hósdagur 30. oktober 2008síða 34

34 [ Nr. 209 - 30. oktober 2008 ] Føroyska manslands­ liðið fekk eina ordans fleingju móti Serbia. Dysturin vísti fyrst og fremst, at eru okkara ikki 125% uppi at koyra, fellur hamarin hart á altjóða pallinum Hondbóltur Jákup Mørk jakup@sosialurin.fo »Kom til babba« Soleiðis stóð á forsíðuni á dystarfaldaranum, og eisini í lýsingum, sum hava verið undan landsdystinum móti Serbia. Orðingin skuldi nok vísa til amerikanska hugtakið, har trúgvin á egnan mátt verður brúkt til at vísa avbjóðaranum, at nú skalt tú vænta tær bank. Og í so máta var vendingin kanska rættiliga beinrakin. Men hon vendi nú skeivt, tí tað vóru ikki okkara, sum góvu nøkrum bank. Heldur var dysturin ein ímynd av, tá lítlir dreingir eina løtu sleppa upp á lærið hjá teimum stóru. Skeivt upp á bein Fyri lítlum ári síðani framdi okkara hondbóltslandslið eitt tríkvart bragd, tá teir eftir ein sera spennandi dyst at enda máttu lúta við fimm málum móti stórfavorittun­ um úr Serbia. Tí vóru vónirnar ikki heilt ongar hesaferð, men tað tók bert nakrar heilt fáar minuttir, áðrenn tað stóð teimum flestu greitt, at eingin endurtøka av tí dystinum var í væntu. Eitt var, at serbiska liðið sýndi mest sum ræðandi styrki. Til støddar mundu serbisku meðaltølini vera á leið 10 sentimetrar og 15 kilo hægri enn okkara. Og tá menninir samstundis høvdu framúr tekniskan førleika, skuldi tað verða trupult hjá okkum. Men eins týdningarmikði fyri úrslitið var, at føroysku spælararnir onkursvegna ikki vóru heilt til reiðar. Av fyrstu fýra álopunum end­ aðu tey trý við tekniskum mistøkum frá okkara síðu, og tí gjørdist mótbrekkan alt fyri eitt so sera strævin. Vónin var eyðsæð, at okkara við at halda hampu­ liga fast í mótstøðuni fyrstu longu løtuna kundu skapa nakrar frustratiónir á serb­ iska liðnum. Veruleikin varð ístaðin, at serbar alt fyri eitt sluppu at punktera spenningin í dystinum, og tað gav føroysku spælar­ unum ein ordans kjaftfisk á sálarsíðuni. Samstundis sum hetta fullkomuliga tók luftina frá áskoðarunum, sum ongan tíð gjørdust til tann stuðul, sum eitt før­ oyskt landslið altíð vil hava tørv á í altjóða dystum. Fleiri glottar Úrslitið talar í so máta fyri seg. Men tað var nú ikki alt í dystinum, sum taldi skeiva vegin hjá føroyska liðnum. Tí fleiri glottar vóru hóast alt eisini at síggja. Í álopspartinum eydnaðist tað okkara fleiri ferðir at koma framat góðum møgu­ leikum. Bæði í kontra­parti­ num, og eisini í vanligum spæli. Tvey misnýtt brots­ køst, eini fimm­seks mis­ nýtt kontra og nakrar misnýttar opnar skotroyndir eiga tó at geva nakað nógv størri úrtøku enn tað sama. Og so hevði søgan brádliga verið ein heilt onnur. Heini Hanusarson vísti í løtum spæl, sum avgjørt lyftir hann upp um tað, sum føroyingar vanliga síggja í heimligu kappingini, og Finnur Hansson vísti í sínum fyrsta landsdysti, at hann er góður fongur hjá føroyska liðnum. Somu­ leiðis prógvaðu Dánjal Tór­ garð og Tróndur Kragesteen, at teir hava kvik­ og fim­ leikan, sum krevst, tá stødd­ in ikki røkkur upp móti teimum tveimum metrun­ um. Og ikki minst vísti Lars Black í longum løtum av seinna hálvleiki, at hann er ein framúr málverji. Hesar dygdir eiga saman við tí, sum hinir eisini prógvaðu í løtum, at hjálpa liðnum til munandi betri úrslit í teimum avbjóðing­ um, sum eru eftir. Men tað krevur so heilt avgjørt, at Føroyar-Serbia 20-41 (9-21): Lagdir upp á lærið Finnur Hansson hevur júst fingið føroyskt pass, og hann prógvaði í løtum, at hann er sera góður fongur hjá landsliðnum Mynd: Álvur Haraldsen Sylla sleppur á vøllin FC Amager skrivaði í august undir hálvt ára sáttmála við Sylla, sum í Føroyum er kendir frá uppihaldum sínum í ÍF og B36. Men tað hevur gingið striltið at fáa arbeiðs­ og uppihaldsloyvið hjá spælaranum upp á pláss. Og hóast felagið fleiri ferðir hevur fingið at vita, at umsóknin var mest sum avgreidd, so hava felagið og spælarin støðugt bíðað í óvissuni. Í gjár kundi FC Amager so staðfesta á heimasíðu sínari, at spæliloyvið er komið upp á pláss. Og so hevur Sylla fýra dystir til at sannføra leiðsluna í felagnum um, at sáttmálin eigur at leingjast. Avsettur og gjørdi sjálvmorð Tað gjørdist ov nógv hjá 25 ára gamla Yiannis Koskiniatis, tá hann um vikuskiftið varð avsettur undan fótbóltsdystinum millum Diagoros og Olympiakos. Diagoros spælir í griksku 3. deild, og tí var talan veruliga um stórdyst í steypakappingini. Koskiniatis hevði verið skaddur undan dystinum, og tí gjørdi venjarin av at seta hann í beinkin, men spælarin møtti als ikki upp til dystin. Seinni varð hann funnin deyður, eftir at hava lopið út av einum 12 metra høgum steini. Í brævi skrivaði hann, at venjaraavgerðin var endaliga orsøkin til sjálvmorðið. Diagoros hevði áður roynt at fingið sálarliga hjálp til spælaran til fánýtis.