hósdagur 23. august 2001síða 4

6 Nr. 161 - 23. august 2001 Nr. 161 - 23. august 2001 7 TÍÐINDASKRIV Fríggjadagin 2001, kemur útbarnafløga, ið nevnist: »Eg eri ein K«. »Eg eri ein K« er ein fløga við 12 barnasangum, sum verður at fáa í sølu- búðum kring alt landið fyri einans 139,- kr. Flestu av hesum 12 sangunum, eru sangir, sum bæði børn og vaksin kenna frá sunnudagsskúlanum, barnamøtum og barna- legum. Sum dømi kunnu vit nevna: »Pætur út á vatnið gekk«, »Ein vísur maður«, »Eingin so kann síni varða«, »Ansa eyga lítla«, og »Ja, Jesus elsk- ar«. Tó er talan um onkra nýggja týðing, Brita á Váli Smith hevur týtt sangin »Tá eg sum barn« eftir svianum Gøte Strandsjø. Sangurin er væl kendur frá fløguútgávuni við vøgguvísum hjá kendu svensku sangarinnuni Carolu. Ungu sangarnir, sum eru 10-13 ár, eru gentur- nar sum manna gentukórið í Ebenezer, sum hevur verið undir leiðslu av Onnu D. Háberg seinastu tvey árini. Tó syngja tveir dreingir eisini við á hesi út- gávuni. Talan er um Kristin R. Mouritsen og lítla Hjørt P. Háberg. Genturnar, ið syngja við á útgávuni, eru: Beinta Andreassen, Simona Heinesen, Simonika Hammer, Anna í Kálvalíð, Jóna Gunnnarsson, Hellen Haraldsen, Jórun Krett, Halla Áargarð, Gunnvá Áargarð, Barbara Røsvik, Kristina á Váli, Beinta Svensson, Súsanna Nielsen og Guðrun P. Háberg. Anna D. Háberg syngur sjálv við í trimum sangum, og Vilhelm H. í Skálanum syngur við í tí eina. Svend Aage Drewsen, sum upprunaliga tók stig til hesa verkætlan, hevur staðið fyri tónleikinum til 9 av teimum 12 sangunum, og er her talan um glaðan rútmiskan tónleik, og ikki kann sigast annað, enn at tað hevur eydnast honum, at lata hesar gomlu sangir og kór í ein spennandi, nýggjan búna. Regin Guttesen hevur skipa fyri tónleikinum til 2 sangir, og eru hesir, Regini líkt, meiri friðaligir, og Jan Zachariassen hevur við hepnari hond tikið sær av vakra sanginum »Eingin er sum tú«. JakZac studio í Havn hevur verið karmur um upptøkurnar, sum eru gjørdar í vár. Svend Aage Drewsen, Anna D. Háberg og Pætur H. Háberg hava lagt sangirnar tilrættis og staðið fyri ljóðblandingini. Hesi trý hava eisini gjørt kápuna til fløguna. Leygardagin 25. august kl. 12.00, verður høvi hjá børnum og vaksnum at hoyra sangirnar úr »Eg eri ein K« uppi í handlinum hjá BR-leikum á Smyrilsvegi 7. Absalon Áargarð og kendu »dukkudreingirnir« vera við. Leygardagin 1. septemb- er fáa fólk í Eysturoynni høvi at hoyra sangir úr »Eg eri ein K« uttanfyri »Brotið« í Saltangará. Byrjað verður kl. 14.00. Leygardagin 29. sep- tember vera sangir úr fløg- uni at hoyra á Torginum í SMS. Í samband við útgáv- una, er gjørd ein heimasíða á alnetinum, ið nevnist: »www.eg-eri-ein-k.com«. Útgevarnir meta sangirnar á »Eg eri ein K« at vera dýrgripir, sum kunnu vera bæði ein gleði og signing fyri børnini. Fløgan verður eisini eitt gott høvi hjá vaksnum fólki, at lýða á sangskattin frá barnaárun- um. Eg eri ein Kristin Politisk semja er fing- in í lag við danir um, at Skipaeftirlitið skal undir føroyskt máls- ræði. Tí eru yvirtøku- samráðingarnar nú komnar niður á em- bætisstøði. Í gjár fóru føroysk embætisfólk til Danmarkar at samráðast um prak- tisk og lógarteknisk viðurskifti viðvíkj- andi yvirtøkuni YVIRTØKA John Johannessen Føroyingar sleppa at yvir- taka Skipaeftirlitið við hjálp frá dønum. Hetta lyftið hevur Jørgen Niclassen, landsstýrismað- ur í fiskivinnumálum, fingið frá danska vinnu- málaráðharranum, Ole Stavad, sum varar av Skipa- eftirlitinum. Og tí eru føroyski lands- stýrismaðurin og danski ráðharrin vorðnir samdir um, at tað ikki longur er neyðugt hjá teimum báðum beinleis at taka lut í sam- ráðingunum um yvir- tøkuna. Í staðin skulu em- bætisfólk hjá báðum pørt- um fáa greiðu á praktisku og lógarteknisku viður- skiftunum, ið fylgja við yvirtøkuni av Skipaeftir- litinum. Arbeiða við fullum seglum Mikudagin fóru embætis- fólk úr Fiskimálastýrinum til Danmarkar á fund við embætisfólk hjá danska vinnumálaráðharranum. Tey skuldu fundast seinna- partin mikudagin og hós- dagin. Heimafturkomin skulu tey síðani kunna landsstýrismannin um gongdina í samráðing- unum. – Tað var ikki neyðugt hjá mær at fara við til Danmakar at samráðast. Tí Ole Stavad hevur longu givið tilsøgn um, at Skipa- eftirlitið verður yvirtikið – enntá við danskari hjálp. Men verður nakað ivamál, hava vit avtalað at tosa saman um hetta í telefon. Tí, sum Ole Stavad sjálvur segði, telefonin er upp- funnin, sigur Jørgen Niclassen. Landsstýrismaðurin í fiski- vinnumálum hevur ikki hug neyvt at útgreina og seta vekt á, hvørjir eru teir størstu praktisku og lógar- teknisku spurningarnir, ið skulu útgreinast. Men hann ger greitt, at arbeitt verður við fullum seglum fyri at hava alt klárt, so Skipa- eftirlitið kann yvirtakast 1. januar 2002, eins og løg- tingið hevur samtykt. Tó torir Jørgen Niclassen ikki at lova, at Skipa- eftirlitið verður yvirtikið júst 1. januar. – Vit arbeiða sum sagt við fullum seglum. Men stutt tíð er eftir til 1. januar, og vit skulu finna høli, fáa starvsfólkaviðurskiftini upp á pláss og so fram- vegis. So eg tori einki at lova, sigur Jørgen Niclas- sen. Danir hjálpa Jørgen Niclassen heldur, at danir higartil hava verið sera hjálpsamir í málinum um at yvirtaka Skipaeftir- litið. Og hetta er eisini neyðugt, tí hóast Skipa- eftirlitið verður føroyskt, verður fyrstu tíðina neyð- ugt við neyvum samstarvi og hollari ráðgeving frá dønum, sum áður hava umsitið stovnin. Tí tað er ikki bert sum at siga tað at stápa eitt Skipaeftirlit upp á beinini. Av somu orsøk roknar Jørgen Niclassen eisini við, at Skipaeftirlitið í fyrstu syftu fer at koyra eftir donsku reglunum, eins og tað ger nú. Men sum frá líður skal stovnurin lagast spakuliga til føroysk viður- skifti, eins og krøvini til skip fara at verða lagað til føroysk viðurskifti. Í veru- leikanum verður talan helst um eina skiftisskipan á tvey til trý ár, har føroyska Skipaeftirlitið fer at rinda fyri tænastur frá danska Skipaeftirlitinum. Ætlanin er eisini at finna eina loysn, har føroyingar koma at hava møguleika at útbúgva seg innan skipaeftirlit hjá dønum. Trygdin í hásæti Í sambandi við ætlaðu yvir- tøkuna av Skipaeftirlitinum hava summið ivast í, um slakað fer at verða í minstu- krøvunum. Men Jørgen Niclassen vissar um, at trygdin fer at verða sett í hásæti við einum føroyskum skipa- eftirliti. – Krøvini fara tó helst at verða lagað eitt sindur til føroysk viðurskifti. Danska Skipaeftirlitið setir strong krøv til ferjur og farmaskip, meðan tað setur linari krøv til smábátar, meðan krøvini í Íslandi eru hørð til smábátar. Hetta kemur av, at danir hava so nógvar ferjur og farmaskip og fáar smábátar. Í Føroyum hava vit nógvar smábátar, og fer eitt føroyskt eftirlit tí helst at seta strangari krøv til smábátar, enn tað verandi danska, greiðir Jørgen Niclassen frá. Í sambandi við trygdina ætlar Jørgen Niclassen, at Føroyar skulu fáa atlima- skap í IMO, ið er altjóða stovnurin, ið setur minstu- krøvini fyri trygd umborð á skipum. Danir skulu hava fund við IMO í London í oktober, og har vera føroy- ingar við, fyri at kanna møguleikan fyri atlima- skapi. Í løtuni eru tað bert tvey lond, ið hava fingið atlima- skap í IMO. Tey eru Hong Kong og Makao. Men Jørg- en Niclassen vónar kortini, at tað fer at bera til hjá føroyingum. Atlimaskapur í IMO merkir, at vit fáa øll rættindi og allar skyldur, sum limalondini hava, men at vit ikki fáa atkvøðurætt. – Atlimaskapur í IMO hevur nógv at siga fyri okk- um, sigur Jørgen Niclassen. Embætisfólk samráðast um Skipaeftirlit Óli Holm, landsstýr- ismaður við menta- málum, hevur sein- astu dagarnar verið í Hetlandi og leita sær íblástur til ein møgu- ligan sjódepil fyri útbúgvingar innan fiskivinnuna ÚTBÚGVINGAR John Johannessen Ein sjódepil til útbúgvingar og skeið, sum vinnan hevur og kemur at hava tørv á. Hetta mælir álitið um útbúgvinar innan fiski- vinnuna landsstýrismann- inum við ábyrgdini fyri útbúgvinarverkinum til at seta á stovn. Og í hesum sambandi hevur Óli Holm, landsstýrismaður, seinastu dagarnar vitjað North Altantic Fisheries College í Hetlandi, fyri at finna sær íblástur til ein føroyskan depil fyri fiskivinnuút- búgvingar. North Atlantic Fisheries College er ein sjódepil, ið hetlendskir myndugleikar hava skipað saman við vinnuni. Og tað er júst hetta, ið hugtekur lands- stýrismannin. Óli Holm heldur, at nógv av tí, sum hetlendingar hava gjørt við sínum sjó- depli, eisini kundu verið gjørt í Føroyum. Serliga heldur hann tað vera áhugavert, hvussu vinnan í Hetlandi hevur staðið saman um at fáa sett á stovn teirra sjódepil. – Tað er eingin ivi um, at sjódepilin í Scalloway hevur gjørt nógv til, at teir gaca eina alivinnnu, sum er á stødd við okkara og sum mennist við risaferð. Teir eru farnir í holt við at ala fleiri onnur fiskasløg væl hjálptir av royndum, ið hava verið gjørdar á sjódeplinum í Scalloway, sigur Óli Holm í tíð- indaskrivi. Óli Holm ætlar sær í næstu framtíð saman við embætisfólkum sínum at arbeiða víðari fyri, at føroyska ali- og fiskivinnan fær ein væl virkandi før- oyskan sjódepil. Heinta íblástur til sjódepil úr Hetlandi Frá vinstru Gordon Johnson, skúlastjóri, Óli Holm, landsstýrismaður og Craig B. Kensler, varaskúlastjóri C M Y K 7 6 Sosialurin - 311820 FLOGFRAKT SJÓFRAKT hurð til hurð Sosialurin - 311820 www.safari.fo SAFARI TRANSPORT Tel. 32 22 22