týsdagur 11. november 2008síða 16

16 vinnan Nr. 217 - 11. november 2008 Faroe Petroleum var tað einasta oljufelagið til 3. føroysku út­ bjóðingina, sum var við í tveimum umsóknum, umframt at felagið í ár hevur verið við í trimum øðrum útbjóðingum aðrastaðni Virkið oljufelag Jan Müller jan@sosialurin.fo Jarðfrøðingarnir hjá Faroe Petroleum hava havt úr at gera seinasta hálva árið, nú umsóknirnar til tað triðja føroyska útbjóðingarumfar­ ið er latið Jarðfangi. Før­ oyska umsóknin er tann fjórða, sum felagið hevur latið inn í ár til oljuleiting sum heild. Fyrsta umsóknin varð lat­ in inn til tað 25. bretska útbjóðingarumfarið, síðani vórðu umsóknir til tey bæði norsku umførini, APA 2008 og tað vanliga (frontier) 20. útbjóðingarumfarið latnar inn, og nú til seinast um­ sóknirnar til tað triðja før­ oyska útbjóðingarumfarið. Nils Sørensen, stjóri sig­ ur, at Faroe Petroleum frá byrjan hevur lagt seg eftir at søkja um loyvi í sambandi við útbjóðingarumfør og síðani menna loyvini fram til, at ein avgerð kann tak­ ast, um tað er ráðiligt at bora á loyvunum, ella um tey skulu latast innaftur til myndugleikarnar. Hesin ar­ beiðshátturin gevur mestu virðisøkingina til felagið, samanborið við til dømis at keypa seg inn í loyvi, sum onnur feløg hava virðisøkt. Felagið hevur í dag íalt 49 loyvi á føroyskum, bretsk­ um, norskum og hálendsk­ um øki. StatoilHydro álitið á Føroyaøkinum Í sambandi við 3. útbjóðing­ arumfar í Føroyum hevur felagið avgjørt at luttaka við tveimum umsóknum, eini har Faroe Petroleum er fyristøðufelag og fevnir henda umsóknin um eitt øki, sum liggur upp at loyvi 012, ið felagið framman­ undan hevur 100% av. Ætl­ anir eru um at gera fleiri tekniskar kanningar á øki­ num, so støða kann takast til, um borast skal á har. Í hesum sambandi er felagið í samráðingum við onnur oljufeløg, um at koma inn á loyvið so váðin kann býtast millum fleiri feløg sigur Nils Sørensen. Hin føroyska umsóknin er latin inn saman við Stat­ oilHydro, ið er fyristøðufe­ lag, Faroe Petroleum hevur sett seg fyri 10% av umsóknini. Samstarvið við StatoilHydro byrjaði við aðru útbjóðingarrundu, tá loyvini 006 og 009 vóru tillutað, og Nils Sørensen sigur, at tað er onki at taka seg aftur í, at StatoilHydro er tað felagið, sum hevur drúgvastu royndirnar á føroyska økinum og má sig­ ast at vera álitið, tá talan er um framtíðar leiting á før­ oyskum øki. Felagið hevur bæði tekniska og fíggjarliga orku til at vera fyristøðu­ felagið í Føroyum. Feløgini samstarva eisini á norskum øki. Við frá byrjan Stjórin í Faroe Petroleum vísir á, at felagið hevur lut­ tikið í øllum trimum før­ oysku útbjóðingarumførun­ um. ­ Hetta er ein partur av stragegiini hjá felagnum, sum eisini hevur sína byrjan í Føroyum, har tað varð stovnsett í 1998. Felagið metir, at økið er framvegis sera áhugavert og kann møguliga í framtíðini verða við til at geva tí føroyska samfelagnum stór virði. Felagið hevur nýtt tætt við kr. 200 mió. Kr. í leitiút­ reiðslum ­ eitt nú luttøku í trimum brunnum, og fleiri 2D og 3D seismikkkann­ ingum higartil ­ á Føroya­ økinum fyri at fáa meiri vitan, um olja ella gass kunnu finnast rakstrarverd­ ugum nøgdum. Faroe Petroleum luttekur í 5 føroyskum loyvum, bæði sum fyristøðufelag og sum vanligur loyvishavari, loyvini eru 002, 005, 006, 009 og 012, og tað mest spennandi loyvi í løtuni er loyvi 005, sum verður borað í komandi ári við ENI sum fyristøðufelag. Fyrireiking­ ar til hesa boring eru longu byrjaðar og inni á bryggjuni í Runavík liggur ein partur av útgerðini til boringina. Tað er Atlantic Supply Base, sum stendur fyri flest øllum tænastuveitingum út frá Runavík til komandi boring, og hevur felagið veitt tænastuveitingar til allar boringarnar, sum hava verið á føroyskum øki. Faroe Petroleum setti ASB á stovn í sambandi við 1. útbjóðingarumfarið sum ein part av førleikamenning, har føroyskar fyritøkur skuldu fáa møguleika at veita tænastur til oljuvinn­ una. Nú eru eini 15­20 partaeigarar í felagnum, flestu teirra eru fyritøkur, sum frammanundan veita tænastur til fiskivinnuna. ASB er fyri stuttum blivið ISO góðkent og hevur ætl­ anir um at økja um virk­ semið. Men hvussu er Faroe Petroleum so fíggjarliga fyri at skula luttaka í kostn­ aðarmiklum boring, eitt nú Anne Marie brunninum á føroyska landgrunninum? ­ Faroe Petroleum er fíggj­ arliga væl fyri til at luttaka í einum sera aktivum bori­ programmi, og vónandi vera virðisøkingar komandi árini. Felagið hevur eitt sera gott samskifti við institutio­ nellu partaeigararnar og fíggarstovnar, ið eru við til at fíggja felagið undir teim­ um vanligu treytum, sum eru galdandi í eini altjóða oljuvinnu. Faroe Petrolum brettir upp armar Faroe Petrolum er við í fimm loyvum á landgrunninum, tað mest áhugaverda er 005, har Eni fer at bora næsta ár. Loyvi 012 er so mikið spennandi, at felagið hevur søkt og fingið eitt loyvi nærhendis. Aftrat hesum hevur felagið søkt um tvey nýggj loyvi í 3. rundu Kelda Jarðfeingi Meinhard Jacobsen, nevndarlimur í Faroe Petroleum letur Jarðfeingi umsókn til leitiloyvi í 3. útbjóðing Mynd Jensk K Vang.