Haraldsen Sangarin í Mammuth var veikasti liður í bólkinum, ið veruliga ikki hevði nógv uppá seg Mynd: Álvur Haraldsen Torført er at steðga eini superhetju fjarðafestivalurin