mánadagur 29. september 2008síða 21

21 [ Nr. 186 - 29. september 2008 ] Bót fyri yvirvekt Venjarin hjá brasilska Vasco da Gama, Renato Portaluppi, hevur fingið nóg mikið av fótbóltsspælarum, sum ikki eru í røttu venjingarstøðuni. Vasco da Gama hevur nú tapt fimm dystir á rað í brasilsku liguni, og Portaluppi er fimti venjarin hjá felagnum í ár. Og hann hevur longu langað neven í borðið. – Tað eru bert tveir mátar at læra spælarar, hvussu teir skulu bera seg at. Antin við at seta teir á beinkin, ella við at geva bót sigur hann. Og longu nú er so greitt, at talan verður um seinna alternativið. Fyri hvørt kilo, sum ein spælari vigar ov nógv, skulu teir nú rinda á leið 750 krónur í bót. Dómarin skyldar brotsspørk Manchester United fekk eitt heldur bíligt brotsspark í dystinum ímóti Bolton leygardagin, og tað gav fyrra United-málið í dystinum.- Eg var kløkkur at hann dømdi brotssparkið, tí frá mínari støðu sá tað út til, at Bolton- spælarin vann bóltin. Men dómarin hevur ikki sæð eini fýra ella fimm brotsspørk, sum vit hava átt í undanfarnum dystum, so hann skyldar okkum framvegis eini fýra brotsspørk, segði Alex Ferguson eftir dystin. Fyri aðru ferð í ár vunnu væl skipaðu toftamenninir fulla úrtøku ímóti illa sperda KÍ Fótbóltur Jóannes Hansen Joannes@sosialurin.fo B68 hevur takið á klaksvík- ingum. Tað siga tølini. Í fyrsta umfari eftir summar- steðgin vann B68 1-0 í Klaksvík, og leygardagin var talan um endurtøku í nógva vindinum, sum lá upp á tvørs av vøllinum. Vindurin darvaði sjálv- andi nógv, men serliga í 1. hálvleiki var tað eyðsýnt, hvussu nærlagdir spælarar- nir vóru í royndini at halda bólin á jørðini og at spæla og ikki at sparka. Nógvir KÍ stuðlar høvdu leitað sær út á Svangaskarð, og teir noyddust til hús aft- ur við ongum. Stigini stakk heimaliðið avstað við, og spurningurin, hvussu tað verður næsta kappingarár hjá klaksvíngum, er fram- vegis ósvaraður. At uppflytararnir í B68 eisini í 2009 verða partur av bestu deildini er einki at ivast í. Spurningurin er nú, hvussu høgt skipaða liðið megnar at toga seg upp. Einasta málið varð skorað miðskeiðis í 2. hálvleiki. Eftir B68 hornaspark úr høgru datt bólturin niður mitt fyri málinum, har mið- verjin Ovi Nysted var so óheppin við høvdinum at stýra hann í sítt egna mál. Málið og sigurin vóru nátúrlig avleiðing av gongd- ini í 2. hálvleiki. Tá var heimaliðið greitt omaná, og undan sjálvmálinum høvdu í hvussu so er tvær støður verið, har tað var heilt óheppið, at bólturin ikki fór í málið. B68 spældi seg ofta ígjøg- num í høgru, har Dánial Pauli Højgaard legði inn- fyri. Eftir innlegg til hand- ara stólpa smekkaði Øssur Hansen til úr stuttari fjar- støðu, men Jákup Mikkelsen bjargaði framúr væl, og eftir innlegg úr høgru stýrdi innskifti Jóan Símun Edmundsson bóltin á nærra stólpan. Eftir leiðslumálið royndi B68 at halda fram í sama lagi, og hóast KÍ spenti álopsbogan við at flyta Ova Nysted úr miðverjuni og fram í álopið, so var tað meiri tyngd og broddur í snarálopunum hjá heima- liðnum, enn tað var í hinum endanum. Orkan gekk undan Støðan í Klaksvík er trupul, og tað er ikki betri av, at álopsvápnini, sum ætlanin hevur verið at brúka, ikki eru tøk. Rógvi Jacobsen var als ikki á vøllinum. Nyttan, ið er fingin burturúr lands- liðsspælaranum, sum fyrr í summar flutti heim úr Nor- egi fyri at fáa barndómsfel- agið á føtur, hevur higartil verið millum lítil og eingin. Rodrigo varð settur inn longu miðskeiðis í 1. hálv- leiki. Hann hevur nógvar dygdir, men tað var týðuligt, at hann er ikki hundrað pro- sent, og hann tóktist ikki hava førleika at vísa skjót- leikan og tøttu dragingarnar, sum fyrr á árinum bóru við sær, at hann var vanda- mikil. Veteranarnir Jan Andrea- sen og Allan Joensen fyltu væl á sentrala miðvøllinum, men felags fyri bláa kollekt- ivið var, at tað eftir steðgin kendist torført hjá teimum at fylgja við, tí mótstøðu- menninir vóru skjótari í fatan og rørslu. Í 1. hálvleiki hevði Stefan Kalsø ein møguleika eftir framlegging úr vinstru, men stútarin fór upp um málið, og tað var tað. Hongur væl saman B68 hevur ment seg til at vera framúr væl skipað í verjupartinum. Brandarnir í miðverjuni og vongverjin í høgru gera ikki uppgávuna torførari, enn hon er. Øssur Hansen nýtir alla sína rut- inu í vinstru, miðvøllurin arbeiðir hart og miðvíst, og so ger tað ógvuliga stóran mun, at tað í fremstu røðu eru spælarar, sum megna so nógv einsamallir. Brian Andersen dugir væl við bóltinum, og hann flytir seg nógv. Keita man vera ein tann besti álopsspælarin í landinum. Hann er framúr skjótur, og tað var støðug hóttan fyri KÍ verjuna, tá ið Keita bjóðaði av. Fleiri ferðir var um repp- ið, at tað spurdust mál burt- urúr. Jákup Mikkelsen var góður í KÍ málinum, og toftamenn kunnu væl liva við, at sigurin gjørdist 1-0! B68-KÍ 1-0 (0-0): B68 hevur takið á klaksvíkingum KÍ B68 Hóast líkindini ikki vóru nakað serlig, so royndu báðir partar av halda bóltinum á jørðini Mynd: Álvur Haraldsen