mánadagur 3. november 2008síða 34

34 Nr. 211 - 3. november 2008 Valið í morgin kann gerast ein sonn vanlukka fyri tann republikanska flokkin, tí umframt Hvítu Húsini kann hann eisini missa fleiri sessir í Kongressini Nógv bendir á, at dagurin í morgin kann gerast ein av teimum svørtu døgunum í søguni hjá republikanska flokkinum í USA. Sambært meiningakanningunum stendur flokkurin til at missa forsetaembætið, men harafturat er tað líkt til, at flokkurin eisini kann missa fleiri sessir í Kongressini. Politiskir eygleiðarar siga, at umstøðurnar hava ikki verið republikanska flokkinum til vildar hesaferð. Í fyrsta lagi líður flokkurin undir, at floks­ felagin í Hvítu Húsunum, George W. Bush, er so illa umtóktur, at tað finnast neyvan fordømi um tað í søgu landsins. Í øðrum lagi hevur Bush­umsitingin ikki verið serliga heppin við at taka sær av fíggjarkreppuni, og í triðja lagi tykjast fleiri amerikanarar at vera hugtik­ nir av Barrack Obama held­ ur enn John McCain. Hjá demokratunum er støð­ an tann øvugta. Teir vænta at fáa uppaftur størri meiriluta í Kongressini, enn teir hava havt síðani miðvalið í 2006, tá millum annað misnøgdin við kríggið í Irak gjørdi, at nógvir republikanskir kon­ gresslimir fullu. Kunnu fáa ræðið Í morgin skulu veljararnir manna ein triðing av teim­ um 100 sessunum í Senatin­ um og alt Umboðsmanna­ tingið. Tveir triðingar av teimum senstasessunum, sum eru á vali í morgin, eru nú mannaðir við republik­ anarum, men nógv bendir á, at tað verða demokratar, sum seta seg í teir aftan á valið í morgin. Teir seinastu dagarnar hevur John McCain ávarað republikonsku veljararnar ímóti at lata demokratarnar fáa forsetaembætið og fult ræði á Kongressini, tí so koma teir at sita á allari lóg­ gávu tey næstu árini. Í løtuni hava demokratar­ nir 51 senatorar og republik­ anararnir 49, men sambært teimum seinastu meininga­ kanningunum kunnu demo­ kratarnir fáa seks ella sjey senatorar afturat. Í Umboðsmannatinginum hava demokratarnir greiðan meiriluta við 235 limum ímóti teimum 199 hjá republikanska flokkinum. Kanningarnar siga, at her fáa demokratarnir millum 20 og 30 afturat í morgin. Politiskir eygleiðarar siga, at fáa demokratarnir bæði frosetaembætið og fult ræði á Kongressini, kann tað rudda slóð fyri, at Barrack Obama kann fremja tann politikk, sum hann hevur lagt fram undir valstríðnum. Demokratiska forsetaval­ evnið fekk í gjár hjálp frá tónleikastjørnuni Bruce Springsteen Meiri enn 60.000 fólk vóru komin saman til velj­ arafund hjá Barack Obama í býnum Cleveland í statin­ um Ohio í gjárkvøldið. Men tey vóru tó ikki bara komin at lurta eftir Obama, tí und­ an fundinum var fráboðað, at sjálvur Bruce Springsteen skuldi á pallin. Við einum akustiskum gittara spældi stjørnan mill­ um annað lagið „The Ris­ ing“, eitt lag, sum hevur verið nógv brúkt í sambandi við veljarafundir hjá Bar­ rack Obama. ­ Eg havi brúkt 35 ár til at skriva um USA og amerik­ anska fólkið, og hvat tað merkir at vera amerikanari. Tjóðini trøvar ein, sum hevur teir eginleikar, sum júst Obama hevur, segði Springsteen og varð dúgliga fagnaður. Demokratiska forsetaval­ evnið duldi heldur ikki fyri, hvat hann heldur um The Boss: ­ Tað eru bara nøkur heilt fá, sum ígjøgnum sín tón­ leik og sang seta sín dám á okkara lív við at siga okkum søguna um tað amerikanska fólkið, og Bruce Springsteen er ein teirra, segði Obama. The Boss spældi »The Rising« fyri Barrack Obama Bruce Springsteen á pallinum í Cleveland saman við Barrack Obama Mynd: Polfoto Republikanararnir kunnu fáa ein frammaná í morgin Eftir hesum valkortinum stendur Barrack Obama til at vinna í statum við 278 valmonnum, meðan John McCain stendur til at vinna statir við 132 valmonnum. Eftir at kappast um eru statir við 128 valmonnum Kort: Aftenposten útlond