hósdagur 9. oktober 2008síða 32

32 [ Nr. 194 - 9. oktober 2008 ] Ivasamt brotsspark kostaði U19: Føroyingar spældu ein góðan dyst, men høvdu ikki neyðugt viðrák í Hvítarusslandi Fótbóltur www.football.fo - Tað kendist ótrúliga svárt at síggja okkara dreingir tapa dystin. Tað høvdu teir ikki uppibor- ið, tí teir spældu ein fín- an dyst við fleiri góðum málmøguleikum. Soleiðis sigur Karl Vidtfeldt, FSF-starvs- nevndarlimur, og ferða- leiðari hjá U19 dreingj- unum, sum eru til EM undankapping í Hvíta- russlandi. Í dag spældi føroyska liðið tann triðja og sein- asta dystin á túrinum, og hann endaði 1-0 til vert- irnar úr Hvítarusslandi. Karl Vidtfeldt ásann- ar, at hvítarussiski sig- urin ikki var uppiborin. - Vit áttu eitt fríspark beint framman fyri teirra brotssteig, og mál- maðurin átti eftir okkara tykki at verið útvístur fyri at støðga ein av okkara leikarum. Ístaðin fara hinir í mótálop, og fáa brotsspark, hóast teirra maður varð støðg- aður uttan fyri okkara brotssteig. So okkara dreingir vóru rættiliga uppøstir inn á dómaran. Karl Vidtfeldt greiðir frá, at tað skuldi eitt sindur til at sissa føroy- ingarnar aftur. Føroyski ferðaleiðarin heldur eis- ini, at avgerðirnar hjá dómaranum vóru trupl- ar at skilja. Hvítarussar vunnu sostatt dystin 1-0 upp á brotssparkið, sum teir fingu í øðrum hálvleiki. Úrslitið fekk tó ikki ávirkan á hvat land kom víðari úr bólkinum, tí Sveis púra óvæntað vann 2-0 á Spania, sum longu hevði tryggjað sær víðari luttøku. Føroysku fótbólts­ áskoðararnir hava verið heldur spakir seinastu tíðina, men formaðurin í 12. manni, Regin Egholm, sigur, at áhugin und­ an dystinum hesa ferð er munandi størri, enn hann hevur verið Fótbóltur Jákup Mørk jakup@sosialurin.fo Tað var longu eftir dystin í Malta á sinni, at føroyski 12. maðurin varð skipað sum veruligt áhugafelag. Fram til 2005 ella har á leið var talan eisini um rættiliga aktivt felag, ið var partur av flestu uttanlandsferðum hjá landsliðnum, har tey settu dám á býarmyndina, har spælt varð. Eisini til heimadystirnar hjá landsliðnum hevur nógv verið gjørt burturúr. Seinnu árini hevur áhugin tó verið dalandi, men formaðurin hjá 12. manni, Regin Egholm, roknar tó við nógv- um áskoðarum leygardagin. - Tað eru í øllum førum nógv, sum hava havt á munni, at dysturin móti Eysturríki í øllum førum er ein dystur, sum tey ætla sær til. So vit rokna við, at áhugin verður nakað væl størri, enn hann hevur verið, sigur Regin Egholm. Og hvussu fara tit so at fyriskipa upphitingina til dystin? - Tað verður í Bowling- høllini á Hálsi, sum jú er tætt við vøllin. Vit eiga ann- ars eitt stórt telt, og upp- runaliga ætlaðu vit at nýta hetta, men veðurlíkindini eru eitt sindur óviss, og tí hava vit valt tí tryggu loysn- ina til hetta. Har fara vit so at hava andlitsmáling, felags- sangir og hyggja at Lands- krona-dystinum. Og hvør veit, um ikki okkurt gott tilboð eisini verður í barrini, sigur Regin Egholm. Alt hongur saman Hóast eystureuropisk lið sjáldan hava drigið tær stóru áskoðarafjøldirnar til Tórsvøll ella Svangaskarð, so er eingin loyna, at tað var eitt vónbrot við bara 805 áskoðarum til seinasta landsdystin. Hesi hoyrdust nóg illa kring vøllin, og hóast Regin bæði vónar og ætlar, at ljóðmúrurin verður settur hægri leygardagin, so stað- festir hann eisini, at hetta hongur saman við avrikinum á vøllinum. - Tað er so nógv, sum spælir inn, so eg fái ikki lov- að, at tað verður eitt buldur og brak av okkum. Sjálv- andi royna vit at stuðla, men um menninir á vøllin- um geva tað, sum vit vilja hava teir at geva, so kemur alt í øllum førum av sær sjálvum. Tað hongur jú sam- an, so hevur liðið ein ringan dag, smittar hetta helst eisini yvir á áskoðararnar, sigur Regin Egholm. Og tað tykist eisini, sum hevur Regin vónina um, at liðið fer at geva øllum tað, sum bíðað verður eftir. Í øllum førum er formaðurin í 12. manni bjartskygdur, tá vit spyrja, um hann er til reiðar at koma við sínum boði um úrslitið leygar- dagin. - Einum skoti kann eg altíð koma við. Tað kostar so einki. Men vit plaga jú at hava gott tak á Eysturríki, tá vit spæla ímóti teimum, so hví ikki ein tepur 1-0 sigur aftur hesaferð, sigur Regin Egholm. Føroyski landsliðs­ hópurin savnaðist í gjár, og seinnapartin hevði liðið sína fyrstu venjing Fótbóltur Jákup Mørk jakup@sosialurin.fo Tað stundar av álvara til landsdystin móti Eysturríki. Mikudagin um miðdags- leitið hevði Jógvan Martin Olsen, landsliðsvenjari, sett føroysku spælarunum stevnu, og seinnapartin hevði hóp- urin so sína fyrstu venjing. Við Rógva Jacobsen millum áskoðararnar, nú hvíld og viðgerð stendur ovast á hansara ynskilista, koyrdi Jógvan Martin Olsen á spælararnar, sum allir hava sæð fram til júst hendan dystin nú í lítið álmanakkaár. Gitingarnar um lið og uppstillingar eru helst fleiri longu nú, og einki er at ivast í, at Jógvan Martin Olsen eisini hevur sína meining um, hvussu hetta skal síggja út. Millum tað, sum støða skal takast til, er í øllum førum, at bæði Fróði Benja- minsen og Christian Lam- hauge Holst nú aftur eru tøkir. Báðir tveir teljast teir millum avgjørdu lyklaspæl- ararar á landsliðnum, og tí er einki at ivast í, at Jógvan Martin sendir teir á vøllin frá fyrsta bríksli, um venj- ingastøðan bara so dánt er til tað eftir skaðasteðgirnar. Hinvegin merkir tað so eisini, at tveir mans skulu út. Skal metast eftir útsagn- unum undan dystinum móti Rumenia, so vil landsliðs- venjarin helst sleppa undan at gera rokeringar, og tí kann roknast við, at tað verður mann fyri mann, at skiftast skal, heldur enn at finna upp á kreativar flyt- ingarloysnir. Tí bendir tað á, at Fróði Benjaminsen verður aftur í miðverjuni, og at Holst kemur inn sum næsti áleyparin, umframt at Jónas Tór Næs fer aftur á bakkin, sum hann røkti so væl fram til reyða kortið í Beograd. Nógv størri áhugi nú Føroysku fótbóltsáskoðararnir hita upp í Bowling-høllini, og so eru teir til reiðar at geva landsliðnum sín stóra stuðul frá føstu sitiplássunum við endatribunurnar Niðurteljingin er byrjað Christian Lamhauge Holst, sum stendur ytstur á myndini, er heilt víst ein av brikkunum, ið skal passa til puslispælið, sum Jógvan Martin skal leggja sær til leygardagin Mynd: Álvur Haraldsen Grand Prix-talv í Klaksvík Sunnudagin klokkan 14.30 verður farið undir annað umfarið í Grand Prix-kappingini í talvi. Telva verður hesa ferð í fimleikahøllini í Klaksvík, har sjey umfør eru á skránni. Telvararnir fáa her eitt korter í part til hvørt talvið. Kappingin er partur av Grand Prix-kappingini, sum Talvsambandið skipar fyri, og er hartil eisini partur av stóru talv-vikuni í Klaksvík, har GM Klaksvík 100 International verður telvd. Ajax tapti slagið um Keypmannahavn Heini Hanusarson og liðfelagarnir í Ajax Keypmannahavn taptu í gjárkvøldið grannauppgerðini ímóti FCK Håndbold, sum var spæld í Frederiksberghøllini. Endaliga úrslitið gjørdist 31-25 til FCK Hånd- bold. Donsku fjølmiðlarnir lýstu uppgerðina at verða uppgerðina mill- um teir ríku í FCK, og teir fátæku hjá Ajax. Hjá Heina Hanusarsyni hilnaðist ikki so illa kortini. Hann fekk fýra mál, og hevur Heini higartil skotið 21 mál í 6 dystum fyri Ajax Keypmannahavn í CBB- liguni, sum besta hondbóltsdeildin í Danmark verður nevnd. Ajax liggur næstaftast í deildini við tveimum stigum fyri seks dystir.