fríggjadagur 3. oktober 2008síða 22

22 Nr. 190 - 3. oktober 2008 tíðindi Tríggir høvundar, ein teknari og ein sjáldsom eldsál vórðu í gjár heiðrað, tá M.A.Jacobsens virðis­ lønirnar og Barnabóka­ heiðursløn Tórshavnar Býráðs vórðu handaðar í gjár Mentan Anna V. Ellingsgaard anna@sosialurin.fo Myndir: Jens K. Vang Munagóðar peningagávur og heiðurslønir til føroysk mentafólk hoyra til heldur sjáldsomu hendingarnar á føroyska mentan­ arpallinum. Tí var tað ein forkunn­ ug løta, tá heili fimm føroysk mentafólk, umframt heiðurin, fingu hvør sín gávukekk á 35.000 krónir, tá M.A.Jacobsens virðir­ lønirnar og Barnabókaheiðursløn Tórshavnar Býráðs vórðu handað­ ar í Mullers Pakkhúsi í gjár. Skarað framúr Uttan iva fullu virðislønirnar eisini á eitt turt stað, tí sum teknarin Hanni Bjartalíð lat heilsa úr Finlandi, tá hann fekk Barna­ bókaheiðurslønina ­ Nú byrjar tað at líkjast eini mánaðarløn. Eisini rithøvundurin Marjun S. Kjelnæs, ið eisini fekk heiðurslønina fyri barnabók­ mentir, minti á, at tað ikki er nokk, bara at frøast um slík avrik, tí uttan peningaligan stuðul og góðar arbeiðsumstøður ber illa til hjá rithøvundum og øðrum at halda á við sínum arbeiði. Annars var løtan í Mullers Pakk­ húsi eisini eitt fínt høvi at minna á, hvørji mentanar avrik hava skarað framúr á føroyska mentan­ arpallinum hetta seinasta árið. Umfram Barnabókaheiðursløn­ ir Tórshavnar Býráðs, vóru eisini tær tríggjar M.A. Jacobsens virðis­ lønirnar handaðar í gjár. Tað gjørdist Sólrun Michelsen, sum fekk M.A. Jacobsens virðisløn fyri fagrar bókmentir fyri bókina Tema við slankum, meðan M.A Jacobsens virðislønin fyri yrkisbókmentir fór til Hanus Kjølbro fyri bókina Veðurlæra. M.A. Jacobsens virðislønin fyri mentanaravrik fór í ár til Onnu Kirstin Thomsen fyri hennara virksemi í bygningunum hjá kongaliga einahandlinum á Tvøroyri Mentanin heiðrað Sólrun Michelsen fekk virðisløn M.A. Jacob­ sens fyri fagrar bók­ mentir 2008 fyri bókina Tema við slankum frá 2007. Bókin er á nógvar mát­ ar øðrvísi enn tað, vit annars síggja í føroysk­ um skaldskapi. Og høv­ undurin fjaldi heldur ikki yvir, at hon hevði havt ilt vit at meta um, hvørt hon var á rættari leið við bókini. ­ Tí hevur hendan virðislønin nógv at siga fyri meg í tann mun at hon gevur mær áræði at halda fram, segði hon. Og júst hetta, at høvundurin gongur sínar heilt egnu leiðir, taldi nógv í metingini hjá dómsnevndini, hvørs grundgeving ljóðaði soleiðis. Sum fyrsta roynd høvundans at skriva til vaksin ber hendan skald­ søgan boð um, at før­ oyskar bókmentir við Sólrun eru á ótroddum leiðum. Í frásøgn um gerandisdagin hjá einari gentu í rembingar­ og broytingartíðum í fimm­ tiárunum lýsir skaldsøg­ an modernaðu Føroyar frá einari síðu, sum vit ikki hava fingið lýsta áður. Sólrun letur fínliga í orð tað ósigiliga og við­ brekna, sum ofta verður skúgvað til viks og burturtrongt, tí tað er tru­ pult at seta orð á og sárt at viðurkenna. Samanumtikið hevur tað eydnast Sólrun Michelsen framúr væl at lýsa skuggasíðu manna­ lívsins í einum listaliga væl úr hondum greiddum verki við fjøltýddari søgugongd og mosaikk­ kendari bygging. Virðisløn M.A.Jacobsens fyri mentanaravrik í ár fór til Anna Kirstin Thomsen fyri kveikjandi virksemi hennara í bygningunum hjá Kongaliga einahandili­ num á Tvøroyri Í grundgevingini segði dómsnevndin millum ann­ að, at Anna Kirstin er eldsálin, sum lívgar og ríkar, har hon virkar. Tað veri seg innan tónleik, undirhald, ella tá ið hon lærir fólk kring landið at dansa. Við áhaldni og hugflo­ gi, skynsemi og stórsinni hevur Anna Kirstin tikið stig til at umvæla, varðvei­ ta og lata upp dyrnar til ein týðandi part av ment­ anararvi okkara: bygning­ arnar hjá Kongaliga einahandlinum á Tvøroy­ ri. Um hesar karmar er sprottin ein søguligur og nútímans mentanarpallur og eitt livandi ungdóms­ hús. Her stíga føtur, ið und­ an fóru, inn aftur í ringin, og saman trína vit dansin inn í framtíðina. Sólrun Michelsen á egnum leiðum Gevur mentanar­ arvinum nýtt lív