mánadagur 8. september 2008síða 8

8 tíðindi Nr. 171 - 8. september 2008 Hóskvøldið hendi aft­ur t­að, sum fólk á Viðareiði bera ót­t­a fyri hvønn einast­a dag: Ein st­órur st­einur sum vigaði um 2 t­ons dat­t­ oman á vegin. – Tí­bet­ur er eingin st­ørri vanlukka er hend á hesum vegast­rekk­ inum, men vit­ liva allat­í­ðina í­ ót­t­anum, sigur ein viðingur Ferðsla Snorri Brend snorri@sosialurin.fo Viðareiði: - Vit síggja tíbetur ikki allar klettarnar sum koma oman á vegin, tí teir hjá Landsverki eru so skjótir at rudda teir burtur. - Men vit síggja í øllum førum farvegin eftir teimum – bæði við holum í vegnum og ikki minst við teimum mongu buglunum á bilverj- uni, sigur ein viðingur við Sosialin. Hóskvøldið bórust tey tíðindi, at eitt minni oman- lop hevði verið á hesum vegastrekkinum millum Hvannasund og Viðareiði. Ein bilur ella fólk vóru til staðar, hóast hetta nær nærhendis bygdini og tað í miðal koyra omanfyri 450 bilar í miðal eftir vega- strekkinum um dagin. Umframt vandan úr erva, er tað eisini ein sannroynd, at bilverjan eftir Viðareiðis- vegnum er sera lág. Í støð- um er hon ikki hægri enn hálvur annar mjólkarpakki. Viðareiðis kommuna hevur skrivað til løgtingið, har víst verður á hesa vanda- fullu farleiðina. Men svarið tey fingu var, at tey máttu bíða í nakað nógv ár aftrat: Áðrenn nakar nýggjur tunnil verður gjørdur hagar, má ein loysn finnast á teim- um 40 ára gomlu tunlunum á Borðoynni. - Ja, vit mugu bara bíða í tolni, og biðja um rættiliga gott tol, verður sagt. 2 tons Tað hevði regnað sera illa mikudagin, og tá er altíð ein ávísur møguleiki fyri, at slík omanlop kunnu henda. Nakað fyri klokkan átta hetta hóskvøldið var ein bil- ur av Viðareiði farin eini ør- indi til Klaksvíkar. Tá var einki grót at síggja nakra- staðni. Tá bilførarin eina løtu seinni var á veg norður aftur, verður hesin steðgaður av fólki sum søgdu frá hes- um omanlopinum. Hesaferð vóru fleiri fólk í bilinum. Tey vórðu her vitni til tann veruleika sum tey dagliga liva í: Úti við bilverjuna lá ein stórur steinur, sum mundi vera um ein metur høgur. Sambært heimasíðuni hjá Landsverki vigaði hesin stein- urin millum 1 og 2 tons. Ótíðarhóskandi Í stóru og umfatandi sam- ferðsluætlanini hjá Lands- verki er nevndur ein tunnil til Viðareiðis. Sagt verður, at verandi vegur til bygdina er smalur, ótíðarhóskandi og at grót ofta kemur á vegin. Ymiskar loysnir hava verið frammi, millum annað hesin tunnilin millum Hvannasund og Middal á eystursíðuni á Viðoynni. Hesin tunnil verður eftir ætl- an 2300 metrar langur og vegaføringarnar báðumegin samanlagt 4 kilo-metrar. Higartil eru tær innleið- andi jarðfrøðiligu metingar- nar og kanningarnar gjørdar. Ein kjarni er boraður í Mid- dali, og ein lýsing gjørd á Jarðfeingi og send Lands- verki. Enn er eingin kostn- aður ella tíðarætlan sett fyri hesa loysnina. Ein onnur loysn – ella rættari sagt fýra aðrar loysnir – vórðu almanna- kunngjørdar í Sosialinum í mai mánaði í fjør. Her hevði Dánjal Lydersen av Viðar- eiði gjørt fýra uppskot um tunlar til heimbygdina. - Eg tók eitt kort, ein blýant og ein lineal og gjørdi síðani fýra uppskot um tunnilssamband til Við- areiðis. Hetta varð gjørt av mínum eintingum, fyri líka- sum at koma við nøkrum konstateringum, segði hann við blaðið. Tryggleiki Á heimasíðuni hjá Lands- verki verður sligið fast, at eingin fekk skaða av hend- ingini hóskvøldið. Steinurin var komin om- an úr líðini stutt norðanfyri Hvannasund, á einum staði har ein ikki so ofta sær slík omanlop. Hóast tunga og stóra steinin gekst skjótt hjá monnum hjá Landsverki at rudda steinin burtur, soleið- is at hann ikki tarnaði ferðsl- uni. Á vegnum frammanfyri steinin lá nakað av mold og smásteinum, men ferðslan gekk kortini sum hon skuldi. - Hóast vit kundu koyra framvið stóra steininum, so var tað við einum ávísum ampa at vit hildu leiðina til hús aftur. - Vit spyrja enn einaferð, hvussu leingi vit kunnu kenna seg trygg á hesum vegastrekkinum, og nær fáa vit tunnilin?, spyr hesin maðurin. Koyra við óttanum til Viðareiðis Í Tjørnuvík er sett eitt trygdarhegn upp, júst við tí endamáli at taka ímóti gróti, ið dettur niður. Her er kortini fyrimun- urin tann, at tað mesta grótið dettur niður á ein- um avmarkaðum øki uppá einar 200 metrar. Hegnið hevur longu víst sína dygd, men tann stóru trupulleikin er, at tað er ikki serliga vakurt á at líta. Í eini meting frá Lands- verki vóru fýra vegastrekki nevnd sum slík, har ið eitt slíkt trygdarhegn hevði havt sína stóra týdning. Eitt teirra var júst Viðar- eiðisvegurin. Nú er hegnið í Tjørnuvík sett upp sum eina roynd. Spennandi verður at vita, um hesar royndirnar eru somikið góðar, at tær kunnu verða framdar á øðrum støðum. Trygdarhegn ímóti gróti Tvær nýggjar bøkur frá Heimamissiónini Heimamissiónsforlagið hevur givið út tvær nýggjar barnabøkur í røðini Smáar Signingar. Bøkurnar eru: Eru einglar til?, sum Edvard Poulsen hevur týtt og Bøn, sum Eyðbjørn Jacobsen hevur týtt. Báðar bøkurnar eru týddar úr enskum. Tað er Kathleen Long Bostrom, sum hevur skrivað og Elena Kucharik, sum hevur teknað myndirnar. Fyrru bøkurnar í røðini, ‘Bíblia teirra smáu’, ‘Bønir teirra smáu’ og ‘Himmalin’ hava verið nógv eftirspurdar, men eru langt síðani útseldar. Í báðum bókunum eru sera vakrar, fittar og hugtakandi tekningar. Bøkurnar eru egnaðar børnum frá 0 – 5 ár, og hava tjúkka permu, sum eisini tolir at smærri børn spæla við tær. Í bókunum eru spurningar, sum børn vanliga spyrja, og verða teir svaraðir við skriftstøðum úr Bíbliuni. Hetta kann verða ein hjálp hjá foreldrum og øðrum, sum eru um børnini í dagligdegnum. Bøkurnar eru góðar 70 síður hvør, og kosta kr. 85,00 stk. Tær kunnu keypast á www.hmf.fo og í bókhandlunum kring landið. Í støðum er so nógv asfalt lagt á Viðareiðisvegin, at hann er ikki stórt meiri enn ein hálvur annar mjólkarpakki høgur Steinur, ið datt oman á Viðareiðisvegin hóskvøldið kom upp á hálvan bilin og vigaði um 2 tons. Tað er ikki fyrstu ferð at slíkt hendir, men meiri sjáldsamt at tað hendir so tætt við bygdina í Hvannasundi