hósdagur 25. september 2008síða 25

25 Nr. 184 - 25. september 2008 Tað er ikki ein spurningur um »enten eller«, hvørt traditionel fígging verður tikin fram um ótraditionella. Men váðin við ótraditionellum, innovativum verkætl­ anum er, alt annað líka, størri, og tað skal ein hava respekt fyri, sigur stjórin í Eik Banka, Marner Jacobsen InnovatIón og fíggIng – Hilmar Simonsen hilmar@sosialurin.fo Sosialurin hevur hitt Marner Jacobsen, stjóra í Eik Banka, og spurt hann, hvussu Eik Banki fyriheldur seg til umsóknir um fígging av innovativum verkætlan­ um. Er innovatión nakað sum kann ræða tykkum sum lán­ gevara? ­ Nei. Men váðin í sam­ bandi við nýggjar óroyndar verkætlanir kann vera stór­ ur, og tað skal man hava respekt fyri. Hvat leggja tit í orðið »innovatión«? ­ Tað snýr seg væl grund­ leggjandi um at gera nakað nýtt, sum ikki er gjørt fyrr ­ ella at forbetra okkurt. Bróta burtur úr nýggjum ­ síggja okkurt frá einum nýggjum vinkli og so fram­ vegis. Um valið stendur ímillum at geva lán til eina traditio­ nella vinnu, til dømis okk­ urt innan fiskivinnu ella handilsskap, ella eina ótraditionella vinnu, til dømis ein softwareframleið­ ara, hvat velja tit so? ­ Tað er ongantíð »enten eller«. Meginparturin av okkara vinnuligu útlánum fer náttúrliga til traditionella vinnu. Men vit veita eisini til innovativar verkætlanir, tá vit sjálvi trúgva uppá hug­ skotið og vinnuliga poten­ tialið í tí. Hvørji minstukrøv seta tit til ein innovativan lánsum­ søkjara, áðrenn tit møguliga kunnu lata fígging? ­ Hann skal hava skil fyri tí hann ger, hann skal hava eina virkisætlan, sum vísir, at verkætlanin kemur at kasta vinning av sær, um hon eydnast, og so skal hann helst vága nakað sjálv­ ur og harvið vísa, at hann trýr uppá verkætlanina. Royndir hava týdning Hevur tað týdning fyri tykk­ um, at ein innovativur láns­ umsøkjari er royndur per­ sónur, ella kann tað eins væl vera ein óroyndur? ­ Ja. Váðin er alt annað líka minni við tí roynda, tí hann hevur roynt tað fyrr og ger tí helst færri feilir. Men avgerandi er hugskotið aftanfyri. Og tað at ein láns­ umsøkjari er óroyndur kann viðhvørt bøtast upp á, við at hann onkursvegna knýtir roynd fólk afturat sær. Hvørji krøv seta tit til eginfígging hjá einum in­ novativum lánsumsøkjara? ­ Tað er individuelt og veldst eisini um váðan í verkætlanini. Kann kravið um eginfígg­ ing ikki vera tálmandi fyri innovativar verkætlanir, tá hugsað verður um, at tað er ikki altíð, at ein persónur við góðum hugskotum, og møguliga góðum lærdómi, eigur nógvan eginpening? ­ Jú. Men um hugskotið er gott nokk ber viðhvørt til at útvega váðafúsan kapital at seta í verkætlanina, eitt nú frá íbirtingarfelagnum Set ella onkrum av íløgu­ feløgunum í Føroyum. Eik Grunnurin eigur sjálvur í íbirtingarfelagnum Set. Í Eik Banka er eisini ein deild, Investment Bank­ ing, sum millum annað hev­ ur til endamáls at hjálpa innovativum lánsumsøkj­ arum at skaffa fígging, um mett verður, at talan er um eina góða og burðardygga verkætlan. Tá ein innovativur láns­ umsøkjari spyr um fígging, seta tit so krøv til: 1) út­ búgving, 2) royndir ella 3) generellar førleikar? ­ Ja, mett verður um før­ leikarnar at fremja verkætl­ anina, herundir útbúgving og royndir. Eisini verður mett um, hvørt umsøkjarin hevur atgongd til førleikar, sum hann ikki hevur sjálvur, til dømis á roknskaparøki­ num, sigur Marner Jacobsen at enda. Marner Jacobsen, stjóri í Eik Banka Eik Banki: Ótraditionellar verkætlanir størri vága »Tað avgerandi er hugskotið aftanfyri« VIT HAVA PRIKKIN, IÐ MANGLAR Í TÍNUM VIRKSEMI CREW.FO | á Hjalla 24, FO-187 Hoyvík | Tel. 66 10 10 | info@crew.fo | www.crew.fo VIT Á CREW.FO HAVA DRÚGVAR ROYNDIR Í AT ÚTVEGA ARBEIÐSMEGI crew.fo hevur drúgvar royndir í at útvega arbeiðsmegi. Vit hava deildir í Pólandi, Rumenia og í Baltikum, og vit hava fólk í arbeiði í øllum Norðanlondum. Vit finna rætta fólkið til rætta starvið.