hósdagur 25. september 2008síða 24

24 vinnan Nr. 184 - 25. september 2008 Ein av forvitnisligu fyrilestrunum, ið verða at hoyra ber yvirskriftina »Hvor originalt – jagten på de gode idéer«, og verður hildin av Liselotte Lyngsø. Hon er útbúgvin og virkandi futurist, stjóri, rithøvdundur og fyrilestrahaldari. Hon er víðagitin runt um og verður nógv nýtt til slíkt tiltøk, bæði í Danmark, aðra staðni í Evropa og í Amerika Hon ber heitið »futurist«, ið ein, ið hevur lisið fram­ tíðarfrøði verður kallaður. Framtíðarfrøði er læran um hvussu fyrritíðarligar hend­ ingar, gongdir, menningar og rák, samanbundið við støðuni í dag, og tí, ið er í væntu, ávirka framtíðina. Á hendan hátt letur tað seg sostætt gera, í ein vissan mun, at spáa um framtíðina. Óvæntaðar og skakandi hendingar gera tað tó ógjør­ ligt at vita við vissu hvat framtíðin ber. Sjálv er hon partnari og framtíðargranskari hjá »Future Navigator ApS«, viðstovnari á »The Innova­ tion Company THNK«, við­ stovnari av »Fahrenheit 212«. Eisini hevur hon verið granskingarleiðari á »Institut for fremtidsforskn­ ing« og verið við í »Brux­ elles Forward Studies«, ið var ein granskingardeild undir EU, 1995­1996. Um­ framt hetta hevur hon verið dómari til stór tiltøk og nevndarlimur fleiri staðni. Á heimasíðuni hjá Future Navigator stendur millum annað skrivað um hana: Hon er ein av teimum mest hugvekjandi og ídnaðustu fólkum, ið tú nakrantíð kanst hitta. Hon letur teg ongantíð standa einsamallan í óvissu – um tú veruliga ert áhugaður í at skapa eina betri framtíð. Future Navigator Saman við Anne Skare Nielsen, stovnaði Liselotte Lynsø í 2003 fyritøkuna, Future Navigator. Málsetn­ ingurin hjá teimum er at skapa nýggj og meiningsfylt hugskot, um hvat er møgu­ ligt í morgin, og umskapa tey til praktisk virði í dag. Tær arbeiða við at vegleiða og hjálpa øðrum fyritøkum og virkjum at skapa nýggj hugskot og eitt arbeiðsum­ hvørvi, ið fær øll at gera teirra besta. Eisini at fáa øll at finna ella skapa teirra egna javnvág millum arbeiði og lív. Men týdn­ ingarmiklast av øllum, at hava tað stuttligt. Starvsfólkið á Future­ Navigator brenna øll fyri at skapa nýggj og virðismikil hugskot, ið verða førd út í lívið. Tí er tað so umráðandi at broyta hvat verður gjørt í dag, fyri at ganga á grønari grasi í morgin. Umskapa framtíðina Fyrilestur hennara verður um endurnýggjan og veið­ uni eftir originaliteti. Ein blanding av ástøði og hennara egnu royndum frá hennara egna virki. Spurd um boðskapin til føroysku virkini, svaraði hon, ­ At tey skulu royna at skapa nakað, sum er nýtt og originalt: Tað vil siga, eina­ standandi og við einum »twist«: Har skal vera sál, tað skal kennast gott í búk­ inum, tað skal fáa fólk at tosa um tað, hvar tey so enn fara, 80% av øllum sam­ skifti er jú slatur. Umframt hetta ynskir hon at tilvita føroysk virki um, at tað er av alstórum týdningi at vør­ an er av góðari góðsku, og passar saman við tí, ið longu er á marknaðinum. Fólk brúka jú ikki pengar uppá nakað nýtt, um tað ikki passar inn í tað mynstr­ ið, ið vit longu hava skap­ að. Í tilvitanini er týdningar­ minkið at virkini eru til­ reiðar at seta spruningar, bæði við tey sjálvi, við tað, ið er frammi og við markn­ aðin. Ein av sterkastu boðskap­ unum, ið kemur fram í ár á Vinnudagnum, er týdning­ urin av, at virki tora at leypa útí ymiskt nýtt, bara fyri at vita og kanna um tað riggar. Nýhugsan og kynstrið at tora, vera í hásæti. Fyrilestur av framtíðargranskara Anne Skare Nielsen