mikudagur 29. august 2001síða 8

Nr. 165 - 29. august 2001 15 Bomull Sport - Cotton Soft Barnatroyggja v/mynstri Tlf. 312727 Uppskriftin hesa vikuna 15 14 Nr. 165 - 29. august 2001 OLJULEITING/ANALYSA Jan Müller Tað hevur eftir øllum at døma gingið nakað seinri enn ætlað hjá BP við tess fyrstu boring í Føroyum. Ætlanin var at røkka enda- liga málinum um mánaðar- skiftið. Hjarnar Djurhuus, stjóri hjá BP sigur, at bor- ingin nú er sett til at verða liðug millum 12. og 15. september tvs. einar tvær vikur longri enn mett varð. Enn resta einir 800-900 metrar í. Ein orsøk til at tað gongur spakuligari nú er tann, at teir eru komnir í rættiliga hart tilfar. Sosi- alurin skilur, at hetta er ikki beinleiðis basalt. Men tað hevur so við sær, at tað tekur longri tíð at bora. Hjá BP vilja teir ikki gera nakrar viðmerkingar til, at borurin á West Navion nú er farin at bora meira til síðuna, sokallað »side- tracking«. Ymsar orsøkir kunnu verða til hetta. Ein er, at man roynir at sleppa undan tí harða tilfarinum. Ein onnur at man kanska hevur endurskoðað arbeiðs- skránna og heldur betri møguleikar liggja við eini nýggjari kós, sum gongur meira til síðuna. Eingin møguleiki er at fáa nakra viðmerking frá Oljumála- stýrinum heldur, men tað er ikki óvanligt undir slíkum boringum aðrastaðni, at oljufeløg og myndugleikar semjast um at broyta eitt fastlagt boriprogramm, um hetta verður hildið skilagott og skapar nýggjar møgu- leikar. Tað er tó ikki møgu- ligt at fáa váttað, um talan er um slíkt í Svínoyar- brunninum. Tað er annars ógjørligt at fáa nakað at vita um úrslit av boringunum, men at boringin hjá BP nú fer at taka upp til tvær vikur longri enn upprunaliga ætlað, kann merkja, at boringin ikki gongur uttan trupulleikar. Ætlanin er, at West Navion skal bora ein annan brunn fyri BP og Shell, tá uppgávan á føroyska land- grunninum er liðug. Bretsku megin markið. Eftir øllum at døma kemur tann boringin nakað í drag, nú West Navion skal bora til miðjan september. Eftir tí Sosialurin hevur kunnað funnið fram til, so hevur BP fleiri mál (targets) í síni boring. Eitt høvuðsmál, sum tað kom til fyri eini tíð síðani og síðani í hvussu er eitt mál á gott og væl 4800 metrum. Hvat boritíðini viðvíkur, so er tað rættiliga ymiskt, hvussu skjótt gongur at bora, tí tað veldst m.a. um, hvussu hart tilfarið er. Gongst væl kanst tú bora einar 20 til 25 metrar um tíman, men gongst illa, kann talan verða um heilt niður í 1-2 metrar um tíman. Hvat víðvikur boringini hjá Statoil, gongur hon sum ætlað. Rúni Hansen, stjóri er eins fámæltur sum starvsfelagi hansara hjá BP. Men út frá støðuni í farnu viku kann hetta merkja, at enn eru einir 500 metrar ella so eftir á mál. Rúni Hansen hevur hevur tó onga aðra viðmerking enn hana, at boringin hevur gingið væl, og at teir rokna við at kunna gera støðuna upp tíðliga í næstu viku, sum teir jú alla tíðina hava sagt. Tað skilst, at eisini Statoil er komið forbí í hvussu er eitt av sínum málum. Um so var at BP ella Statoil longu høvdu troffið við olju ella gass, so hevði Oljumálastýrið uttan iva longu havt sent tíðindaskriv út. At einki tíðindaskriv enn er komið út um úrslit av leitingini higartil kundi tí bent á – hetta er okkara meting – at hvørki av olju- feløgunum er komið fram á olju ella gass, men at Oljumálastýrið bíðar við at kunngera nakað, fyrr enn feløgini ella annað av teimum er komið niður til endaliga málið. Og sum støðan sær út í løtuni fer komandi vikuskifti møgu- liga at vera hæddarpunktið ella endabresturin í Statoil- boringini, og kunnu vit tí møguliga vænta tíðinda- skriv frá Oljumálastýrinum tíðliga í næstu viku. Tíðindi kunnu tá ganga báðar vegir. Hin møguleikin er eisini til steðar, nú talan er um »tight hole« status tsv. at einans nøkur fá fólk hava atgongd til upplýsingarnar, at tað hevur borið til at halda so tætt, at einki er likið út um møgulig fund. Tað kenna vit meira enn so aðrastaðni frá. Hetta var m.a. ætlanin við fyrsta fundinum, BP gjørdi við markið í 93, tá tað fann Foinavenfeltið, men har vóru tað so vakin eygu umborð á Smyrli, sum av- dúkaðu fundið, tá tey sóu gasslogan frá boripallinum. Tann møguleikin er so eis- ini enn til steðar í boringini hjá BP hesumegin markið, tí finnur BP nakað, skal tað testa goymsluna. Og tá slepst ikki undan gass- loganum. Eigur ikki at koma óvart á Tað eigur neyvan at koma óvart á hvørki oljufeløg ella føroyskar myndugleikar, um hesar fyrstu boringar- nar nakrantíð á føroyska landgrunninum ikki enda við lønandi fundum. Vit skulu ikki gloyma, at boraðir vórðu meira enn 150 brunnar vestan fyri Hetland, áðrenn fyrsta lønandi fundið varð gjørt. Tað, sum hevur gjørt, at oljufeløgini hava verið so bjartskygd, er fyrst og fremst fatan teirra av jarð- frøðini, nevniliga hon at løgini á føroyska land- grunninum líkist teimum bretsku megin markið, har stór fund eru gjørd. Hetta bjartskygni hevur so gjørt, at oljufeløgini hava viljað satsað fleiri hundrað milli- ónir í boring, tó at tey onga trygd frammanundn hava fyri at raka rætt við fyrstu boring. Men skuldi tað hent, at eingin olja verður funnin í hesum báðum fyrstu brunn- unum, so nýtist tað ikki at merkja, at eingin olja er í føroysku undirgrundini. Hon er nevniliga stór, og oftani er tað at finna olju sum at leita eftir eini knappanál í eini sátu. Við øðrum orðum kann oljan, er hon er, liggja goymd aðrastaðni, t.d. í økinum hjá Amerada Hess ella hvør veit, í lisensinum hjá Agip og Føroya Kolvetni. Ella kanska finst hon undir basaltinum. Er bjartskygnið og vónirnar hjá jarðfrøð- ingunum, sum eru teir, ið hava tulkað seismisku upp- lýsingarnar og harvið eisini sett út í kortið, stórt, so er tað eisini ein sannroynd, at óvissan er uppaftur størri. Heilir 33 brunnar vórðu boraðir í norskum øki, áðrenn fyrsta fundið varð gjørt. Í Føroyum verða tveir teir fyrstu brunnarnir bor- aðir í hesi løtu. Tí er rætt at sláa kalt vatn í blóðið, til boringarnar eru lidnar. Men so leingi borað verður, livir vónin ….. og ræðslan. Oljuboringin: Framvegis óvissa West Navion hevur nú borað í góðar fimm vikur C M Y K 14 LesiÝ Sosialin -taÝ loysir seg!