týsdagur 4. november 2008síða 29

29 vinnan Nr. 212 - 4. november 2008 Atlantsflog kann liva við, at ongar ábøtur verða gjørdar í Vága Floghavn - men tað kunna Føroyar og føroyingar ikki, ljóðar tað frá stjóranum Magna Arge flog­vøllur Edmund Jacobsen Tað hevur alstóran týdning, at ábøtur sum skjótast verða gjørdar í Vága Floghavn. Annars er vandi fyri, at før­ oyingar gerast eftirbátar innan flogferðslu. Soleiðis ljóða boðini frá Magna Arge, stjóra í Atlants­ flog. ­ Ongar ábøtur eru framd­ ar á verandi undirstøðukervi til flúgving í eini 25 ár. Og kappingarførið viknar mót­ vegis øðrum tjóðum, sum støðugt hava gjørt íløgur í betri flogumstøður. Um vit ynskja at betra um regulari­ tetin og at hækka trygdina, so hava vit ikki ráð til at bíða við ábótum. Hetta má og skal raðfestast ovast, sig­ ur Magni Argi. Rímiligt ynski Magni Arge hevur onga avgjørda meining, tá ið tað snýr seg um framhaldandi tjakið um nýggjan flogvøll, ella eina eyka lendingarbreyt í Klovanum, tætt við ver­ andi floghavn. Hann vísir á, at sum felag fer Atlantsflog altíð at virka undir teimum umstøðum og fortreytum, sum nú einaferð eru gald­ andi. ­ Hetta merkir sostatt eis­ ini, at vit gott kunnu virka, hóast ongar ábøtur verða framdar í Vága Floghavn. Men eg haldi ikki, at tað er órímiligt at ynskja sær ábøt­ ur á føroyska undirstøðu­ kervi til flogferðslu, tá ið havt verður í huga, hvussu stórar íløgur eru framdar í føroyska ferðslukervi sum heild hesi seinastu 25 árini, sigur Magni Arge. Hann hevur áður víst á, at bæði trygd og regularitetur kunnu hækkast við at fremja íløgur í betri inn­ flúgvingartól, nýmótans ljós og eina longri lending­ arbreyt. Hesar íløgur eiga at verða framdar sum skjót­ ast, so til ber at nýta fleiri ymisk sløg av flogførum ­ tyngri sum lættari ­ og at hesi kunnu lenda undir tor­ førari veðurlíkindum enn í dag. Skeivt at tengja saman Magni Arge vísir eisini á, at jú støðugari arbeiðstreytir Atlantsflog hevur, tess lætt­ ari er tað hjá felagnum at gera álítandi framskrivingar, og síðani at fremja íløgur í tráð við hesar. ­ Eg má bara vóna, at av­ gerðin um at leingja flog­ vøllin í Vágum stendur við, so vit kunnu koma víðari innan lutfalsliga stutta tíð. At man seinni møguliga tek­ ur avgerð um at gera eina størri floghavn, tað er fín­ asta slag. Men ábøtur á ver­ andi undirstøðukervi, sum eftir mínum tykki eiga at verða gjørdar sum skjótast, mugu ikki verða tengdar at, hvørvítt vit í Føroyum skulu hava ein nýggjan flog­ vøll ella ei, heldur Magni Arge. Hann vísir á, at íløgur inn­ an undirstøðukervi til flog­ ferðslu sum oftast verða avskrivaðar yvir eitt langt áramál ­ kanska eini 50 ár ­ og at føroyingar fáa stórt gagn av verandi flogvølli, um ein nýggjur flogvøllur verður lagdur soleiðis, at veðurumstøðurnar kom­ pensera hvønn annan.. ­ Sum felag fer Atlantsflog framhaldandi at virka undir teimum umstøðum, sum nú einaferð eru galdandi. Men sum føroyingur hevði eg ynskt, at viðurskiftini vóru betri, sigur Magni Arge. Ábøtur meira átrokandi enn nakrantíð Tað er torført hjá Atlantsflog at leggja ætlanir fyri framtíðina undir núverandi umstøðum, har ið ongi útlit eru til eina politiska semju um eitt betri føroyskt undirstøðukervi innan flogferðslu, heldur Magni Arge, stjóri í Atlantsflog Russar sett fleiri lond á svartalista Tað eru sanniliga ikki bara føroysk virkir, sum russiska matvørueftirlitið heldur eygað við. Nú hava russisku myndugleikarnir boðað íslendingum frá, at tær 41 íslendsku fyritøkurnar, sum hava havt útflutningsloyvi til Russlands, eru settar á svartalista og hava mist loyvið. Somu boð hava útflutningsfyritøkur í Argentina, Kili, Peru, Uruguay og Kasakstan fingið. Samstundis hava fyritøkur í Avstralia, Týsklandi, Grikkalandi, Kanada, Indonesia, Niðurlondum, Portugal, Fraklandi, Japan og Svøríki fingið boð um, at tær eru góðkendar sum útflytarar. Í Danmark hava allar fyritøkurnar við undantak av trimum fingið góðkenning, skrivar NTB. Eitt lítið KT-virki er blivið 1 ár Vit hava loyst uppgávur innan Microsoft SharePoint fyri smáar kundar við 10 starvsfólkum og fyri stórar kundar við 1.6 mió brúkarum á teirra ekstraneti. Hava eisini verið ráðgevar og undirveitarar í sambandi við verkætlanir á 1.3 mia krónur. Stutt sagt, so elska vit at loysa uppgávur í SharePoint! SkráSettur MicroSoft Partnari Grafikmaster tel 227000 Intra er leiðandi innan Microsoft SharePoint við kundum á privata og almenna økinum, bæði í føroyum og í Danmark. Vit hava hollar royndir innan Microsoft, .net, SharePoint og office 2007.