týsdagur 28. august 2001síða 9

Nr. 164 - 28. august 2001 17 Endiliga eydnaðist tað hjá Marcello at skora, men avrikið á Svangaskarði var ikki serliga sannførandi FÓTBÓLTUR Jóannes Hansen Toftamenn eru boysnir. Síðani teir í áttanda umfarinum taptu 2–0 í Gøtu hava teir fingið fult hvøja ferð burtursæð frá tá teir vóru í Vági. Tá endaði tað við javnleiki. Sunnudagin var uppgáv- an torfør. Tað tóktust teir vita á Toftum. B68 vann, men tað var alla tíðina spennandi. So tepur leiðsla er lítið at halda um, og hó- ast EB/Streymur ikki var so málsøkjandi í 2. hálvleiki, so lúrdi møguleikin alla tíð- ina fyri, at tað skuldi eydn- ast teimum at fáa javn- leikin, sum teir vóru komnir eftir. Einasta málið kom mið- skeiðis í 2. hálvleiki, og tal- an var um eitt sera vakurt mál. Heimaliðið royndi alla tíðina at spæla tolið og at toga spælið heilt út í síðurnar. Tað eydnaðist við hvørt, men trupulleikin var, at ofta vóru sendingarnar ikki nóg nevyar. Í álopsmyndingini, sum í síðsta enda bar sigursmálið við sær, riggaði tað heilt væl. Sjøtul varð settur á aftarlaga í vinstru, so varð spælt diagonalt. Jákup Eli Olsen dró eitt sindur inn, Messias, sum var sera sannførandi í miðverjuni, yvirlappaði, innleggið skrúvaði eitt sindur frá mál- inum, og við handara stólp- an tveitti Marcello seg fram og stútaði inn um Gunnar á Steig, sum annars stóð seg væl. Einki var at undrast á, at málskjúttin hevði ilt við at reisa seg aftur. Tað mundi vera ein øgiligur lætti hjá honum. Í fjør var Marcello alla tíðina væl upplagdur, og hann skoraði eina rúgvu av málum. Í ár hevur ikki gingið væl. Tær seinastu ferðirnar hevur hann ikki verið ímillum teir fyrstu ellivu, og so fekk hann eitt fínt mál. Ágangandi Tað var kanska roknandi við, at EB/Strymur fór at koma á Svangaskarð fyri at liggja aftarlaga á vøllinum og dúva upp á møguleikan fyri kontraálopum. Bergur Magnussen er snúðin. Í staðin fyri at gera, sum tað varð roknað við, so var EB/Streymur framrætt- að og ágangandi fyrstu løt- una. Og tá var tað, at teir vóru næst við at fáa mál. Sorin Anghel er ein fínur álopsspælari. Tað hevur hann víst aftur og aftur, og tað vísti hann aftur hesa ferð. Tíðliga hevði hann eitt gott langskot, sum Kjartan Nesá noyddist at benda út til horna, og miðskeiðis í fyrra umfarinum sneiddi hann fleiri av, áðrenn hann úr seytjan metrum og eitt sindur til vinstru sendi flatt og dygst framvið handaru stólparótini. Í 2. hálvleiki var EB/Streymur meiri í leik- lutinum, sum teir plaga at vera í. Onkra ferðina vóru teir skjótir fram við fleiri spælarum, eftir at teir høvdu steðgað B68 álop- um, men teir komu ikki nærri enn nær við og næstan. Opnaðu síðurnar B68 megnaði ikki at vísa støðugt og gott spæl. Fróða Benjaminsen er týdningar- miklasti maðurin í fram- rættaða spælinum. Tað sást eisini hesa ferð, men ikki so væl, sum tað ofta hevur gjørt. Knút Vesturtún lá so at siga alla tíðina tætt í landsliðsmanninum. Hans Fróði Hansen stýrdi verjuni væl, og so royndu toftamenninir aftur og aftur at koma ígjøgnum í borð- unum. Í 1. hálvleiki eydn- aðist tað ikki so ofta, men í 2. hálvleiki var tað lættari. Arnold Joensen breyt fleiri ferðir ígjøgnum aftar- laga á EB/Streyma hálvuni, hann kom til baklinjuna, men einki kom burturúr innleggunum. Síðstu løtuna kom Krist- ian Poulsen í álopið í staðin fyri Marcello. Fyrrverandi unglingalandsliðs spælarin hevur verið skaddur alt hetta kappingarárið, og í fjør var hann eisini darvaður nógv av skaðum. B68: Kjartan Nesá – Oleif Joensen, Hans Fróði Hansen, Messias Perreira – Jann Ingi Petersen, Arnold Joensen, Fróði Benjamin- sen, Jan C. Dam, Jákup Eli Olsen – Súni Fríði Johann- esen, Marcello Marcellino EB/Streymur: Gunnar á Steig – Jákup Martin Joen- sen, Andrzej Pacek, Ólavur Poulsen, Alfred Jacobsen, Esmar Eiðisgarð – Ronnie Samuelsen, Knút Vestur- tún, Eyðfinnur Joensen – Jón Sigurd Gleðisheygg, Sorin Anghel Við einum sigri í Gøtu fekk B36 vent tí vánaligu gongdini í 2. deild og hevur nú aftur samband við oddaliðini. GÍ er í álvarsomum vanda fyri niðurflyting 2. DEILD Jákup Mørk Hóast GÍ var á odda tvær ferðir í fyrra hálvleiki, so megnaði B36 kortini at vinna sannførandi, tá sam- anum kom. Sigurin hjá úti- liðnum var uppiborin, hóast fyrri hálvleikur var javnur, og bæði liðini søktu at mál- unum hjá mótpartinum. Við sigrinum hálaði B36 seg tvey pláss uppeftir til triðja pláss á stigatalvuni, meðan GÍ enn er rótfest í botninum. GÍ legði hart út Tað var annars GÍ, ið legði harðast út í dystinum. Hans Erik Danielsen legði GÍ framum tíðliga í dystinum, men Heðin Joensen svaraði skjótt aftur. Hann var spældur djúpt og dróg framvið einum verjuleik- ara, áðrenn hann sendi framvið málverjanum. GÍ kom tó aftur framum. Málverjin hjá B36 misti eitt innlegg, sum datt fyri føturnar á pólverjanum Marek Wiegel, ið hevði lætt við at senda í málið. Tað eydnaðist tó havnar- monnum at javna fyri hálv- leik. Bólturin varð snittaður víðari til Ragnar Poulsen, ið skoraði trygt. Í seinna hálvleiki var tað tó B36, ið stýrdi øllum, sum fór fram á vøllinum. Fyrst var tað Tórálvur Poul- sen, ið legði B36 framum fyri fyrstu ferð í dystinum. Hann trýsti ein verjuleik- ara, so at afturleggingin gjørdist vánalig, og síðani vann hann bóltin av mál- verjanum og legði bóltin í netið. Helgi Justinussen gjørdi tað til 4-2, tá honum varð bjóðað eitt opið mál, Páll Horn økti til 5-2 og Mortan Johannesen sló sigurin fastan við síðsta málinum til 6-2. B36 við aftur B36 hevur vunnið seg upp- aftur á eitt heiðursmerkja- pláss, har teir hava verið fyri tað mesta í ár. Eftir tveir ósgirar á heimavølli var tað umráðandi hjá B36 at fáa ein sigur í land, og tað eydnaðist. Við sigrinum fóru havnarmenn framvið bæði TB og HB upp á triðja pláss. Gøtumenn eru hinvegin illa fyri á aftasta plássi. Fýra dystir eru eftir, og GÍ skal helst hava ein sigur frá einum av hesum dystunum. GÍ – B36 2-6 (2-2) 1-0: Hans Erik Danielsen 1-1: Heðin Joensen 2-1: Marek Wiegel 2-2: Ragnar Poulsen 2-3: Tórálvur Poulsen 2-4: Helgi Justinussen 2-5: Páll Horn 2-6: Mortan Johannesen B68 heldur í bronsuni GÍ – B36 2-6 (2-2) B36 hevur samband við oddin Frøin var stór á Marcello, tá hann endiliga aftur slapp at royna seg sum málskjútta hjá B68 17 16 Nr. 164 - 28. august 2001 Gøtumenn mistu eitt týðani fet í odda- stríðnum, tá VB í seinastu løtu av dysti- num fekk brotsspark FÓTBÓLTUR Jákup Mørk Tá vágbingar í fjør vitjaðu í Gøtu, var talan um ein dyst, sum hevði alstóran týdning fyri, um tað skuldi eydnast vágbingum at vinna fyrsta meistaraheitið í søgu felag- sins. Sunnudagin vóru leiklut- irnir býttir um. Tó at talan ikki á nakran hátt er um møguleikan fyri fyrsta FM- heitið til GÍ, so hevði dyst- urin alstóran týdning í oddastríðnum, har GÍ og B36 kapprenna um fremsta sessin, nú fýra umfør eru eftir at leika í bestu deild- ini. Opin dystur Fyrstu løtuna av dystinum var tað tó líkt til, at tað vóru vágbingarnir, sum vóru oddalið, tí frá fyrstu løtu av, vóru tað teir, sum í nógv størri mun søktu á GÍ málið. Møguleikar spurdust eis- ini burturúr, og millum annað hevði Kryztof Pop- czynski eitt skot úr átta metra fjarstøðu, sum brast í stólpan og út aftur í spælið. GÍ kom tó hampuliga skjótt á rætta lagið, og eis- ini teir høvdu sínar møgu- leikar. Teir báðar størstu hevði Helgi L. Petersen, men fyrst hevði Bjarni eina framúr góða bjarging, tá Helgi royndi seg við skoti úr stuttari fjarstøðu, og seinni var Bjarni aftur á staðnum, tá Helgi royndi seg við stútara. Avgerandi avgerðir Í seinna hálvleiki helt dyst- argongdin frá fyrra hálv- leiki fram. Spælið úti á vøllinum var hampuliga javnt, men tað vóru fram- vegis vágbingarnir, sum høvdu tær vandamiklaru at- sóknirnar. Serliga Birgir Jørgensen hevði nakrar heilt góðar møguleikar, har í øllum førum ein kann roknast fyri ein rættur stjóri, men í málið vildi bólturin so ikki. Gøtumenn svaraðu tó eis- ini aftur, og teir vóru alt annað enn nøgdir um, at linjudómarin veittraði fyri rangstøðu, tá Henning Jarn- skor stútaði í netið, eftir at Janik hevði brotið ígjøgn- um í borðinum, fyri síðani at leggja innfyri. Helst varð flaggið havt á lofti, tí Óli Hansen var rangstaddur í teirri støðuni, so heldur ikki tá fekst mál burturúr. Tá gøtumenn so endiliga fingu lagt seg á odda, vóru tað tó vágbingarnir, sum mótmæltu dómaraavgerð- ini, sum førdi til málið. Hans Pauli Petersen royndi at sleppa framvið Jóan Paula Olsen í VB brotsteiginum. Vágbingar- nir vildu vera við, at Jóan Pauli bara var fyrri maðurin á bóltinum, men tá Hans Pauli datt, peikaði dómarin á brotssparksblettin. Vág- bingar vóru í øðini, og sum skilst á lagnum, hevði einki forgjørt verið í, um fleiri gul kort vórðu havd á lofti fyri ógvusligu mótmælini, men har kom so einki ann- að enn munnligar ávaring- ar. Hvussu var og ikki, so var Henning Jarnskor ósvikaliga tryggur, tá hann skeyt úr 11 metrum, og so skuldi GÍ bara verja sein- asta korterið. Aftur brotsspark Vágbingar royndu, sum vera man, at leggja trýst á hesar seinastu fimtan min- uttirnar. Heilt vandamikið gjørdist tað tó ikki, fyrr enn vísarin var farin væl um teir 90 minuttirnar, og hesa ferð vóru tað gøtumenn, sum vóru í øðini. Magni Jacobsen sendi ein langan bólt fram í brots- teigin, og tá Krzyztof royndi at fáa fatur á, varð Bartal Eliasen dømdur fyri at skumpa pólverjan í rygg- in, soleiðis at vágbingar nú eisini fingu loyvi at royna seg úr 11 metrum. Sum skilst úr Gøtu, so eru fólk ymisk á máli um, hvussu rættvíst hetta seinna brotssparkið var. Onkur helt, at dómarin helst royndi at kompensera fyri brotssparkið, sum hann hevði givið GÍ fyrr í dysti- num, men alt hetta tóktist tó ikki at nerva vágbingar- nar. Kryztof tókm sær sjálvur av brotssparkinum, og við seinasta sparkinum í dystinum, sendi hann í meskarnar. Tað tykist sum lagnunnar speisemi, at Krzyztof skuldi skora móti gøtu- monnum. Leysasøgur ganga um, at pólverjin skal spæla við GÍ komandi kappingarár, og um so er, var mál hansara kanska ein forðan fyri luttøku í euro- peisku meistarakappingini komandi ár. Tað skal tó leggjast aftur- at, at enn er hetta heldur ikki meira enn leysasøgur. Sunnukvøldið hittu vit for- mannin í GÍ, Svenn Olsen, á máli, og hann segði seg einki kenna til, at Krzyztof skal spæla við gøtumonn- um komandi ár. Eitt sprell afturat Við javnleikinum mistu gøtumenn at síggja til eitt sera týdningarmikið stig í oddinum, har B36 nú er fimm stig undan, tó at havnarmenninir hava leikt ein dyst fleiri. Hetta setur tó krav um, at skulu gøtumenn gera sær vónir um gullmerkini, skal B36 í øllum førum tapa ein dyst, samstundis sum gøtu- menn vinna allar sínar dyst- ir. Akkurát hvar B36 skal missa síni stig, kann sum so gera gøtumonnum tað sama, men eftir dystin sunnudagin vóna teir helst, at vágbingar kunnu gera okkurt sprellið á seinasta leikdegi. Tá kemur B36 á vitjan í Vági, og sum støðan á stigatalvuni er í løtuni, so skulu vágbingar helst vinna hendan dystin, um teir eis- ini skulu fáa atgongd til Eu- ropa komandi ár. GÍ-VB 1-1 (0-0) 1-0: Henning Jarnskor (br.) 75 1-1: Krzystof Popczynski (br.) 90 Dómari: Lassin Isaksen (KÍ) GÍ: Hallur Hansen – Bartal Eliasen, Pól Ennigarð, Leivur Hansen – Poul Henning Jacobsen, Zdzi- slaw Janik, Magni Jarnskor, Jóan Petur Olsen, Henning Jarnskor – Helgi L. Peter- sen, Óli Hansen VB: Bjarni Johansen – Pre- drag Zivkovic, Eyðun Jacobsen, Magni Jacobsen – Palli Augustinussen, Marek Vierzbicki, Michael í Lágabø, Krzystof Pop- czynski, Jón Pauli Olsen - Robert Cieslewicz, Birgir Jørgensen GÍ-VB 1-1 (0-0): GÍ misti í seinastu løtu Predrag Zivkovic og hinir í VB royndu at trýsta seg longur niðan, eftir at GÍ var komið á odda, og at enda eydnaðist teimum eisini at fáa brotsspark og harvið javnleik Mynd: Jonhard Hammer HB misti aftur stig um vikuskiftið, og eru nú niðri á einum fimta plássi 2. DEILD Jákup Mørk Fyri bert tveimum vikum síðani, var fótbóltslagi av tí besta á 2. deildarliðnum hjá HB. Liðið var tá á odda í deildini, og tos um heiðurs- merki, og kanska enntá úr gulli, var at hoyra millum leikararar. Í dag er støðan tó heldur tó øðrvísi. Tosað verður kanska framvegis um heið- ursmerki, men hesi verða neyvan úr gulli, og í øllum førum skal betrast um úr- tøkuna á vøllinum, um so skal verða. Høvdu allar møguleikar Leygardagin tók HB móti Sumba, sum í sín part hev- ur havt eitt rættiliga vón- brótandi kappingarár. Hetta sá heldur ikki út til at batna leygardagin, tí bert fáir minuttir vóru leiktir, tá HB hevði lagt seg á odda. Ingi Rasmussen spældi djúpt til Eyðun Samuelsen, og av fimm-metra horni- num bankaði álopsmaðurin bóltin upp undir nettakið. Hóast talan ikki var um nakra veruliga leikliga yvirvág, so hevði HB hópin av møguleikum til at avgera dystin næstu løtuna. Ikki minst høvdu teir báðir, Eyðun Samuelsen og Gunnar Mohr, sínar møgu- leikar, men líka mikið hvussu teir so royndu, so vildi bólturin ikki inn um mállinjuna. Eisini í seinna hálvleiki helt hendan gongdin fram. Ta einu ferðina eydnaðist Eyðuni at fáa bóltin fram við málverjanum, men í evstu løtu kom ein sumbingar skreiðandi inni a strikuni, sog so var tann vandin av. Tað var tó líkt til, at talan skuldi gerast um ein tepran heimasigur, men brádliga fekk Sumba eitt mál mest sum burtur úr ongum. HB misti á veg í álop, og eftir at sumbingarnir høvdu spælt seg niðan eftir vøllinum, endaði alt við, at Rene Thomsen smekkaði til úr 20 metrum, og brádliga var javnleikur á máltalvuni. Takk fyri seinast Við javnleikinum fingu sumbingar á ein hátt takkað fyri seinast. Tá HB vitjaði í Sumba, var tað neyvan rættvíst, at teir fingu stig við sær, og í so máta mundi javnleikurin kennast søtur hjá sumbingum, sum tó ikki kundu nýta stigið til serliga nógv. Hinvegin høvdu HB-leik- ararnir alstóran tørv á stig- um. Liðið er nú dottið aftur á fimta plássið á stigatalv- uni, so í løtuni røkist ikki fyri heiðursmerkjum. Teir eiga tó framvegis møgu- leikan at avgera sjálvir, tí komandi vikurnar hava teir dystir móti bæði B36 og TB og fæst full úrtøka úr hes- um, verður medaljutosið aftur aktuelt. HB-Sumba 1-1 (1-0) 1-0: Eyðun Samuelsen 1-1: Rene Thomsen HB-Sumba 1-1 (1-0): HB vónin viknar C M Y K 16