týsdagur 23. september 2008síða 11

11 tíðindi Nr. 182 - 23. september 2008 Í morgin verður árliga tiltakið Markleys útbúgving í Norðurlandahúsinum. Byrjað verður á morgni fyri næming­ um í seinastu flokk­ unum í miðnáms­ skúlunum, og um kvøldið er tiltakið fyri øll onnur útbúgvingaráhugað ÚtbÚgving Rógvi Nybo rogvi@sosialurin.fo Útbúgving er sera avger­ andi, bæði fyri tann einstaka og samfelagið. Útbúgving, styttri ella longri, er næstan ein treyt, skalt tú fáa eitt spennandi og mennandi lív. Í okkara samfelagi er náttúrutilfeingið ikki so stórt, og tí er tað av alstórum týdningi, at tey ungu fáa útbúgvingar, um vit skulu klára at halda livistøðinum í altjóða kappingini. Markleys útbúgving 2008 / 2009 roynir at vera við til at lata upp fyri teimum mongu ókendu valmøgu­ leikunum, sum finnast bæði nær og fjar. Árliga tiltakið verður í ár hildið í Norðurlandahúsi­ num í morgin, mikudagin 24. september. Um morgun­ in verður tiltakið fyri næmingum í seinastu flokkunum í miðnámsskúl­ unum. Um kvøldið verður tiltakið so eisini hildið fyri øllum útbúgvingaráhugað­ um, tað vil siga øll tey, sum ikki eru við um dagin, og øll tey, sum ikki ganga í skúla, men ynskja at koma í gongd við eina útbúgving. Serfrøðilig vitan Skráin fyri tiltakið er sera fjølbroytt, og kann sigast at har er okkurt fyri hvørt oyra. Kanska serliga áhuga­ vert verður tað at leggja oyra til Jacob Lange, sum er lestrarstjóri við Køben­ havns Universitet. Í høvuðsheitum er tað serliga tvey ting, hann kemur at greiða frá. ­ Eg komi í høvuðsheitum at leggja dent á tvey ting. Tað fyrsta er, at tað hevur ongantíð verið lættari at fáa eina útbúgving í Danmark. Krøvini til miðaltøl eru lækkaði, og tað er blivið munandi lættari at sleppa inn á skúlarnar í Danmark. Men samstundi verða størri krøv sett til, at tú hevur tær røttu lærugreinarnar, sigur Jacob Lange, lestrarstjóri við Københavns Universitet. ­ Hitt, sum eg fari at greiða frá, er skiftinum frá at ganga í miðnámsskúla til at skulla ganga á universiteti. Tað er jú ein kollvelting at koma úr miðnámsumhvørv­ inum og í universitetsum­ hvørvið, og tað er umráð­ andi, kanska serliga fyri føroyingar, at tú ert saman við øllum tínum lestrar­ feløgum, og ikki bert teimum »heimanífrá«, vísir Jacob Lange á. Hesi bæði evnini fer hann at greiða frá í høvuðsheitum, nevnliga nýggju og lækkaðu krøvunum frá universitet­ unum, og eisini frá skifti­ num millum miðnám og universitet. At lesa úti og heima Nógvir ymiskir fyrilestrar verða á Markleys útbúgving, og hesir fyrilestrar snúgva seg bæði um lestrar­ og starvsmøguleikar í Føroyum og úti í heimi. Fyrilestrar verða hildnir um lestrar­ møguleikar í millum annað Danmark, Noregi, Svøríki, Íslandi, USA, Týsklandi, Fraklandi, Spania, Stóra Bretlandi og Avstralia. Umframt hesar møgu­ leikar verður eisini greitt frá lestrarmøguleikunum í Føroyum, og verða umboð fyri Fróðskaparsetrið, Før­ oya Handilsskúla og Føroya Lærara­ og Pedagogskúla. Men tað verður ikki bert greitt frá møguleikunum, ið eru fyri at lesa úti í heimi. Tvey umboð fyri Megin­ felag Føroyskra Studenta, MFS, Rúna Jacobsen, sum hevur lisið í Danmark og Føroyum, og Ingun Mið­ berg, sum hevur lisið í Leeds, fara at greiða frá mununum millum at lesa í Føroyum, Danmark og Stóra Bretlandi. Tær fara eisini at greiða frá skiftinum millum at lesa á miðnámsskúla og á universiteti, umframt at tær eisini fara at greiða frá virkseminum hjá MFS. Ráð til at lesa At lesa er ikki ókeypis. Tí verður eisini góður møgu­ leiki fyri at kunna seg um fíggjarmøguleikarnar kring víðari lesnaði, og verða um­ boð fyri EIK eisini við á tiltakinum. Eisini fer eitt umboð fyri Føroya Tele at halda fyrilestur um tað at leita eftir starvi, og hvat tú skalt leggja dent á, tá tú leitar eftir dreymastarvinum. Talan verður sostatt um eitt sera fjølbroytt tiltak, har fyrilestrar verða fyri hvørt oyra. Markleys útbúgving 2008 / 2009 verður hildið í Norðurlandahúsinum í morgin, um morgunin fyri miðnámsskúlanæmingum, og um kvøldið, frá klokkan 19.30, verður Markleys útbúgving fyri øll áhugaði, og tiltakið er ókeypis. Markleys útbúgving fyri øll Markleys útbúgving er ætlað øllum lestraráhugaðum, og verður tí eisini um kvøldið í ár Holger Arnbjerg er leiðari á Altjóða Skrivstovuni, og er ein av høvuðsfyrireikarunum til tiltakið Vápnaleiting fullkomiliga miseydnað Hóast løgreglan kannaði heili 686 fólk á Nørrebro í Keypmannahavn um vikuskiftið, vóru bert hendinga vápn funnin. Harav var ikki eitt einasta skotvápn, sum ætlanin við stóra átakinum var. ­ Fólk eru vorðin meira varin við at ganga við skotvápnum uppiá sær og í bilinum, er einasta viðmerkingin Hanne Bech Hansen, løgregluovasti, hevur til miseydnaðu royndina. Tó leggur hon afturat, at tað bert er eitt sera stórt vónbrot, at tey ikki megnaðu at finna nøkur vápn á ófriðargøtuni, skrivar BT.