týsdagur 14. oktober 2008síða 31

31 [ Nr. 197 - 14. oktober 2008 ] Hóast úrslitið var gott leygardagin, so tykist tað vera alt longri til støðuna, sum landsliðsvenjararnir so ofta hava longst eftir, og sum ber við sær, at talið á útisetum á lands­ liðnum verður størri Fótbóltur Jákup Mørk jakup@sosialurin.fo Kaunas, Litava: Tað tóktist skelka allan fótbóltsheimin, at tað leygardagin eydnaðist føroyska fótbóltslandsliðn­ um at megna 2­2 á heima­ vølli ímóti Eysturríki. At Føroyar fáa stig móti Eysturríki er sjálvandi góð søga, tí øll fótbóltsáhugað minnast framvegis 1­0 sig­ urin í Landskrona í 1990. Søgan er eisini góð, tí tað er ikki á hvørjum degi, at Føroyar vinna stig í undan­ kapping. Tað vóru fýra ár millum 2­2 á Kypros og so 1­1 ímóti Eysturríki leygar­ dagin. Hetta var fyrsta stig­ ið, sum Føroyar hava vunn­ ið á Tórsvølli. Síðani stigið varð vunnið á Kypros, hev­ ur føroyska landsliðið spælt átjan undankappingardystir, uttan at tað hevur eydnast at vinna stig. Eftir 1­1 leygardagin verður við longsli droymt um, at Føroyar aftur skulu vinna trý stig. Jógvan Mar­ tin Olsen hevur havt ábyrgd­ ina í trý ár. Seinasti dysturin við honum sum ábyrgdar­ manni verður í Vilnius í Let­ landi mikukvøldið. Avrikið leygardagin ber sjálvandi við sær, at tað var nógv hugaligari hjá landsliðnum at fara úr Vágum í morgun, enn tað hevði havt verið, um tað ikki hevði havt eydn­ ast at vinna stig ímóti Eysturríki. Sjey fátøk ár Tað eru meiri enn sjey ár síðani, at tað hevur eydnast at vunnið í undankapping. Síðsti sigurin varð vunnin 1. september 2001, tá ið Jens Kristian Hansen við brotssparki skoraði einasta málið ímóti Luksemborg á Svangaskarði. Tá var Allan Simonsen venjari. Í tíðarskeiðnum 1994­ 2003, tá ið Allan Simonsen hevði ábyrgdina, vunnu før­ oyingar seks undankapping­ ardystir: tveir ímóti San Marino, tveir ímóti Malta og tveir ímóti Luksemborg. Bestu úrslitini hjá Allan Simonsen vórðu roknað at vera teir báðir javnleikirnir, sum hann uppnáddi. Teir vóru 3. september í 2000, tá ið úrslitið var 2­2 ímóti Slovenia, og 6. september 2002, tá ið úrslitið ímóti Skotlandi var 2­2. Báðir dystirnir vórðu spældir á Svangaskarði. Henrik Larsen hevði ábyrgdina av landsliðnum 2003­2006. Tað eydnaðist honum bara at vinna stig í 2­2 javnleikinum á Kypros fyri fýra árum síðani. Færri útisetar Leygardagin vóru fýra spæl­ arar, sum umboða útlendsk feløg á føroyska liðnum: Atli Danielsen og Jón Rói Jacobsen úr Frem, Christian Høgni Jacobsen úr AB og Christian Lamhauge Holst úr Silkeborg. Allir spæla teir í næstbestu donsku deildini. Jógvan Martin Olsen hev­ ur ofta endurtikið, at um landsliðið skal lyftast, so er neyðugt við fleiri spælarum, sum hvørja viku spæla á høgum støði uttanlands. Sama sjónarmiðið høvdu Allan Simonsen og Henrik Larsen. Teir fýra omanfyri nevndu spæla hvørja viku á grasi, men teir spæla ikki í fremstu donsku deildini. Um sammett verður við, tá ið Henrik Larsen vann sítt einasta stig saman við Føroyum, so vóru fimm útisetar á liðnum á Kypros í 2004: Jón Rói Jacobsen, Frem, Julian S. Johnsson, ÍA Akranes, Fróði Benja­ minsen, Fram Reykjavík, Claus Bech Jørgensen, Coventry FC og Andrew av Fløtrum, Fremad Amager. Tá ið Føroyar 1. septem­ ber 2001 vunnu 1­0 á Luk­ semborg vóru seks útisetar á liðnum: Jákup Mikkelsen, Molde, Óli Johannesen, Hvidovre, Súni Olsen, Zwolle, Christian Høgni Jacobsen, Esbjerg, Johan Byrial Hansen, OB og Juli­ an S. Johnsson, Hull City, sum tá var í triði bestu eingilsku deildini, og sum nú er triði ovast í bestu eingilsku deildini. Nú tykist ganga rætta vegin, hóast talið á útisetum er lækkað! Útisetarnir fækkast Tórður og Øssur í Vejle Teir báðir runavíkingarnir og U21­landsliðsspælararnir, Tórður Thomsen og Øssur Dalbúð, sum báðir eru úr NSÍ, hava seinastu vikuna verið í danska Vejle og vant. Úrslitini hjá føroyska U21­landsliðnum hava verið sera góð fyrstu undankappingina, og tað er ikki frítt, at hetta hevur vakt áhuga fyri fleiri av spælarunum, sigur Jákup í Stórustovu, sum umboðar flestu av føroysku landsliðsspælarunum. Og hann vísir als ikki aftur, at fleiri spælarar fara til venjingar uttanlands, nú føroyska kappingin endar um fáar vikur. Í 1999 spældi hann fyrsta landsdystin, og mikukvøldið fer Fróði Benjaminsen at umboða Føroyar fyri 50. ferð Fótbóltur Jákup Mørk jakup@sosialurin.fo Kaunas, Litava: Tá Jógvan Martin Olsen mikukvøldið sigur lands­ liðnum farvæl, fer ein av bygdarmonnum hansara av Toftum at umboða Før­ oyar fyri 50. ferð. Tað er Fróði Benjaminsen úr HB. Fróði hevur verið mest sum fast inventar á liðn­ um, síðani hann fyri gott og væl níggju árum síðani fyrstu ferð trein inn á liðið. Tað var 18. august í 1999, tá ið Føroyar í vinar­ dysti á heimavølli taptu 1­0 ímóti Íslandi. Ta ferð­ ina varð Fróði í 77. min­ utti settur inn á miðvøllin sum avloysari fyri Sámal Joensen. Í 2001 var Fróði við frá dystarbyrjan í dystinum móti Luksemburg, tá Sámal Joensen legðist sjúkur, og síðani hevur Fróði verið púrasta fastur maður í føroysku byrjunar­ uppstillingini. Á landsliðnum hevur Fróði umframt B68 um­ boðað B36, HB og Fram Reykjavík, og burtursæð frá tveimum teimum fyrstu ferðunum og so aftur síðsta leygardag, so hevur hann verið millum teir fyrstu ellivu. Miðja og miðverja Í nógvum teimum fyrstu landsdystunum var Fróði miðvallari. Tá ið Óli Johannesen fram ímóti endanum á sínari longu tíð á landsliðnum fleiri ferðir var noyddur at geva avboð, var Fróði í mið­ verjuni, har ætlanin var, at hann skuldi vera partur av makkarapari saman við Jón Róa Jacobsen. Fyrr í ár varð Fróði so mikið skaddur, at hann varð noyddur at geva avboð til tríggjar dystir – ímóti Portugal, Serbia og Rumenia. Hesar tríggjar ferðirnar hava Jóhan Troest Davidsen, Jón Rói Jacobsen og Egil á Bø røkt tey bæði miðverju­ plássini. Leygardagin fingu Egil og Jón Rói aftur møguleikan, og við bara trimum dystunum í beinunum valdi landsliðs­ venjarin at lata Fróða byrja á beinkinum. Longu í 1. hálvleiki leygardagin avloysti Fróði Mikkjal Thomassen, sum fór skaddur á vøllinum, og tað man vera lítil ivi er um, at Fróði verður mill­ um teir fyrstu ellivu, nú hann fer at spæla lands­ dyst nummar hálvt hundr­ að. Higartil hevur Fróði skorað tvey mál fyri Føroyar: Tað fyrra í 3­1 sigrinum í vinardystinum á heimavølli ímóti Liktin­ stein 21. august 2002, og hitt seinna var sigursmálið til 3­2 í vinardystinum á heimavølli ímóti Malta 18. august 2004. Fróði er tann tíggjundi í røðini Flestu landsdystir Óli Johannesen 82 Jens Martin Knudsen 65 Julian S. Johnsson 62 Jákup Mikkelsen 60 John Petersen 57 Jákup á Borg 57 Allan Mørkøre 54 Øssur Hansen 51 Rógvi Jacobsen 51 Fróði Benjaminsen 49 Jón Rói Jacobsen er ein av bara fýra útisetum, sum vóru við í javnleikinum móti Eysturríki Mynd: Álvur Haraldsen Odmar Færø í Horsens Odmar Færø hevur verið ein av eyðsýndastu B36 spælarunum higartil í ár. Ikki minst í UEFA Cup uppgerðunum ímóti Brøndby stóð Odmar seg væl, og á Brøndby stadion var hann framúr í miðverjuni. Donsk feløg hava lagt til merkis, hvussu stinnur 18 ára gamli B36 spælarin er. Í vikuskiftinum fór Odmar til Danmarkar, har hann í dag og í morgin venur við superliguliðnum hjá AC Horsens, veit heimasíðani hjá felagnum at siga. Tað tykist telja nógv í felagnum, at Odmar bæði er verjuspælari og miðvallarspælari. Odmar hevur spælt átta ferðir á U­17 landsliðnum og tíggju ferðir á U­19 landsliðnum. Venjari í Horsens inntil á nýggjárinum er Kent Nielsen, sum hevur megnað at fingið væl meiri burturúr, enn tey flestu høvdu roknað við. Á nýggjárinum fer Kent Nielsen at venja Brøndby. Tá verður Henrik Jensen, sum nú er hjálparvenjari í Brøndby, venjari í Horsens.