hósdagur 4. september 2008síða 14

14 Nr. 169 - 4. september 2008 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Leygardagin 6. september fyllir Jeanne Jensen (fødd Rubeksen) undir Svarta­ fossi, 80 ár. Jeanna er fødd í Havn, og foreldur hennara vóru Samuel Sofus Rubeksen (vanliga nevndur Sámalí Smiðjustovu) og Agnes Rubeksen (fødd Jacobsen ættað úr Norðastovu á Toftum). Jeanna var gift við Holgar Jensen, møbilhandlara frá Broager í Jútlandi, sum doyði í 1986. Tey bygd hús undir Svarta­ fossi, har foreldrini hjá Jeannu høvdu bygd, og býr Jeanna har í dag. Jeanna og Holgar fingu tvær døtur, onnur býr í Svendborg og hin í Tórs­ havn. Jeanna og Holgar høvdu stóran møbilhandil í Havn, og vóru tey saman um hetta til tey stongdu handilin í áttatiárinum. Tey hava eisini verið virk­ in innan felagslívið í Havn, og vóru tey m.a. við í GHM og stovnan av Dansifrøi. Jeanna er rættuliga aktiv, tað er ikki dagur at hon ikki hevur samband við síni børn, ommu­ og langommu­ børn, eins og familjuna í Havn. Føðingardagurin verður hildin saman við børnunum á Louisenlund nr. 23 Svend­ borg. HM. Jeanne Jensen 80 ár Fríggjadagin 5. september verður Símun V. Arge, forn­ frøðingur, seksti. Símun kom í starv á Føroya Forn­ minnissavni sum savns­ vørður í fornfrøði í 1982, og í 1986 gjørdist hann leið­ ari á fornfrøðideildini. Hann hevur tó verið knýttur at savninum væl longri, nevniliga síðan 1970, áðr­ enn hann fór niður at lesa fólkalívsfrøði og miðaldar­ fornfrøði, og eisini í ferium í lestrartíðini. Hesa tíðina var hann eisini við í forn­ frøðiligum og antikvariskum arbeiði í Danmark og Grøn­ landi. Sum fornfrøðiligur deild­ arleiðari hevur Símun havt fyriskipan og eftirlit við øllum fornfrøðiligum rann­ sóknum, ið hava verið í Føroyum seinastu nógvu árini. Hann hevur tann ser­ liga eginleika, at hann hevur lætt við at koma í samband við fólk og dugir at røkja hesi sambond, og hesum hevur stovnurin mangan notið gott av. Hann hevur skil á, hvat hendir á økinum í grannalondunum og veit, hvar hann skal venda sær, tá ið brúk er fyri útbúnum fólki í fornfrøðiligum útgrevstrum, tá ið rann­ sóknir brádliga stinga seg upp, tí samfelagsútbygging­ in krevur tað. Eisini hevur hetta lyndið mangan havt við sær, at gjørligt hevur verið at finna loysnir, soleiðis at mentanarminni ikki eru farin fyri bakka hóast neyðugu samfelagsút­ byggingarnar. Ein týðandi táttur í hesum er gransking av fornfrøðilig­ um evnum og kunning um virksemið, bæði í fólks­ ligum og vísindaligum rit­ gerðum eins og gjøgnum framsýningar. Serliga nær hjarta hansara øll árini, og serliga tey seinastu, hevur verið gransking av forn­ frøðilugum leivdum heima á Sandi, har heilt serligar umstøður eru at grava fram nýggja vitan um fortíð okk­ ara. Í samstarvi við viður­ kendar útlendskar gransk­ arar stendur hann har á odda fyri forkunnugum vís­ indaligum rannsóknum, sum veita okkum nýggja vit­ an um gerandislív í víkinga­ øld og eru við til at seta luppin á Føroyar sum sera áhugavert øki í alheims fornfrøðiligum høpi. Símun hevur í starvstíð síni eisini verið góður hjá landsmyndugleikum at heita á, tá ið á hevur staðið. Í trimum umførum hevur hann verið settur landsantik­ varur, í tilsamans 4 ár. Í hes­ um álitisstarvi hevur hann lagt dent á at fáa fjøltáttaða stovnin, sum Føroya Forn­ minnissavn er, at virka sum eina væl samansjóðaða eind, har starvsfólk trívast. Og tað hevur eisini eydn­ ast. Føðingardagurin verður hildin við móttøku í fram­ sýningarhølunum hjá Før­ oya Fornminnissavni í Brekkutúni 6, millum kl. 15.30 og 19.00, har øll eru hjartaliga vælkomin. Símun V. Arge 60 Í dag fyllir Steinmund Klakkstein í Klaksvík 70 ár. Steinmund er føddur og uppvaksin í Klaksvík. Foreldrini vóru Elsa og Heine Klakkstein, sum búðu í Vági í Klaksvík. Steinmund er elstur av trimum systkjum. Steinmund lærdi til blikksmið á Blikksmiðjuni á Fornagørðum og tók sveinroyndina í Danmark í 1959. Hann hevur eisini arbeitt á vatndeildini hjá Klaksvíkar kommunu, hann arbeiddi í fleiri ár sum bilmekanikari, og eitt skifti var hann leiðari fyri sløkkiliðið í Klaksvík. Seinnu árini hevur Stein­ mund tikist við ymiskt fyrifallandi arbeiði, og hann er framvegis lættur á fótum, røkin og skjótur í vendingini. Bæði í ár og í fjør hevur hann gjørt ferð til Grønlands saman við øðrum handverkarum at gera ábøtur á leguhúsini í Nuuk. Steinmund giftist í 1963 við Jórun (f. Simonsen) úr Fuglafirði, og í 1968 fluttu tey í húsini á Stong­ unum, har tey framvegis búgva. Tey eiga fýra synir – Heini (1964), Esmar (1968), Eyðun (1972) og Bárður (1976). Tríggir teir elstu búgva við familju í Klaksvík, meðan Bárður í løtuni er búsitandi við familju í Esbjerg. Nú eru abbabørnini blivin 9 í tali. Føðingardagurin verður hildin á Skáltavegnum 4. Steinmund rundar 70 Andlát og jarðarferðir Hansa Hansen, Tórs­ havn, andaðist á Lands­ sjúkrahúsinum leygar­ dagin 86 ára gomul. Kist­ an fer úr Landssjúkra­ húskapellinum hóskvøld­ ið kl. 18. Jarðarferðin verður úr Vesturkirkjuni fríggjadagin kl. 13. Tey, ið vilja minnast Hansu, kunnu lata Frelsunarher­ inum eina gávu, konta í peningastovnunum. Andlát og jarðarferðir Dagurin 5. september. Regina, deyð umleið ár 300. Ung róm­ versk genta, sum varð tikin av døgum fyri trúar sakir. Navnið er av latínskum uppruna og merkir drotning.