fríggjadagur 3. oktober 2008síða 19

Nr. 190 • 3. oktober 2008 Vikuskifti 19 Farvæl Jan Müller jan@sosialurin.fo myndir: Jan Müller Tað var ein lívlig men kensluborin løta, tá Jóannes Eidesgaard, løgmaður segði farvæl í Tinganesi á middegi seinasta fríggjadag, eftir skjótt fimm ár í landsins hægsta embæti. Borðreitt var við øllum góðum, tá starvsfólkini á løgmansskrivstovuni og Jóannes Eidesgaard settust til borðs. Høvi varð at siga nøkur orð, og okkurt tárið hómaðist í eygnakrókum. Løgmaður takkaði fyri hesa tíðina hjá sær í Tinganesi og ynskti sínum starvsfólki góða eydnu við nýggja arbeiðsgevaranum Kaj Leo Johannessen. Hann fór so heldur ikki tómhentur heim. Starvsfólkini góvu fráfarandi arbeiðsgevaranum serstaka parkeringskivu við ísskravara í gávu. Kensluborin fráfaringarløta í Tinganesi Jóannes Eidesgaard, løgmaður saman við sínum starvsfólki til seinastu máltíðina í Tinganesi Fráfarandi løgmaður fekk parkeringsskivu við ísskravara í fráfaringargávu Jóannes Eidesgaard, her saman við trimum øðrum javnaðarløgmonnum í Tinganesi