mikudagur 1. oktober 2008síða 8

8 tíðindi Nr. 188 - 1. oktober 2008 Sangarar úr Marsdal vitja Í einum gomlum dekshúsi av fregattini Ingolf hittast limirnir í „Marstal Småborgerlige sangforen­ ing“ hvønn týsdag til venjingar. Kravið, at gerast limir, er at tú hevur sjófartsbók. Sjógvurin er bindiliðið og tað hoyrist eisini á sangunum, nógvir góðir gamlir sjómanssangir, bæði danskir og enskir og nógv onnur góð løg. Kórið hevur ikki kórleiðara og syngur ikki fleirraddað, skuldi tað komið fyri, so er tað av tilvild. Sangfelagið hevur givið út tríggjar fløgur, ið tilsamans hava selt útvið 20.000 eintøk. Umframt fløguútgávur hevur felagið luttikið á shantyfestivalum og stevnum og hevur ferðast víða, bæði í Danmark, Týsklandi, Írlandi, Skotlandi og Isle of man. Føroyaferðin er fyriskipað av Heina Hestoy, ið er forsangari og ein av stovnarunum av teimum “smáborgarligu”. Á Føroyaferðini eru 25 sangarar. Vitjað verður í Leynum, í Havn og á Tvøroyri. Útferðir verða við Norðlýsinum. Haraftrat verður nógvur sangur og fleiri framførslur, millum annað verður sungið í SMS leygardagin 4. oktober klokkan 13. Nú endaliga er sam­tykt at Mið- og Sandavágs kom­m­- unurnar leggja sam­an til Vága Kom­m­unu eru tilsam­ans tvær kom­m­unur á oynni. Men ikki er líkt til at Sørvágs kom­m­una fer uppí sam­starvið, uttan so at broytingar kom­a frá Landsstýrinum­ Kommunal­ politiKKur Bergur Johannesen bergur@sosialurin.fo Borgarstjórin í Sørvágs Kommunu, Jákup Suni Lauritsen sær jaligt uppá samstarvið millum hinar báðar kommunurnar, men metir ikki hesa tilgongdina vera tí røttu fyri Sørvágs Kommunu í verandi løtu. Tað er umráðandi at ikki bara hyggja eftir vansum, við at vera fyri seg sjálvan, men eins týdningarmikið er at vita hvørjir fyrimunirnir veruliga eru, greiddi hann frá. – Hinar báðar komm­ unurnar hava longu nógv samstarv og nóg, ið tær eru saman um, so sum skúli og sløkkilið, hetta er ikki støðan hjá Sørvágs Komm­ unu, greiddi hann frá. Hann helt at samanleggingin var ein heilt náttúrlig tilgongd. Møguliga einaferð Í verandi líki er ikki nógv hjá Sørvágs Kommunu at fara eftir í eini samanlegging. Nógv samstarv er longu til hinar kommunurnar, og hann metir tað ikki vera nøkur orsøk til at hetta ikki skuldi hildið fram. Lítlu bygdirnar, Bøur, Gásadalur og Mykines eru komnar uppí og nú telur kommunan tilsamans 1.200 fólk, og tørvur er ikki á fleiri saman­ leggingum í løtuni. Men ein samanlegging er í eygsjón. Jákup Suni Laur­ itsen legði stóran dent á, at, um ein verulig orsøk kemur til sjóndar, kemur málið av álvara aftur upp at venda. – Eg vænti ikki at Landsstýrið leggur stóru funktiónirnar út til kommunurmar um tvey ár, segði hann svart­ skygdur. Men um hetta skuldi hent, hevði ein veru­ lig orsøk verið hjá Sørvágs Kommunu at farið uppí. Annika Olsen, landsstýris­ kvinna í innlendismálum hevur boða frá, at virkandi frá 1. januar 2011 verða bygnaðarbroytingar í komm­ ununum. Hetta merkir at kommunurnar fáa blokk­ stuðul og somuleiðis fleiri málsøki at umsita. Umframt hetta er ætlanin at einans sjey kommunur skulu vera í Føroyum um góð tvey ár. Eingin fólkaatkvøða Sørvágs Kommuna hevur ikki valt at ikki fara uppí, teir hava líka so lítið valt at fara uppí. Um kommunan skuldi halda eina gongd fram móti samanlegging, var uppi og vendi á fundi, men uppskotið kom ikki ígjøgnum. Eingin fólka­ atvøða hevur verið í Sør­ vágs kommunu, so sigast kann ikki at fólkið hevur tikið avgerðina. Ikki tað rætta fyri Sørvágs Kommunu Nýggja sam­gongan fevnir ikki um­ Tjóðveldisflokkin, og hetta m­erkir at Høgni Hoydal kann seta seg á sítt pláss á Fólkatingi, sum­ hann fekk í 2007. Sjúrður Skaale hevur sitið har síðan CHE- sam­gongan varð skipað í februar í ár politiKKur Bergur Johannesen bergur@sosialurin.fo Eftir samgongan, har Høgni Hoydal slapp at vera við, slitnaði hevur tað staðið honum í boði at sessast á Fólkatingi. Hann var inn­ valdur á valinum í 2007, men hevur rikið politiska arbeiðið í Føroyum. Nú nýggj samgonga enda­ ligt er skipað fer hann til Danmarkar at røkja plássið har. Men hevur enn ikki av­ gjørt nær hann fer til arbeiðis har. – Eg fari um eina tíð, havi fyrst nøkur viðurskifti, ið eg má hava avgreidd her heima, segði hann. Farloyvi uttan løn Tað stendur føroyskum pol­ itikkarum, ið mugu fara í farloyvi vegna politiskt virk­ semi at fara við løn. Ávísir politikarar hava gagnnýtt hetta, tá orsøkinum hevur verið at eittnú røkja fólka­ tingssessir. Spurdur um hann fór at gera so við, svar­ aði hann, sum hann áður hevur gjørt greitt, at hann ynskir ikki at gera tað. Hann velur sostætt at fara uttan at fáa tvífaldaða løn. Hetta er ein avtala í øllum flokkinum, at tey ikki taka ímóti báðum lønunum samstundis. Fólkatingsgrunnurin Umframt at ikki fáa tvífalda løn er ein avtala gjørd í Tjóðveldi um at lata 20% av Fólkatingslønini, um ein røkir tvey størv, í ein grunn. Fólkatingsgrunnurin, sum hann eitur, verður nýttur til kunning og fremjandi átøk fram móti sjálvstýri. Limir Tjóðveldisins, ið hava verið í hesi støðu, og hava latið í grunnin, eru Høgni Hoydal, ið hevur váttað, at hann eis­ ini hesu ferð fer at lata pen­ ing, og Torbjørn Jacobsen. Peningurin, ið nú er í grunn­ inum, verður í fyrstu atløgu nýttur, til at skriva søgu flokksins. Fólkatingið fær Høgna Høgni Hoydal fer á Fólkating eftir at hava avgreitt nøkur viðurskiftir Borgarstjórin í Sørvágs Kommunu metir hvørki tað vera fyrimunir ella vansar hjá teimum at koma uppí nýggju stóru kommuna