týsdagur 16. september 2008síða 10

10 tíðindi Nr. 177 - 16. september 2008 Sambandsflokkurin ætlar sær at taka við aftur, har teir sleptu. – Vit fara at brúka samgonguskjalið hjá gomlu ABC- samgonguni sum skabelón, sigur Kaj Leo Johannesen, nú teir tríggir flokkarnir aftur fara til samráðingarborðið Politikkur Rógvi Nybo rogvi@sosialurin.fo Kaj Leo Johannesen, for­ maður í Sambandsflokkin­ um sigur, at Sambandsflokk­ urin ikki hevur nøkur defi­ nitiv krøv til eitt nýtt sam­ gonguskjal, sum nú skal skrivast. Men hann váttar, at teir tríggir flokkarnir fara at nýta samgonguskjalið hjá gomlu ABC samgong­ uni sum skabelón til eitt nýtt samgonguskjal. Til spurningin, hvør verð­ ur løgmaður, vil Kaj Leo Johannesen ikki peika á nakran, og vísir á, at máls­ økini vanliga er tað seinasta, sum verður býtt, tá farið verður til samráðingar. Men hann sigur eisini, at byrjað verður frá blankum, og at tí standa allir møguleikar eisini opnir. Tíðin er øðrvísi Sum vit vita, so slitnaðu samráðingarnar millum Fólkaflokkin, Sambands­ flokkin og Javnaðarflokkin í januar mánaði, áðrenn CHE samgongan varð skip­ að. Spurdur, um hvat er øðrvísi nú, í mun til tá, sigur Kaj Leo Johannesen, at tíðin er øðrvísi. ­ Nú hava vit roynt okkurt annað, sum vísti seg ikki at verða borðbært. Tað sum er mest umráandi nú er at fáa stabilitet og arbeiðsfrið í løgtingsarbeiðið aftur, og tíðin er øðrvísi nú. CHE samgongan er nú roynd, men vísti seg at verða alt annað enn borðbær, og tí fara vit nú at royna aftur, sigur Kaj Leo Johannesen, formaður í Sambandsflokk­ inum. Blokkurin eingin forðing Fólkaflokkurin fór til val uppá at blokkurin skuldi verða burtur í 2015, men Kaj Leo Johannesen heldur ikki at hetta verður nøkur forðing fyri einum komandi samstarvi millum flokk­ arnar. ­ Vit fara at koyra meira uppá vinnu­ og fíggjar­ politikk nú, og eg haldi ikki at blokkurin verður nøkur forðing fyri at vit kunnu samstarva. Vit vilja fegnir fáa skil á politikkin aftur og fáa raðfest tey bleytu virð­ ini. Tað sum er mest umráðandi nú er at fáa arbeiðsfrið og stabilitet aftur, sigur Kaj Leo Johannesen. Í viðmerking til komandi fíggjarlóg, sum eftir øllum at døma hevur eitt stórt hall, sigur Kaj Leo Johanne­ sen, at Sambandsflokkurin er ikki bangin fyri at taka fat. ­ Vit síggja tað sum einna spennandi avbjóðing, og við ræðast ikki at taka fat í fíggjarlógina. Stabilitetur er lyklaorðið, og vit mugu eisini fáa stabilitet í fíggjar­ politikkin aftur. Nú verður byrjað frá blankum og kortini blandaði av nýggj­ um, og so mugu vit fáa at síggja, hvør fíggjarpolitikk­ urin verður framyvir, stað­ festir Kaj Leo Johannesen. Málsøkini Spurdur, hvørt Sambands­ flokkurin hevur nøkur málsøki, han nfer at leggja seg eftir, svarar Kaj Leo Johannesen, at hann vil ikki fara at seta nøvn á nakran landsstýrismann enn, men sigur, at Sambandsflokkurin hevur fleiri kompetent fólk, sum eru til reiðar at taka við. ­ Men enn er alt opið. Fyrst royna vit við ABC, og so mugu vit fáa at síggja, hvussu langt tað ber. Men hvat er í framtíðini, er ringt at siga, sigur Kaj Leo Johannesen, formaður í Sambandsflokkinum at enda. Taka við har vit sleptu Nógvir møguleikar í e-handli Donsku smásølufyritøkurnar eru afturhaldandi við at selja teirra vørur yvir alnótina, hóast donsku brúkararnir eru millum tey raskastu at keypa klæðir, bøkur, elektronik og aðrar vørur yvir alnótina. Meðan tað øðrumegin bert eru svenskir og hollendskir brúkarar, sum keypa meira enn donsku brúkararnir, liggur Danmark hinumegin nr. 11 av teimum 27 ES­londunum, tá tað snýr seg um at fáa smásølu­ fyritøkur at selja yvir alnótina, skrivar heimasíðan hjá Vinnuhúsinum. Handlarnir fáa sostatt ikki lut í teimum á leið 20 milliardir krón­ unum, sum danskarar hvørt á keypa fyri á alnótini. Seinastu trý árini hevur vøksturin í e­handlinum verið á umleið 30% árliga og e­ handilin er sostatt í ferð við at taka kundar frá teimum veruligu smásølunum. »E­handilin er á veg at verða eitt parametur fyri vøkstur og yvirlivilsi, heldur enn bert at verða eitt supplement til veruliga handilin. Tí er tað mótsigandi, at nógvar danskar handilsfyritøkur bara hava ein veruligan handil, ella bert eina hálvhjartaða heimasíðu,« sigur Lars William Hansen frá DI Handel. Meira enn helvtin av søluni yvir alnótina er longu í dag við fysiskum vørum. Samstundis vísa kanningar hjá DI Handel, at annar hvør danskari væntar at hækka vørunýtsluna komandi árini. »Vit síggja, at til dømis klæðir gjøgnum tey síðstu nógvu fjórðingsárini hevur verið tað, sum hevur selt best. Fatanin hevur annars verið, at tað ikki ber til at selja klæðir yvir alnótina,« sigur Lars William Hansen. - Enn er alt opið. Fyrst royna vit við ABC, og so mugu vit fáa at síggja, hvussu langt tað ber, sigur Kaj Leo Johannesen, formaður í Sambandsflokkinum