fríggjadagur 31. oktober 2008síða 14

14 Nr. 210 - 31. oktober 2008 SAMBAND eirikur liNDeNSkov eirikur@SoSiAluriN.fo tlf 341800 viðmerkingar Sosialurin 3. november spennandi dagur Tað eru fleiri áhugaverdir og týdningarmiklir dagar í november í ár. 4. november er forsetaval í USA. 11. november eru val til bý- og bygdaráð kring landið. Og enn ein sermerktur dagur í november er nú mána- dagin 3. november. Henda dag skulu umsóknir til oljuleiting á føroyska landgrunninum verða inni hjá Jarðfeingi. Lítið hevur verið at frætta um áhugan. Sjálvandi fara stóru oljufeløgini, sum ætla at søkja, ikki at kunngera hetta í miðlunum, áðrenn tey lata myndugleikunum umsóknir. Og vanliga mannagongd- in hevur verið, at feløgini møta hjá Jarðfeingi tann dagin freistin gongur út, og tað er á middegi nú mánadagin. So vit kunnu bara vóna, at kallendarin hjá Jarðfeingi mánadagin fyrrapart er fullur. Hinvegin hava vit neyvan orsøk til at halda, at tað er stórur gravgangur eftir at taka lut í eini nýggjari útbjóðing. Hetta av fleiri orsøkum. Ein er tann, at fleiri av oljufeløgunum fingu loyvi í 2. útbjóðing, og hetta eru loyvi, sum tey sjálvandi fyrst vilja troyta, áðrenn tey vilja binda seg til enn fleiri uppgávur. Ein onnur orsøk kann vera tann, at feløgini hava havt og hava úr at gera at søkja um leitiloyvi í bæði bretskum og norskum øki. Um verandi heimskreppa eisini kann hava minkað um áhugan at søkja her skulu vit ikki siga, tí oljufeløg eru nokk tær fyritøkur, sum eru frægast fyri fíggjarliga og ein fortreytin fyri at tey kunnu halda fram við at virka eru nýggjar íløgur í leiting. Fyri hvønn dropa av olju tey taka upp úr undirgrundini skulu tey finna nýggjar. Um lækkandi oljuprísurin eisini kann minka um áhugan er ringt at siga. Tað var tann tíð, tá prísurin fall niður á 10 dollarar fyri tunnina og minni, og tá fór man at tosa um, at leiting um okkara leiðir við harvið fylgjandi útbygging fór ikki at løna seg. Men tað eru so eisini orsøkir til, at oljufeløgini framvegis síggja eina framtíð í okkara undirgrund. Tað er jú staðfest, at ein virkin kolvetnisskipan er í undirgrundini, og hetta er eitt týðandi trekkplástur. Tað verður eisini hildið, at júst undirgrundin um okkara leiðir er ein tann seinasta møguliga oljuleið, har tú enn kann gera stór fund. Og síðani dregur tað eisini feløg henda vegin, at tað eru gjørd stór oljufund beint hinumegin markið, Rosebank og Cambo. Eisini avgerðin hjá Total at byggja út fyrsta gassfeltið vestan fyri Hetland kann vera medvirkandi til, at oljufeløg, ið eru virkin í bretskum øki, eisini síggja føroyska økið sum ein heilt náttúrligan part í eini framtíðar leiti- og útbyggingarstrategi. So her er nakað, ið talar fyri og ímóti áhuga at vera við í eini nýggjari útbjóðing. Vónandi verða onkur av stóru oljufeløgunum við, eitt nú StatoilHydro, Dong og Chevron, sum vit vita arbeiða við eini strategi, ið fevnir um leitiøki báðumegin markið. Hvussu verður við BP, Shell oø. er ilt at meta um. Eru tey ikki við, hava tey tó altíð møguleika at farma inn hjá øðrum. Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Redaktiónsleiðari: Kári Mikkelsen karim@sosialurin.fo Marknaðardeild: lysing@sosialurin.fo Marknaðarleiðari: Gudny Langgaard gudny@sosialurin.fo Tróndur Skaalum trondur@sosialurin.fo Høgni Thomsen hogni@sosialurin.fo Elin Vatnhamar Olsen evo@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Rigmor Dam rigmor@sosialurin.fo Leo Poulsen leo@sosialurin.fo Eyðun Klakstein eydun@sosialurin.fo Árni Joensen arni@sosialurin.fo Anna V. Ellingsgaard anna@sosialurin.fo Rógvi Nybo rogvi@sosialurin.fo Eirikur í Jákupsstovu eij@sosialurin.fo Bergur Johannesen bergur@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Lýsingar Freistir: Tekstlýsingar Størri lýsingar Lýsingartorgið Heilsanir Mánadagsblaðið Mán.kl. 10 Frí. kl. 15 Frí. kl. 12 Frí. kl. 12 Týsdagsblaðið Týs. kl. 10 Mán. kl. 15 Mán. kl. 12 Mán. kl. 12 Mikudagsblaðið Mik. kl. 10 Týs. kl. 15 Týs. kl. 12 Týs. kl. 12 Hósdagsblaðið Hós. kl. 10 Mik. kl. 15 Mik. kl. 12 Mik. kl. 12 Fríggjadagsblaðið Frí. kl. 09 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39 mm og rúmið millum teigarnar er 4 mm. Innsent tilfar Fult navn skal vera undir innsendum tilfari. Innsendar greinar, har blað leiðsl­ an ikki er kunnað um bústað og telefonnummar, verða ikki settar í blaðið. Kykmyndir: Harald í Kálvalíð harald@ras2.fo Sosialurin í Norðoyggjum: Nólsoyar Pálsgøta 1, 700 Klaksvík tel. 458686 fax 458687 e­post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e­post: aki@sosialurin.fo e­post: dagfinn@sosialurin.fo !!! Haldarar sum ikki hava fingið blaðið, kunnu ringja til 341818 frá kl. 8.00­20.00 og boða frá Uppseting/prent: Uppseting: Sosialurin Prent: Prentmiðstøðin Útgevari: Sp/f Sosialurin Avgreiðsla: Mán.­frí. 8­16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag­fríggjadag klokkan 1330 Størsta og týdningarmesta avbjóðingin fyri komandi býráð er at fara undir tilgongdina til kommunus­ amanlegging í Suðuroynni. Og tað hevur alstóran týdning, at persónarnir í nýggja býráðnum hava rætta hugburðin og neyð­ ugu diplomatisku evnini, um samanleggingin skal gerast ein succes. Tí bert ein stór kommuna megnar at lyfta uppgávuna at bjóða vinnulívinum neyðugu karmarnar fyri at skapa menning, og harvið skapa nýggj arbeiðspláss. Nýggj arbeiðspláss, fíggjarligur vøkstur og størri skatta­ inntøkur er treytin fyri at Suðuroyggin kann mennast og blíva eitt betri stað at búgva. – Bara ein felags rødd hevur politisku tyngd­ ina til at ávirka landsins mynduleikar. Nýggju arbeiðsplássini skulu ser­ liga eftirlýsa vælútbúgvin ung fólk, so Suðuroyggin aftur fær lívsmegi og gerst meira moderna, við ment­ anar­, skúla­, frítíðar­ og øðrum tilboðum, sum modernaðir ungir føroy­ ingar krevja fyri at trívast. Um vit bara halda fram sum nú, kunnu vit sjálv­ boðin byrja at avmontera Suðuroynna, og tá er bara ein spurningur um tíð, til fólkatalið veruliga minkar og vinnulívsgrundarlagið hvørvur. Ella vit kunnu royna, konstruktivt og við opnum sinni – so skilagott sum gjørligt – við hjálp frá fakliga kompetentum føroyingum og útlending­ um, at fara undir eina felags proces í bjartskygni og demokratiskum anda, sum vónandi kann gera døkku framtíðarútlitini til skammar. Tað skulu vit gera, hóast ongin av okk­ um kennur svarini, og øll standa óviss og tøvandi framman fyri uppgávuni – og viðganga, at fyrsta alt­ avgerandi stigið er saman­ legging í eina kommunu. Ein felags rødd úr Suðuroynni Felagslistin á Tvøroyri KRIStIAN HoLBæK Nú hava tey eldru og óhjálpnu bíðað nóg leingi. Tað kann ikki vera meining­ in, at vit ikki hava eldra­ býli nokk. Tey sum hava tænt sína vernaplikt fyri samfelagið og kommun­ una. Tey sum hava strevast og stríðst, skapt henda vælstand, sum vit hava í dag. Tað standa í løtuni 375 á bíðilista og tað talið økist bara. Sitandi meiriluti ætlar at bíða til 2011 til at gera nakað, tá vera nokk fleir av teimum farin her frá. Her skal ikki bíðast. Her skal handlast. Fyri tveimum valskeið­ um síðani var tað heilt stóra evni, at vit skuldu hava ansingar pláss til børnini. Tað kláraði undan­ farna býráðssamgonga ímillum Fólkaflokkin og Sambandsflokkin. Vit opnaðu 15 stovnar til børn, tað er næstan ein um ársfjóringin, øll 4 árini. Eitt satt bragd. Suðurstreymur er tað økiði í landinum har tað er størst tørvur á ellis, røktar og umlætingarplássum. Okkara kommuna sum hevur tær størstu skatta­ inntøkurnar í landinum, hevur tann størsta tørvin á plássum, tað er stór og fúl skomm. Eldraøkið er ein landsuppgáva, men vit kunnu ikki bíða, tað kann ikki vera meiningin at tey eldru skullu verða offrini. Vit skullu hava pláss fyri børnunum. Vit skullu hava pláss fyri teimum eldru. Læt okkum koma skomm­ ini til lívs. Vel Fólkaflokk­ in sum syrgdi fyri at børn­ ini hava ansing. Gev mær tína stemmu so skal eg syrgja fyri at tey eldru eisini blíva ansaði. X við pláss fyri teimum eldru. X við Lista A. X við Karlot Hergeirsson Skommin hjá Tórshavnar Kommunu KARLot HERgEIRSSoN Eftir lokna skúlagongd, t. v.s. eftir 9 og 10 flokk, er ein vaksandi áhugi hjá okkara ungu at fara uttan­ landa á eftirskúla ella at arbeiða í fremmandum umhvørvi. Eftir langa skúlagongd, hava tey ungu tørv á, at fara heimanífrá, at nema sær kunnleika, at uppliva nakað annað. Tey mennast av at koma heimanífrá, soleiðis at tey eru betri fyri, at takað ímóti teimum avbóðingum, ið okkara miðnámsskúlar geva teimum. Tíanverri, hava fleiri av okkara ung­ dómi ikki pening, ella møguleika, at spara pening upp, fyri at fara uttanlanda. Tórshavnar Kommuna hevur samskifti við komm­ unir / býir, í øðrum norðan­ londum, og hevði tað verði ein góður møguleiki, at gjørt sínamillum avtalur um at hjálpa teimu ungu við tilboðum uppá eftir­ skúlar, ungdómsarbeiði o. a., eisini á tí fíggjarliga økinum. Ungdómur og eftirskúlar X Fólkafloksins ELLA SLoAN MüLLER