mikudagur 22. august 2001síða 9

Nr. 160 • mikudagur • 22. august 2001 • 75. árgangur • www.sosialurin.fo Danska unglingalandsliðið fekk bronsu í HM- kappingini, sum varð spæld herfyri BRIDGE Bogi Simonsen og Arnbjørn Sivertsen Í døgunum 6-15. august var unglinga HM í bridge spælt í Brasil. Norðurlond vóru umboðað av Noregi og Danmark, og megnaði Danmark at enda á triðja sæti. Úrslitið í innleiðandi umfarinum, har øll liðini spældu ein dyst móti hvørjum (round robin), var hetta: 1 USA1 324 2 Thailand 290 3 Danmark 282,5 4 Ísrael 282 5 Kina 275 6 Noreg 271 7 Niðurlond 270 7 Kanada 270 9 Argentina 270 10 Frakland 266 11 Australia 256,5 12 Brasil 251,5 13 USA2 235,5 14 Egyptaland 223 15 Kin. Taipei 208 16 CAC 190 17 Ný Sæland 159 Fýra tey fremstu komu í semifinalurnar. Nevnast kann, at einastu ferð í hesi jøvnu og spennandi kappingini Dan- mark taldist millum fýra tey fremstu, var eftir 17. og sein- asta umfar! Í finaluna komu USA og Ísrael, meðan Danmark skuldi spæla um bronsumedaljurnar ímóti Thailandi. Úrslitini vóru: Finalan: USA1 – Ísrael 262 – 156 imp Bronsudysturin: Danmark – Thailand 191 – 123,5 imp Vit ynskja donsku frændum okkara hjartaliga tillukku við úrslitinum. Eitt spæl Í Bulletin 1 frá HM kappingini fyri unglingar stóð hendan uppgávan: Gevari: Norður Í hættu: E-V Norður Q4 63 AKJ109 AKJ10 Vestur AK10953 A10 84 872 V N E S - 1rú pass 1hj 1sp 3kl pass 3hj pass 3sp pass 4hj pass pass pass Tú tekur fyri sp ess og kong, og makkarin spælir fyrst sp2 og síðan sp8, sum eftir tykkara avtalum lovar eitt ólíka tal. Sært tú nakran møguleika at seta kontraktina? Soleiðis sá alt spælið út: Norður Q4 63 AKJ109 AKJ10 Vestur Eystur AK10953 J82 A10 J4 84 7532 872 9643 Suður 76 KQ98752 Q6 Q5 Tú sært tað kanska nú? Vestur má spæla enn ein spaðara til dupult renonce hjá spælførara. Tá hann kemur inn uppá trumfess, spælir hann fjórðu ferð spaðara, so makkarin kann trumfa við dreinginum. Nú geva hj10 mótspælinum tað fjórða stikkið, og kontraktin fer niður. Kanska hevur tú ein so góðan makkara, sum eisini sær eina trumffremjing sum einasta møguleika at seta kon- traktina, so hann í teimum báðum fyrstu stikkunum mar- kerar doubleton fyri at tryggja sær, at tú spælir spaðaran triðju ferð! Feløgini byrja aftur Annars nærkast tíðan, tá feløgini aftur byrja við teimum regluligu spælikvøldunum. Hevur tú funnið tær ein makk- ara til veturin? Bronsa til Danmark Dystir komandi vikuskiftið Í blaðnum í gjár restaði dystaryvirlitið fyri fótbóltslandskappingina til komandi viku- skiftið. Dómarayvirlitið er nú tøkt, og verða dystirnir hesir 1. deild menn 26.08 GÍ-VB Lassin Isaksen 26.08 KÍ-B71 Birgir Sondum 26.08 HB-NSÍ Niclas á Líðarenda 26.08 B68-EB/S Suni Johansen 26.08 FSV-B36 Páll Augustinussen 2. deild menn 25.08 Skála-LÍF Dagfinn Olsen 25.08 NSÍ-KÍ Erling Eysturoy 25.08 HB-Sumba Jógvan A. Jacobsen 25.08 ÍF-TB Petur Hansen 25.08 GÍ-B25 Jón Kári Frederiksen 3. deild menn 26.08 GÍ-VB Edvard Højgaard 26.08 KÍ-B71 Jógvan A. Jacobsen 26.08 AB-Royn Georg N. Rasmussen 26.08 B68-TB Dia Lamhauge 26.08 ÍF-B36 Jónleif Gerðisá 1. deild kvinnur 26.08 KÍ-VB Berint Andreasen 26.08 B68-HB Dan Højgaard 26.08 B71-B36 Laurits í Króki Svend Novrup vitjar í Føroyum Bridgesambandið fær í næstum vitjan av navnframa danska bridgespæl- aranum, sum eisini fer at halda skeið BRIDGE Bogi Simonsen og Arnbjørn Sivertsen Navnframi blaðmaðurin, telvarin og bridgespælar- in, Svend Novrup vitjar í Føroyum í døgunum 29. august til 4. september. Vitjanina hava Eyðun An- thoniussen og nevndin í FBS fingið í lag. FBS skipar fyri ymsum skeiðum saman við Nov- rup í samband við vitjan- ina. Hetta verða skeið fyri tann vanliga bridgespæl- aran, fyri nevndarlimir og so eitt eitt skeið fyri teir meir ambitiøsu spælarar- nar, har tosað verður um landsliðsarbeiði. Skeiðini verða øll í Bridgehúsinum í Havn. Skráin verður henda: Hóskvøldið 30. august kl 19 Skeið fyri nevndarlimum, kappingarleiðarum og øll- um, sum hava áhuga fyri umsiting og røkt av einum bridgefelag. Tosað verður m.a. um kappingarformar, og hvussu arbeiðast kann við at fáa stuðlar til eitt felag. Kostnaðurin fyri hetta skeiðið er kr. 100,- fyri hvønn – skeiðstilfar og kaffi íroknað. Fríggjavøldið 31. august kl 19 – 23 og leygardagin 1. september kl 13 – 22 Skeið fyri allar bridge- spælarar. Hetta skeiðið fer mest at snúgva seg um meld- ingar og spæliteori. Ser- ligur dentur verður lagdur á doblingar, innmeld, víð- ari meldingar og mót- spælsteori. Løgd spøl verða spæld. Kostnaðurin tilsamans fyri báðar dagarnar er kr. 300,- fyri hvønn luttak- ara. Íroknað er skeiðstil- far, kaffi, køkur og spæli- gjald fyri kappingina sunnudagin. Sunnudagin 2. september kl. 14 Opin parakapping í Bridgehúsinum. Mánakvøldið 2. september og týskvøldið 3. september kl. 19 Skeið fyri landsliðsáhug- aðum spælarum – menn, kvinnur og unglingar. Evnini verða m.a. tann mentala fyrireikingin til kappingar og gjøgnum- gongd av meldisystemum hjá teimum einkultu pør- unum. Allir áhugaðir bridge- spælarar eru vælkomnir til skeiðið – eisini teir sum ikki her og nú ætla sær á landsliðið. Skeiðið er ókeypis. Tilmelding til okkurt av hesum skeiðunum hjá Eyðuni Anthoniussen tel 218585 ella 448166 og hjá Marjun Restorff tel 319142 skjótast gjørligt. Avmarkað luttøka til øll skeiðini. 17 16 Nr. 160 - 22. august 2001 - Tað hevur avgjørt týdning, at fólk sum arbeiða innan sama øki hittast, sigur Zakaris Hansen, sam- skipari av ráðstevn- uni um orðabóka- frøði, sum er í Norð- urlandahúsinum ORÐABÓKARÁÐSTEVNA Turið Kjølbro Í dag byrjar norðurlendsk ráðstevna um orðabóka- frøði í Norðurlandahús- inum. Føroyamálsdeildin á Fróðskaparsetrinum skipar fyri ráðstevnuni saman við Norðurlendskum felag fyri orðabókagerð og Málráð Norðurlanda. Eini 130 fólk úr norðurlondum og ein- støk úr øðrum londum taka lut. Tað hevur ivaleyst týd- ning fyri orðabókagerð í Føroyum, at ráðstevna í orðabókafrøði verður hildin í Føroyum. Eyðsæð er orðabókagerð ikki løtu- verk, men tað at stór norð- urlendsk ráðstevna um orðabókagerð verður hildin í Føroyum og ikki minst, at Mentamálastýrið hevur sett eitt veruligt framtak fyri orðabókagerð í gongd, fer uttan iva at føra við sær, at vit fáa fleiri orðabøkur millum føroyskt og onnur mál. Okkum tørvar nógvar orðabøkur, og hækkingin á løgtingsins fíggjarlóg bendir á, at fleiri fara at koma. - Tað er ringt at máta, hvat ítøkiligt kemur burtur úr eini ráðstevnu sum hes- ari, men tað hevur avgjørt týdning at fólk sum arbeiða innan sama øki hittast, sigur Zakaris Hansen, sam- skipari av ráðstevnuni. Ráðstevna um orða- bókafrøði hevur síðani 1991 verðið hildin annað hvørt ár. Hetta er tann sætta í røðini og tann fyrsta, sum verður hildin í Føroyum. Endamálið hjá norður- lendska orðabókafelagnum er at fremja skipað sam- skifti og samstarv í Norður- londum á orðabókafrøði- liga yrkisøkinum. Hyggja vit at skránni fyri ráð- stevnuna, sum er rættiliga drúgv og umfatandi, sæst, at eitt nú tøknin stendur frammalaga. Ein fyrilestur er eitt nú um framtíðarinnar orðabók. Í evni fevna fyri- lestrarnir um bæði ástøði- liga og verkliga orðabóka- frøði í Norðurlondum. Støði verður tikið í orða- bókaverkum, sum eru út- komin, og ymiskt í verk- ætlanum, sum eru ávegis. - Hvussu nýggj tøkni og tradisjónelt orðabókaar- beiði verður sameinað er eisini ein áhugaverdur spurningur, sigur Zakaris Hansen. Nakrir føroyingar halda fyrilestur, eitt nú Jógvan í Lon Jacobsen, málfrøðing- ur, sum fer at røða um orða- bókafrøði og terminologi. Johnny Thomsen fer at greiða frá russisk-føroysku orðabókini hann er í holt við, og Kirstin Didriksen, frá lærda háskúlanum í Gøteborg, heldur fyrilestur um kynsperspektivið í føroyskum orðabókum. Ulf Timmermann, studenta- skúlalærari, fer at tosa um arbeiðið við føroysk-týsku orðabókini, hann er í holt við at gera, Gianfranco Contri, sum arbeiðir á Føroyamálsdeildini, sigur somuleiðis frá arbeiði sínum við føroysk-italsku orðabókini, hann arbeiðir við. Heitið á fyrilestri, sum Anna Braasch frá lærda háskúlanum í Keypmanna- havn heldur er: Er munur á Føroyum og Filipsoyggj- unum?, og Valerij Berkov frá lærda háskúlanum í Sankta Pætusbrog heldur fyrilestur um føroyska orð- abókgerð. Hópin av øðrum fyrilestrum eru á skránni. Á Føroyamálsdeildini ar- beiða fólk við eini føroysk- danskari orðabók, eini ný- útgávu av teirri hjá Christian Matras, sum kom út fyri nógvum árum síð- ani. Eisini ein fakorðabók millum annað við orðum innan oljuvinnu er í gerð á Føroyamálsdeildini. Ar- beiðið er komið væl áleiðis, men hevur ligið stilt vegna vantandi fígging. Orðabókafrøðingar hittast Vandi er fyri, at virð- ismiklu pappírsklipp- ini eftir William Heinesen fara fyri skjeyti, um vit lata standa til. Tískil hev- ur Listasavn Føroya tikið stig til at fáa ein pappírskonservator til Føroya at eftir- hyggja og umvæla hesi klipp LIST Turið Kjølbro Pappírsmyndirnar hjá Williami Heinesen eru virðismikil mentanargripur. Men pappírsmyndir hava tíverri avmarkaða livitíð, um tær ikki verða eftir- hugdar og umvældar. Tískíl hevur Listasavn Føroya gjørt eina ætlan um, hvussu hesi pappírsklipp eftir William Heinesen kunnu verða bjargað. Avtala er gjørd við danska pappírs- konservatorin Tine Johannesen, sum 1. sep- tember kemur til Føroya í tveir mánaðir at arbeiða við klippunum hjá Williami Heinesen burturav. Heine- sens Hús er latið til enda- málið og fólk, sum eiga hesi klipp, kunnu venda sær til Listasavnið. Konservatorurin kann vanliga ikki endurskapa eina mynd, ið er farin, men hann kann tálma ella steðga niðurbrótingini við at beina burtur tað skaðiliga límið og seta annað á í staðin, festa pappírsfláirnr, slætta og hampa um klippini og stegða skaðiligum smáver- um. Eigararnir kunnu eisini fáa ráðgeving í, hvussu klippini eiga at verða handfarin fyri at verja tey ímóti niðurbróting. Kendu klippini eftir William Heinesen eru nú vorðin 20-30 ára gomul. Flestu teirra eru í rættiliga ringum standi, og vandi er fyri, at hendan tjóðarogn fer fyri skjeyti, um vit lata standa til, sigur Bárður Jákupsson, leiðari á Lista- savni Føroya í tíðinda- skrivi. - Litirnir blikna og pappírið moyrnar. Serliga er tað límið, sum er sera óheppið. Sýra í líminum etur seg sum frá líður ígjøgnum pappírsfláirnr. Skulu verkini varðveitast til eftirtíðina, mugu tey undir serkøna konserveringshond skjótast til ber. Meginparturin av lit- klippunum eftur William Heinensen er eginogn. Klippini hanga í stovum víða hvar um landið. Tey, ið eiga slík klipp, hava nú møguleikan at fáa gripirnar eftirhugdar og umvældar. Mong klipp eru uttanlands. Listasavnið heitir á fólk, sum vita um eigarar í út- legd um at boða frá so hesi eisini verða umvæld. Klipp eftir William Heinesen bjargast - Hvussu nýggj tøkni og tradisjónelt orðabókaarbeiði verður sameinað er ein áhugaverdur spurningur, sigur Zakaris Hansen, sum vegna Føroyamálsdeildina samskipar ráðstevnuna Tey, ið eiga klipp eftir William Heinesen, hava nú møguleikan at fáa tey eftirhugd og umvæld. Pappírsklipp »Lív« eftir William Heinesen frá um 1975, privatogn C M Y K 16