mikudagur 12. november 2008síða 16

16 tíðindi Nr. 218 - 12. november 2008 - Eg eri ikki nøgd við, at vit bert fingu tvey umboð av sjey í bygdaráðið. Eg dugi heldur ikki at síggja, at úrslitið hevði verið øðrvísi, um vit høvdu kvinnur á almenna listanum umframt lista B, sum bara var mannaður við kvinnum, sigur Jansy Olsen, sum er forkvinna í Tofta Kvinnufelag Kommunuval Vilmund Jacobsen vilmund@sosialurin.fo Tveir listar vóru til komm­ unuvalið í Nes kommunu hesaferð, listi A, sum varð gjørdur á almennum fundi í Tofta skúla – og listi B, sum var ein reinur kvinnulisti. Tá leið móti middegi, var líkt til, at undirtøkan fyri valinum fór at vera heldur minni hesaferð enn á vali­ num fyri fýra árum síðan. Men sum seinnaparturin leið, kom rættilig ferð á, at nógv fólk streymaðu í høl­ ini at velja. Tilsamans 894 fólk høvdu valrætt í Nes kommunu, og tá hølini lótu aftur, høvdu 758 fólk greitt avkvøðu, sum svarar til 84,8%. Símun gott val Listi A, har eitt nú sitandi borgarstjóri, Símun Jo­ hannesen, Petur Jacob Petersen (Dakku) og Súni í Hjøllum, vóru á, fekk tilsamans 525 atkvøður, meðan listi B, sum bara var mannaður við kvinnum, fekk 231 atkvøður Úrslitið gjørdist, at listi A fekk fimm umboð og listi B tvey. Tey, sum vórðu vald á lista A, vóru Símun Jo­ hannesen (94), Petur Jacob Petersen (81), Súni í Hjøllum (77), Jóhannus Danielsen (72) og Jákup Martin Kjeld (58). Á lista B vórðu Elin á Torkilsheyggi (61) og Sun­ fríð Jacobsen (47) valdar. Sitandi borgarstjóri hevði soleiðis eitt rættiliga gott val, og tá havt verður í huga, at Jonna Joensen, sum býr saman við beiggja hansara, eisini var á kvinnulistanum, var valið ikki minni gott. Petur Jacob Petersen hevði eisini eitt gott val, eins og Súni í Hjøllum, sum leingi hevur verið uppi í kommunalpolitikki og ser­ liga hevur sett síni spor í teknisku nevnd, eisini varð afturvaldur. Misnøgdar kvinnur Meðan upptelingin fór fram í valhølunum á Toftum, vóru nakrar kvinnur inni á gólvinum, og millum hesar var Jansy Olsen, sum er ein stríðkvinna fyri øktum leikluti hjá kvinnum. Jansy var ikki sjálv á lista B, men eingin ivi er um, at hon hevur havt ein virknan leiklut uppundir valið. Jansy segði seg ikki vera nøgda við kommunuvalið, har talið av kvinnum gjørd­ ist tvær av sjey bygdaráðs­ limum. ­ Nei, eg eri ikki nøgd, men dugi heldur ikki at síggja, at úrslitið hevði verið øðrvísi, um vit høvdu kvinn­ ur á almenna listanum um­ framt lista B, sum bara varð mannaður við kvinnum. Tóku seg av Tá almenni listin varð gjørdur í skúlanum á Toft­ um fyri valið, vóru umleið 70 fólk á fundi, og her vórðu fýra kvinnur at­ kvøddar inn á almenna listan. Men, sum dagarnir gingu, gjørdu kvinnurnar, sum vóru komnar á henda listan, av at taka seg av aftur og skipa sín egna lista. Soleiðis var eingin kvinna á almenna listanum, tá samanumkom. Jansy dugir tó ikki at síggja, at tað hevði broytt nakað upp á kvinnuligu umboðanina, um fýra kvinnur vóru á almenna listanum – og at listi B var ein reinur kvinnulisti. ­ Nei, tað trúgvi eg ikki hevði gjørt tann stóra munin, sigur ein heldur vónsvikin Jansy Olsen. Borgarstjóri styrkti sína støðu Valluttøkan til kommunuvalið í Nes kommunu var 84,8% Mynd: Vilmund Jacobsen Sitandi borgarstjóri í Nes kommunu, Símun Johannesen, fekk 94 atkvøður á kommunuvalinum, sum má sigast at vera eitt rættiliga gott val Mynd: Vilmund Jacobsen Nógvar hugnaligar løtur eru í valhølunum ein langan valdag, og viðhvørt rungar látur Mynd: Vilmund Jacobsen