hósdagur 13. november 2008síða 8

8 tíðindi Nr. 219 - 13. november 2008 Nývaldi Albert Ellefsen úr Miðvági gjørdist fyrsti borgar­ stjórin í nýggju Vága kommunu Kommunu­ politiKKur Bergur Johannesen bergur@sosialurin.fo Undan kommunuvalinum løgdu Miðvágur og Sør­ vágur saman, og sostatt var fyrstu ferð valt til kommunu­ stýrið í nýggju Vága kommunu. Albert Ellefsen, sum ikki er kendur innan politiska heimin, verður fyrsti borgarstjórin. ­ Eg havi einaferð fyrr verið uppstillaður til kom­ munuval, men tað var sum heilt ungur. Eg hevði ongan áhuga fyri tí tá, haldi eg fekk einar tvær atkvøður. Var uppstillaður fyri Fólka­ flokkin til løgtingsvalið í 1994, men tað eydnaðist heldur ikki. Havi verið spurdur um at stilla upp síð­ an, men eg havi havt tol at bíða til nú, sigur nývaldi borgarstjórin. Hóast flestu atkvøðurnar komu úr heimbygdini, so ivaðist hann ikki í, at hann ikki er ókendur í hinum bygdunum, nevniliga tí hann millum annað hevur verið virkin innan ítrótt har. Í familjuni stillaðu bæði eitt syskinabarn og beiggi hans­ ara upp til hetta valið, so frá hvørjum atkvøðurnar koma, veit hann ikki at siga. Men málbólkurin av veljarum, ið kundu valt hann er stórur, tí hann er virkin innan bæði vinnulív og ítrótt. Vil taka avgerðir Hann metir eina av orsøku­ num til atkvøðurnar hann fekk, vera at hann vil sam­ starva við hinar bygdirnar. Mál sum ferðsla, skúli og trivnaður hava verið tað, ið hann hevur marknaðarført seg við. Miðvágs og Sørvágs kommuna hava leingi sam­ starvað á fleiri økjum, men Albert Ellefsen metir at endaliga samanleggingin er eitt stórt stig frameftir, ­ Nú fer bygdarráðið at taka neyðugar avgerðir á økjum har bara klandur hev­ ur verið áður. Skúlin og ellisheimið eru tvey av hes­ um økjum. Vandin við sam­ starvi er at einki hendir, tí avgerðirnar verða tiknar í báðum støðum. Nú verða tær eisini felags, sigur Albert Ellefsen. Endamálið við saman­ leggingini var ikki at spara, sum tað til tíðir er. Í Vága kommunu er ætlanin fyrst og fremst at hækka tænastu­ støðið, greiðir hann frá. Onkrar møguligar sparingar vera í rakstrinum, so meira fæst burturúr starvsfólku­ num. Samansjóðing er ovast á dagsskránni hjá Jóhan Christiansen, ið er fyrsti borgarstjórin í Eystur kommunu Kommunu­ politiKKur Bergur Johannesen bergur@sosialurin.fo Frá at vera bygdaráðslimur í Leirvíkar kommunu eydn­ aðist tað Jóhan Christian­ sen at gerast borgarstjóri í nýggju Eystur kommunu, sum umfatar Leirvík og Gøtu. Ovast á dagsskrá hansara liggur samansjóð­ ing, tí tað er umfatandi at fáa samanleggingina at rigga, greiðir hann frá. ­ Tað kom eitt sindur óvart á meg at gerast borgar­ stjóri, men sjálvandi var hetta málið, tá eg valdi at stilla upp, sigur hann. Hann ætlar fyrst og fremst at virka fyri at fáa samanleggina at rigga. Tað hevur nógvar fyrimunir fyri hesar kommunur at tær eru lagdar saman, tí á rakstar­ økinum er nógv at spara og tí millum annað ber tli at gagnnýta stovnarnar hjá hvørjum øðrum. ­ Eystur kommuna verður ein av teimum heilt sterku kommununum á fíggjarliga økinum og við at leggja vinnuøkið rætt, ber til at vir­ ka betri og at spara meira. Eitt av málunum, sum hava verið uppi og vent í nýggju kommununi er skúl­ in. Hann greiðir frá, at eitt tilmæli hevur verið um at leggja skúlarnar báðar sam­ an, eitt um at byggja ein nýggjan felagsskúla. Sjálv­ ur ætlar hann at finna fram til eina loysn, í sátt og semju við borgararnar í báðum bygdunum. Jóhan Christiansen er úr Leirvík, men er kortini hálv­ ur gøtumaður. Hann hevur bechelor útbúgving í Stjørn­ málafrøði og seinasta skeið sat hann í bygdaráðnum í Leirvík, og hevur eisini sitið sum stýrislimur í Før­ oya Kommunufelag. Í dag starvast hann á Faroe Marine Products. Jóhan Christiansen leggur størst dent á, at samanleggingin av Gøtu og Leirvíks kommunu nú skal fáast at rigga. Fyrsti borgarstjórin í Vága kommunu Samanleggingin er fyrsta avbjóðingin Albert Ellefsen, nývaldi borgarstjórin í nýggju Vága kommunu, er kendari innan ítrótt og vinnulív enn politikk. Sjálvur metir hann hetta hava verið við til at gera góða úrslitið. Mynd: Leo Poulsen Albert Ellefsen býr í Mið­vági, men sleit sínar barnaskógvar í Sørvági. Hann hevur akademi­ útbúgving í altjóð­a handli og marknað­ar­ føring. Í løtuni starvast Albert Ellefsen sum umsitingarleið­ari á Fiskirannsóknarstovuni. FAKTA Móti og mentan á Reinsaríðnum Í kvøld skipa handlar í miðbýnum fyri mótasýning í Gamla Reinsarínum í Tórsgøtu. Handlarnir hava hesaferð lagt dent á at skapa eina størri heild kring mótasýningina, so tónleikur, mentan, hugni og góður matur eru partur av konseptinum. Mótasýningin fer at sýna tað nýggjasta innan føroysk og útlendsk konu­ og mannfólkaklæði, umframt mótan innan brillur, smúkkur og hársnið. Áðrenn mótasýningin byrjar, fer Uni Debes at undirhalda við tónleiki og fyrireikararnir bjóða í samstarvi við Smyrjibreyðsbúðina eitt ábit. Uni spælir eisini í steðginum og eftir mótasýningina. Við teimum serstøku og ráu kørmunum í Reinsarínum verður talan um eitt spennandi og samansett kvøld. Hetta skuldi verið júst tað rætta fyri vinkonubólkar ella pør, sum treingja til eitt kvøld við hugna og íblástri, áðrenn jólastrevið av álvara tekur dik á seg. Luttakandi handlar og fyritøkur eru Sirri, Touché, Niels L. Arge, Kallkyn, Optikkbúðin, Klivin, Siri, Beinta Vilhelmsen Skraddarí og Royal Hárfríðkan. Tiltakið er ókeypis, og dyrnar lata upp í Reinsarínum hóskvøldið kl. 19.30. Mótasýningin, sum verður í tveimum pørtum, byrjar kl. 20.00.