leygardagur 11. august 2001síða 10

18 Nr. 153 - 11. august 2001 Nr. 153 - 11. august 2001 19 Grazer AK kom til Føroyar uttan at ivast í sigrinum, men eftir 94 minuttir á Tórs- vølli mundu teir prísa sær lukkuliga fyri, at teir hóast alt fingu ein javnleik við sær heim- aftur UEFA-CUP Jákup Mørk Tað er ikki frítt, at føroysku liðini hava staðið seg betri í europeiskum høpi í ár, sæð í mun til undanfarna ár. Tá taptu øll tey føroysku um- boðini umboðini sínar dyst- ir, men longu undan teim- um báðum dystunum í gjár, høvdu føroysk lið tryggjað sær tvær javnleikir. Fyrst B86 móti Lokeren niðri í Belgia, og síðani VB á heimavølli móti Slavia Mo- zyr. Hóskvøldið átti HB so tørn, og tá alt kom til alt, var tað um reppið, at havn- armenninir megnaðu at skapa eina veruliga sensati- ón. Tað var nevnliga ikki fyrr enn í seinastu minutt- unum, at tað eydnaðist mótstøðumonnunum úr Eysturríki at skjóta seg upp á javnt móti einum HB liði, sum allan dystin sýndi ein framúr góðan stríðsvilja. Varlig byrjan Vónirnar undan dystinum vóru annars ógvuliga blandaðar. HB hevur ikki staðið seg so øgiliga væl hetta kappingarárið, og tá liðið so eisini mátti vera vanliga liðskiparan, Rúna Nolsøe og málverjan, Bárð Johannesen, fyri uttan, sá av álvara svart út. Summi gingu enn tá runt og óttað- ust eitt veruligt skrædl, tá farið varð á vøllin. Grazer AK hevði longu undan dystinum givið til kennar, at teir helst fóru at spara nakrar av vanliga føstu leikarunum á liðnum, men hinvegin var lítið at iv- ast í, at teir ellivu, sum fóru á vøllin, vóru ríkiliga sterk- ir til havnarmenninar. Tað var eisini eyðsæð, at heimaliðið so avgjørt ikki hevði ætlanir um at leypa framav fyrstu løtuna. Við stórum denti á verjuspælið høvdu teir skipa seg í eini 4-4-2 uppstilling, sum ofta tók skap til 4-5-1, og fyrstu løtuna av dystinum royndu teir bara at finna útav, hvussu teir skuldu byrgja upp fyri mótstøðumonnun- um. Grazer hinvegin spældi sera framrættað frá fyrsta bríkslið. Við at flyta vong- verjarnar í báðum borðun- um langt niðan á vøllin, varð roynt at leggja stórt trýst á HB verjuna, um- framt at teir við at veksla spælið úr síðu í síðu royndu at fáa HB-miðvøllin at renna seg moyran. Stóðu væl Hetta fyrra – tað at leggja trýst – eydnaðist so at siga ongan tíð hjá Grazer. Tað seinna eydnaðist rættiliga væl í byrjanini av dysti- num. Teir á miðvøllinum hjá HB runnu nógv eftir bóltinum, men so við og við funnu teir líka sum útav, hvussu teir skuldu skipa seg í verjupartinum. Teir stóðu alt betri á miðvølli- num, og heldur enn at tuska aftur og fram alla tíðna, funnu leikararnir síni øki at dekka, og so høvdu teir al- oftast lítlar trupulleikar av at umstilla seg, tá skiftini komu. Framrættaða Grazer spælið tóktist eisini at kunna koma HB-monnun- um til góðar, tó at teir ikki fingu skapt sær nakrar veruligar møguleikar fyrstu løtuna. Holini aftan fyri framskotnu borðini vóru ofta gapandi stór, og serliga í vinstra borði gav hetta gott pláss. HB fekk eisini nakrar ferðir leikt seg ígjøgnum, í síðunum, og meðan tað at byrja við aloftast endaði við, at Rógvi og Bárður vóru ov einsamallir á toppi- num, so komu teir spaku- liga longur niðan á vøllin, sum hálvleikurin leið, tó at teir fyri tað mesta løgdu dent á, at einki varð offrað í verjupartinum. Veruligar møguleikar gjørdist talan tó framvegis ikki um. Allan Mørkøre sendi eina perlu av einum frísparki innfyri, men tí- verri var ein mótstøðumað- ur fyrst á, og tá Rógvi ta einu ferðina vann luftbólt móti eysturríkska málverja- num, metti dómarin, at Rógvi hevði gjørt fríspark, hóast tann dómurin væl kann diskuterast. Hinvegin var sjáldan veruligur vandi á ferð. Tað nærmasta Grazer kom ein- um opnum møguleika, var tá Pól N. Joensen í HB málinum var ótryggur í beinunum, tá ein afturlegg- ing kom (ein veikleiki, sum tíverri eyðkennir alt ov nógvar føroyskar málverj- ar), men málverjin fekk tó í samstarvi við Janus M. Joensen beint bóltin út til innkast. Bárður svaraði aftur Var fyrra umfarið av tí meira deydliga slagnum, so kom veruligt lív í dystin seinna umfarið. Venjarin hjá Grazer mundi vera alt annað enn nøgdur um spælið, og ein avleiðing av hesum varð, at hann setti toppskjúttan hjá liðnum, Akwuegbu, á vøll- in, og fyrsti løtuna var líkt til, at teir nú veruliga fóru at herseta HB brotsteigin. Fyrstu ávaringina fekk HB eftir tveimum minutt- um, tá Tutu skallaði úr stuttari fjarstøðu, men Pól í málinum vardi tó fyri. Grazer fluttu enn meira fólk niðan á vøllin, og með- an teir at kalla bert bíðaðu eftir einum máli, svaraði Bárður Mortansson at kalla einsamallur aftur. Rói Árt- ing sparkaði burtur í verju- støðu, Bárður vann bóltin í nærdysti, og Adolf Hütter sá sær ikki annan møgu- leika enn at steðga HB- áleyparanum óregluliga. Gult kort og fríspark úr 20 metrum vóru úrslitini av hesum. Bárður tók sær sjálvur av sparkinum, og við einum perfektum skoti bendi hann bóltin upp um múrin og niður við nærm- astu stong. Ferð kom á Málið loysti veruliga upp fyri dystinum. Sum nevnt, var fyrri hálvleikur ógvu- liga fátækur, hvat mál- møguleikum viðvíkti, men nú tóktist veruligt lív at koma í. Eysturríkarar vaknaðu sum við kaldan dreym, og næstu løtuna tóktust teir eisini veruliga skelkaðir. Allan og Bárður mundu sloppið leysir, men onkurs- vegna hálvgum datt ein verjuspælari um bóltn, tá Allan skuldi geva seinastu sendingina. Løtu seinni fekk HB tó eina ávaring um, at mótstøðumeninir kanska vóru groggy, men als ikki slignir knock-out, Hütter varð leiktur púra leysur í brotsteiginum, men misnýtti skammiliga úr sjey metra fjarstøðu. Hetta forskrekti tó ikki heimamenninar, og løtu seinni fekk Bárður aftur áskoðarafjøldina upp at kóka. Av brotsteigarmarki- num vinstru megin sendi Hallur ein bólt upp um verjuna, og í fullari ferð heilfluktaði Bárður bóltin niður móti handara horni- num uttan møguleika hjá málverjanum at verja fyri. Støðan var nú 2-0 til HB. Føroysku áskoðararnir vóru á gosi, meðan teir eystur- ríkararnir, sum høvdu ferð- ast longu leiðina sum áskoðarar neyvan trúðu sín- um egnu eygum. Frásøgu- maðurin á einari eysturrísk- ari radiostøð hoyrdist vón- brotin tosa um eina endur- tøku av Landskrona, sam- stundis sum hann mutlaði okkurt um, at Bárður Mortansson var ein nýggj- ari útgáva av Torkili Niel- sen. Kostaði Skal ikki staðfesta, um tal- an var um ovfarakæti, sum kostaði HB sigurin, men í øllum førum var talan um tvey sera óneyðug mál, sum fingu eysturríkarar upp aft- ur á javnt, og eisini høvdu tey tað til felags, at tey komu um júst tað mundi, tá tey ikki skuldu koma. Beint eftir at HB hevði skotið seg upp á tvey mál, svaraðu eysturríkarar aftur, og var málið úrslit av tveimum mistøkum í HB verjuni. Fyrst var Eyðun Fjalsbak alt ov passivur, tá bólturin varð skiftur yvir í hansara síðu. Heldur enn at leggja trýst á, áðrenn vong- urin hevði móttikið bóltin, valdi hann at bíða, soleiðis at bólturin at kalla ótarnað- ur kundi leggjast innfyri. Innleggið ferðast móti handaru stong, og Janus M. Joensen helt helst ikki, at vandi var á ferð. Í øllum førum lat hann bara bóltin fara, hóast hann væl hevði kunnað longt út til horna, og úrslitið varð, at Akwu- egbu við innaru síðuni kundi flukta í málið. Hóast málið, so ressaðist HB liðið aftur. Teir høvdu so avgjørt ongar ætlanir um at missa sigurin, og við ein- um framúr góðum stríðs- vilja hildu teir áhaldandi fast í eysturríkarunum. Teir tvingaðu teir at virða verju- skyldurnar, so ikki alt ov nógv varð tveitt fram, og hetta gjørdi eisini, at HB fekk flutt liðið einar 10 metrar longur niðan. Taktikkurin sá eisini út til at eydnast, tí tá farið varð um teir 90 minuttirnar, var HB framvegis á odda, men tá helvtin av teimum fýra eyka minuttunum vóru farnir, gekk galið. HB verj- an var alt í verðini ov pass- iv, tá Akwuegbu kom sær oman í brotsteigin við bóltinum, og eftir at hava spælt smáspæl endaði alt við, at nigerianski álops- maðurin gjørdist somikið leysur (hóast nógvir reyð/- svartir vóru í brotsteigi- num), at hann ikki hevði stórvegis trupulleikar av at smekka í kassan. Liðið og einstaklingar Í so máta gjørdist javnleik- urin sjálvsagt eitt vónbrot fyri HB, men tað skerst tó ikki burtur, at talan var um eitt framúr gott úrslit. Eitt úrslit, sum fyrst og fremst varð bygt á eitt lið- avrik, har allir stríddust fyri øllum, men hóast hetta, so slepst ikki undan, at nakrir leikarar vóru sjónligari enn Landskrona varð nærum endurtikið Bárður hevur skorað, og HB hevur lagt seg á odda Mynd: Jens Kr. Vang aðrir. Bárður Mortansson kom sjálvandi í fokus við sínum báðum málum, og yvirhøvur spældi hann ein stak góðan dyst, sum mill- um annað kostaði gult kort til báðar eysturríksku mið- verjarnar. Tað var tó sera hugaligt at kunna staðfesta, hvussu sterkir tveir av landsliðs- monnunum hjá HB stóðu í myndini. Rógvi Jacobsen hevur neyvan leikt betri fyri HB enn tað sama. Vann nógvar nógvar nærdystir, megnaði at halda bóltinum, og blandaði seg yvirhøvur í eina ótrúliga rúgvu av tí, sum gekk fyri seg á vølli- num. Allan Mørkøre er kanska ikki landsliðsmaður í løt- uni, men verður hetta støð- ið framyvir, er ilt at finna eina umbering fyri, hví hann ikki skal koma á aftur landsliðið. Hann var partur í flestum av HB álopunum, og í høgra miðvallarborði var hann nærum einaráð- andi í sínari síðu. Tað, sum kanska imponeraði mest við avriki hansara var tó, hvussu væl hann megnaði at hjálpa til á sentrala mið- vøllinum, uttan at hetta kostaði í síðuni, og so sást tað eisini á øllum brøgdum, at her var ein maður, sum hevur verið partur av yvir hálvt hundrað altjóða dyst- um. Aðrir kunnu eisini nevn- ast, men sum sagt, so var talan um eitt liðavrik, sum tó varð kryddað við teimum hjá einstaklingum. Bert spell, at talan ikki gjørdist um ein sigur. Niðurstøðan er tó, at HB neyvan vinnur seg eitt um- far longur fram, men líka mikið hvussu úrslitið verð- ur á útivølli, so tænti avrik- ið á heimavølli føroyskum fótbólti til stóran sóma, og tað eigur HB rós uppiborið fyri. Dysturin í tølum: HB-Grazer AK 2-2 (0-0) 1-0: Bárður Mortansson, 51 2-0: Bárður Mortansson, 58 2-1: Akwuegbu, 59 2-2: Akwuegbu, 90 HB: Pól N. Joensen – Eyð- finn Fjalsbak, Jóhannis Joensen, Jón Rói Jacobsen, Janus M. Joensen – Allan Mørkøre, Hallur Danielsen, Rói Árting, Høgni M. Joen- sen – Rógvi Jacobsen (Ransin N. Djurhuus, 86.), Bárður Mortansson (Rúni Nolsøe, 90.) Grazer AK: Scranz – Ak- oto, Hütter, Bazina, Dmitr- ovic – Standfest, Milink- ovic (Akwuegbu, 45.), Kul- ovits, Amerhauser – Isa- bella, Tutu Gul kort: HB: Pól N. Joensen, 72. Grazer AK: Hütter, 51., Kulovits, 66., Aufhauser, 80. Allan Mørkøre hevði nakað at prógva, tá hann fór á vøllin, og niðurstøðan eftir dystin mundi eisini vera, at hann hevði prógvað seg sjálvan FÓTBÓLTSTOS Jákup Mørk Nógv hevur verið tosað og skrivað um Allan Mørkøre seinastu tíðina. Landsliðsvenjarin hevur sáldað hann frá til dystin móti Jugoslavia, og sum vera man, eru ymsar fatanir av hesi avgerðini. Liðavrik Tí vóru tað mong, sum hildu, at Allan nú hevði nakað at prógva, og eftir dystin spurdur vit hann eisini um hetta. - Eg haldi sjálvur, at eg skuldi vísa nakað, og yvirhøvur eri eg eisini nøgdur um persónliga av- rikið. Tað eigur at síggjast aftur í slíkum dystum, at mann hevur altjóða royndirnar, og tað haldi eg eisini, at tað gjørdi, segði Allan, sum tó heldur vildi tosa avrikið hjá liðnum sum heild. - Vit stríddust allir sera væl á vøllinum. Stóðu rætt í verjustøðuni, og hó- ast vit ikki høvdu so nógvar møguleikar, so royndu vit alla tíðina at liggja framvið, og vit fingu so eisini tvey av- bera mál. Ov tunnir Allan kundi tó ikki lata vera við at iðra seg um, at tað ikki eydnaðist at halda fast um leiðsluna allan dystin. - Tað er sjálvandi ótrúl- iga keðiligt, men tað vísur kanska eisini, at hópurin hjá okkum er heldur tunn- ur. Umframt Hans á Lag og Andrew, so restaðu eis- ini Rúni og Bárður til hendan dystin, og hetta eru allir týdningarmiklir leikarar hjá okkum. Eg skal ikki niðurgera nakr- an, men høvdu vit havt ein sterkari bonk, so kundu vit kanska skift øðrvísi út, men tað fáa vit so ikki gjørt nakað við. - Sum sagt, so haldi eg alt í alt, at vit kunnu vera nøgdir um avrikið. Bert spell, at vit ikki hava sæð hendan stríðsviljan aftur í landskappingini, men kanska var hetta vendin, segði Allan Mørkøre at enda. Prógvaði seg sjálvan Rógvi var fegin um nýggja leiklutin, sum hann heldur seg trívast væl í FÓTBÓLTSTOS Jakup Mørk Einki er at taka seg aftur í, at mest sjónligi leikarin á Tórsvølli hósdagin var Rógvi Jacobsen. Hóast eina óskiljandi útskifting stutt fyri leiklok, so tókt- ist Rógvi vera nøgdur um dystin, og ikki minst nýggja leiklutin, sum hann heldur vera høvuðs- orsøkina til, at hann í mun til fyrr í ár var so sjón- ligur. - Eg spældi longri frammi á vøllinum, enn eg havi gjørt higar til í ár. Hetta er nakað, su venjar- in hevur tosað um áður, men miðjan hevur ofta verið so tunn, at tað ikki er blivið til meira enn tos- ið, segði Rógvi eftir dyst- in. - At eg verði fluttur longur niðan ger, at eg betri kann nýta mínar sterku síður, men um hetta eisini verður plássið hjá mær framyvir, dugi eg so ikki at svara uppá. Hugsa ikki fram í tíðina Tá tosið fellur inn á retur- dystin í Eysturríki, er Rógvi skjótur at svara, at somikið langt hevur hann als ikki hugsað. - Vit hava eisini aðrar dystir á skránni áðrenn tað, so tað hava vit als ikki tosað um. - Tað er tó greitt, at tað verður sera torført, men vit mugu bara stríðast á sama hátt, og so hava vit vónandi eisini Rúna við til ta tíð, sigur annar av klaksvíkingunum í HB at enda. Allan Mørkøre var nøgdur um egna avrikið, men vildi heldur tosað um, hvussu væl liðið stóð seg Longur niðan Rógvi Jacobsen er sum ikki einaferð fyrstur á bóltinum, og frustraði Grazer menninir kuinnu ikki gera annað enn hyggja Mynd: Jens Kr. Vang Við tveimum málum kom Bárður Mortansson heilt náttúrliga í fokus, og eysturríkski frásøguemaðurin segði, at her var talan um ein nýggjan Torkil Nielsen Mynd: Jens Kr. Vang C M Y K 19 18