mánadagur 22. september 2008síða 9

9 tíðindi Nr. 181 - 22. september 2008 23. juni í ár kom ætl­an fram, har Postverk Føroya og Shel­l­ skul­du gera eina avtal­u, um at føroyingar í framtíðini skul­du gera síni postørindi á bensinstøðunum. Hendan avtal­a verður nú av ongum, tí part­ arnir ikki vil­du fara sama veg, sum teir orða tað Postur Eirikur í Jákupsstovu eij@sosialurin.fo Postverk Føroya legði 23. juni í ár ætlan fram, um hvussu felagið, sum hevur havt nógvar trupulleikar skuldi bjargast. Ein av hes­ um ætlanum var at gera eina avtalu við Føroya Shell, um at seta sokallaðar posttøkur upp á ymiskum Shellstøðum í landinum, so fólk sjálvi kundu avgreiða síni postviðurskifti sam­ stundis sum tey fyltu bensin á bilin. henda avtala er nú av ongum. Ætlanin var, at fyrsta post­ tøkan skuldi setast upp á shellstøðini í Gøtudali í oktobur, men henda post­ tøka er í staðin sett upp á posthúsinum á Óðinshædd. Skiltust í semju Tá Sosialurin ringdi til Hendrik Egholm, stjóra í Føroya Shell, vildi hann treyðugt úttala seg um mál­ ið, men kundi staðfesta at avtalan var av ongum, tí part­ arnir ikki vildu sama veg. Men helt stjóran í Post­ verkinum vera tann rætta at spyrja. Hann greiðir tó samstundis frá, at partarnir hava gott samstarv, men at mann onkuntíð er samdur og onkuntíð ikki er, og at konseptini ikki passaðu ordi­ liga saman í hesum føri. Postverksstjórin, Sofus Clementsen, leggur eisini dent á, at partarnir skiltust í semju, og enn hava gott samstarv. At tað var talan um eitt ætlanarskriv, og tí er tað ongin trupulleiki, at partarnir skiljast eftir at hava hugt uppá ymisku møguleikarnar og gjørt eitt kanningararbeiði. Tó vil ongin av stjórunum koma inná konkretu orsøk­ irnar til, at avtalan varð av ongum. Vilja finna aðra loysn Posttøkurnar eru ein skipan, ið millum annað verður nýtt niðri í Danmørk og tær eru eitt slag av sjálvtøkum, har kundin kann avgreiða síni postviðurskifti. Postverk Føroya hevur keypt fýra av slagnum, men spurningurin er nú, hvar tær skulu standa. Tá ongin avtala er við Shell. ­ Her er ongin gøla. Eg kann garantera, at kundin í framtíðini ikki fær eina verri tænastu, enn um vit gjørdu eina avtalu við Shell, sigur stjórin í Postverkið Føroya. Sofus Clementsen greiðir eisini frá, at fyrsta posttøkan verður tikin í nýtslu á Óðins­ hædd fyrst í oktobur og leggur dent á, at aðrar avtal­ ur verða gjørdar í samband við hetta konsept, postverk­ ið er um at menna. Spurdur hvørjar ætlanir nú eru við posttøkunum, sigur Sofus Clementsen, at onkur hugskot eru frammi, men hetta er ikki nakað teir vilja út við í hesi løtu, men at arbeitt verður við at finna loysnina, ið gevur mest meining fyri kundan, og at tænasta við tíðini kemur á ynskta støðið. Ongar post- tøkur á Shell Sofus Clementsen, postverksstjóri, vil ikki koma nærri inná, hví ongin avtala er, enn at partarnir ikki vildu sama veg Átta ára gamlir hassjarar Sambært Søren Thide, sum ger arbeiði ímóti rúsevnismisnýtslu fyri Keypmannahavnar Kommunu, hevur trupulleikin við hassji ongantíð verið størri enn í dag. Hann sigur millum annað, at tað í dag eru hassjarar heilt niður í átta ára aldur, og at trupulleikin bert er vaksandi. Sambært serfrøðingum í Danmark, er stóri trupulleikin, at hassj er góðtikið millum ung, og at tey, ið roykja hassj ikki missa vinir sínar á sama hátt, sum tey, ið nýta hørð rúsevni. Tey ungu, sum roykja hassj eru vanliga millum 14 og 18 ár, og eru úr øllum sosialum løgum.