týsdagur 14. oktober 2008síða 17

Demich P/F Tórshavn Postboks 378 - Stiðjagøta 2 FO-110 Tórshavn Telefon +298 309 310 demich@demich.fo Demich P/F Vágur Á Marknoyri FO-900 Vágur Telefon +298 37 35 35 demich@demich.fo Demich P/F Runavík Heiðavegur 80 FO-610 Saltangará Telefon +298 445500 demich@demich.fo Vit hava røttu loysnina til júst tín tørv. Umhvørvisvinarlig orka við hitapumpu frá Demich Vinnan Vinnu- og handilstíðindi í Sosialinum ...títt vinnublað Fíggjarkreppa Hilmar Simonsen hilmar@sosialurin.fo Eitt fall í partabrævkursinum á 62 prosent eftir bara ein­ um degi var tað, sum íslendski shipping risin Eimskip upplivdi mikudagin í farnu viku. Eimskip er móðurfelagið hjá føroyska Faroe Ship, sum er gamla Skipafelagið. Og at síggja til sær ikki lovandi út við gjaldførinum hjá móður­ felagnum. Fríggjadagin í farnu viku kunngjørdi Eimskip, at tað hevur sloppið sær av við sín part í norska shipping­ felagnum Euro Container Line til Wilson ASA, og svaraði hetta til 50 prosent av felagnum. Søluprísurin er sambært fráboðanini 18 mió. danskar krónur í dag­ sins kursi, og vinningurin av søluni er 12,3 mió. danskar krónur. Tað skilst, at Eimskip eisini roynir at sleppa sær av við eitt annað felag í útlandinum, Versa Cold Altas, sum Eimskip eigur 40 prosent í. Og her er talan um eina munandi størri upphædd enn við Euro Container Line. Keldur vilja vera við, at felagið hevur lænt nógvan pening at víðka um virk­ semið í útlandinum fyri, og nú felagið selir burturav, er tað millum annað tí at tørvur er á reiðum peningi at gjalda skuld fyri. Vaksið ómetaliga skjótt Jóhanna á Bergi, stjóri í Faroe Ship, sum er dóttir­ felag hjá Eimskip, sigur seg ikki kunna gera stórvegis viðmerkingar um móðir­ felagið, men ásannar tó, at tað at selt verður burturav nokk er ein staðfesting av, at felagið roynir at minka um sínar ognir í útlandin­ um. ­ Eimskip er vaksið ómetaliga nógv seinastu 4­ 5 árini. Har upprunaliga eini 80 prosent av virk­ seminum var innanlands og restin uttanlands, er hetta vent á høvdið í dag, so at tað nú hevur eini 80 prosent av virkseminum uttanlands. Felagið hevur ekspanderað nógv, eisini uttanfyri shipp­ ing­økið, men roynir nú eftir øllum at døma at selja burtur av aftur fyri at minka um virksemið uttanfyri og halda fast um síni kjarnu­ økir, sigur Jóhanna á Bergi. Hon vissar um, at virk­ semið hjá Faroe Ship gong­ ur sína heilt vanligu gongd, og hon væntar ikki nakrar broytingar yvirhøvur, sum støðan er. ­ Eimskip sigur heilt greitt, at tað heldur fast um síni kjarnuøkir, sum millum annað umfatar virksmið hjá okkum, staðfestir hon. Kursurin á partabrøvunum hjá Eimskip á keypskálanum í Reykjavík er annars fallin heili 96,5 prosent seinasta árið – úr kurs 42,8, sum var tann 22. oktober í fjør, til kurs 1,5 mikudagin í farnu viku. Mikudagin í farnu viku var dagurin, tá ís­ lendski keypskálin fyribils varð latin aftur orsakað av óvanligum umstøðum í Íslandi. Keypskálin letur annars upp aftur í dag. Eimskip fallið 96 prosent í virði Kursurin á Eimskip partabrævinum er lækkaður heili 96,5 prosent seinasta ári, og okkurt bendir á, at felagið hevur stóran tørv á reiðum peningi. Felagið hevur júst selt sín ognarlut av einum norskum reiðaríi og arbeiðir við at selja sín part av einum øðrum felagi eisini. Jóhanna á Bergi, stjóri í Faroe Ship, sum er dóttirfelag hjá Eimskip, sigur, at ongar broytingar eru í virkseminum hjá Faroe Ship. Jóhanna á Bergi, stjóri í Faroe Ship, er sannførd um, at móðirfelagið Eimskip ætlar at halda fast um síni kjarnuøkir, sum millum annað er virksemið í Føroyum hjá Faroe Ship. Eimskip selir annars í hesum døgum burtur av sínum ognum í útlandinum