fríggjadagur 7. september 2001síða 3

4 Nr. 172 - 7. september 2001 Nr. 172 - 7. september 2001 5 Í samband við vegagerðina til undirsjóvartunnilin verður ferðslan frá ferjuleguni við Oyrargjógv løgd um. Broytingin fer at vara, til tunnilin er latin upp VEGAGERÐ Edvard Joensen á Fútakletti: Ferðslan til og frá ferjuleguni við Oyr- argjógv fer at verða eitt sindur umskipað fram til upplatingina av undirsjóv- artunnlinum. Talan verður um økið, har nýggi tunnils- vegurin verður bundin í verandi veg. Har, sum nýggi tunnils- vegurin verður bundin í verandi veg millum Oyrar- gjógv og Sandavág, verður gjørt eitt rættiliga stórt sving. Hetta svingið verður gjørt liðugt nú beinanveg, meðan arbeiðið er í gongd, og so verður tað liggjandi, til tunnilsvegurin verður tikin í nýtslu, sigur Dávur Reinert Hansen, stjóri í partafelagnum Vágatunnl- inum. Fólk hava undrast á ta rættiliga stóru grótrúgvuna, sum løgd verður niðan fyri vegin sunnanvert Fútaklett. Ymsar gitingar hava verið um, hvat hetta er. Bumm- støð, grótgoymsla og so framvegis, gita fólk. Men svarið er sera ein- falt, sigur Dávur Reinert Hansen. Hatta er svingið frá tunnlinum til Sanda- vágs. Bummstøðin fer at liggja við Kálvadalsá beint norðan fyri, har tunnilin kemur upp Vágamegin. Hann greiðir frá, at svingið verður gjørt so stórt og lyft so høgt upp, fyri at fáa fyrsta teinin niðan á Háls so slættan og lættan sum gjørligt. Men tað hevur so við sær, at neyðugt verður at gera hetta stóra svingið tvørtur um verandi veg. Og so verður aftur neyðugt at gera onkra umlegging av ferðsl- uni millum Oyrargjógv og bygdirnar í Vágum. – Tað, sum fer at henda her, greiðir Dávur Reinert Hansen frá, verður, at ferðslan fer at ganga tvørtur um hetta nýggja svingið. Byrjað verður at koyra um nýggja svingið ein av fyrstu døgunum, uttan at kunna dagfesta tað heilt nágreini- liga, sigur hann. – Men tað fara vit at fáa at vita í dag sum ein annan dag, og lýst verður væl og virðiliga beinanveg, gjørt er av, nær tað verður, sigur hann. Tað verður soleiðis, at ein stikkvegur verður gjørdur oman av grótrúgvuni, sum seinni verður til sving. Bil- arnir, sum ferðast hendan- veg, skulu so upp ella niður av hesi rúgvuni. Tað merkir so aftur, at teir noyðast at tálma hesi ferðsluni, og er valt at gera tað við ferðslu- ljósum, sum sett verða upp á staðnum. Dávur Reinert Hansen, stjóri í Vágatunnlinum, sig- ur, at hendan skipanin fer at vara alla tíðina frá tí, farið verður undir arbeiðið, til tunnilin verður tikin í nýtslu. – Tað fer sjálvandi at tarna ferðsluni eitt sindur, metir hann, men væntar kortini, at fólk fara at góð- taka eina slíka neyðuga broyting í vanliga ferðslu- mynstrinum. Gongur væl Dávur Reinert Hansen letur væl at arbeiðsgongdini inni í undirsjóvartunnlinum. Teir halda tíðarætlanina gott og væl, sigur hann. Um gongdin verður, sum hon er nú, væntar hann, at hol verður undir Vestmanna- sundi um ársskiftið kom- andi. Hvørjumegin við, vil hann tó ikki siga nakað um. Í skrivandi stund vísa tølini, at teir hava borað 62% av samlaðu tunnilslongdini. Hann sigur, at teir eru komnir niður í somu flág- irnar Leynamegin, sum teir eru í Vágamegin, og tær eru góðar at arbeiða við, láta teir at. Norðmenninir, sum hava arbeitt við slíkum fyrr, siga seg eisini vera væl nøgdar við tilfarið, sum teir ar- beiða í. – Men sjálvandi kann okkurt stinga seg upp enn, sigur Dávur Reinert Han- sen, og vil líkasum biða fólk taka tað eitt sindur róligt. Hann sigur, at onkur smávegis leki hevur verið, sum teir so hava tett við at pumpa betong inn í rivurn- ar. Onkustaðni verður stoypt runt, sigur hann, men tað verður kortini ikki soleiðis, at allur tunnilin verður fóðraður við be- tongi. Tunnilin fer at líkjast teimum føroysku tunnlun- um, sum eru frammanund- an. Ljós verður inni, sum verður heldur betri enn tað í Kollafjarðartunnlinum, greiðir stjórin frá. Kaðal til telefon og útvarp verður drigin igjøgnum, eins og út- luftingin verður góð. Viftur, sum fara at syrgja fyri, at tað alla tíðina er frísk luft inni, verða allan vegin í gjøgnum tunnilin. Tað lekur altíð eitt sindur ígjøgnum fjallið, sum vit síggja tað í øllum tunnlum í Føroyum. Hendan lekan fara fýra pumpur at beina burtur. Tær verða so stórar, at hvør teirra til einahvørja tíð klárar 50 prosent av tí leka, sum er. Tað vil siga, at tað altíð er dupultur pumpukapasitetur til tað, sum kann koma niður und- an loftinum. Ferðslan á Fútakletti umløgd Arbeiðið upp á tað stóra svingið norðan fyri Fútaklett fer at gera, at neyðugt verður at broyta ferðsluna á staðnum eitt sindur. Hetta fer at standa við, til undirsjóvartunnilin verður tikin í brúk Mynd: Edvard Joensen Mánadagin lat ein nýggjur dagstovnur upp í Øksnagerði í Havn. Hann fer at hava pláss fyri eini 70 børnum BARNAGARÐUR Stefan í Skorini Stórur tørvur er á ansingar- plássum, og hetta sæst aftur við at nýggir dagstovnar lata upp. Dagstovnurin í Øksnagerði er tann nýggj- asti í røðini. Har verða pláss fyri eini 70 børnum, tá hann er liðugur. Ein stova verður til smábørn um tvey ára aldur, ein stova verður til børn við serligum tørvi og tvær stovur eru ætlaðar størri børnum undir skúlaaldur. 20 børn vera í hvørjari stovu, men í stovuni fyri børn við serligum tørvi er bara pláss fyri 10-12 børnum. Enn er barnagarðurin ikki liðugur, og tí eru bara tvær stovur tiknar í nýtslu, og har eru átta børn í hvørjari. Triðja stovan verður klár til brúk um fáar dagar, men tann seinasta stovan er ikki klár fyrr enn í november. Tað er eitt sindur óhepp- ið, at barnagarðurin ikki er liðugur til tíðina. Foreldur høvdu fingið at vita, at hann fór at vera liðugur um hesa tíðina, og tí má stovnurin taka ímóti børn- unum beinanvegin. Eini fimtan starvsfólk fara at vera knýtt at stovn- inum, tá øll børnini eru flutt inn. Tveir nýggir Ætlanin er at tveir nýggir stovnar skulu standa klárir at taka í nýtslu komandi summar. Býráðið hevur ætlanir um at byggja tveir stovnar við 120 ansingar- plássum tilsamans. Ein stovnur verður á Løg- mannabreyt og hin verður á Hamrinum á Argjum. Har- umframt arbeiðir Føroya Tele við at gera ein ans- ingarstovn. Dagstovnurin í Øksnagerði lat upp herfyri, og pláss verða fyri 70 børnum tilsamans Mynd: Álvur Haraldsen Nýggjur dagstovnur við 70 plássum Mikudagin varð nýggja høsarhúsið hjá Annfinni Brekkstein reist. Nú skal talið av hønum meira enn tví- faldast ÚTBYGGING Stefan í Skorini Tað gongur strúkandi við eggvirkinum á Velbastað. Húsið hevur ikki langa tíð á baki, tí Føroya Egg sendi tey fyrstu eggini á markn- aðin í juli í fjør, og longu nú verður bygt út. Pláss skal vera fyri fleiri hønum, so at føroyski brúkarin kann fáa egg alt árið. Higartil hevur tað verið soleiðis, at tá eitt lið av hønum ikki verpur meira, so skuldi eitt nýtt lið av hønum fáast inn. Hetta tók einar tveir mánaðir, og hesa tíðina kundi Føroya Egg ikki veita føroyska kund- anum egg. – Eg kann ikki liva við, at veitingin frá okkum ikki er støðug. Tí mugu vit byggja út, so at vit kunnu hava tvey lið av hønum inni í senn, sigur Annfinn Brekkstein, eigari av eggvirkinum. Við tveimum liðum av hønum í høsnarhúsinum steðgar veitingin av eggum ongantíð, men heldur á hóast hønurnar mugu skift- ast út. Annfinn sigur, at tað ikki er nakar trupulleiki at sleppa av við eggini í Før- oyum, og at eftirspurning- urin er nógv størri, enn virkið megnar at framleiða. Nýtt hús reist Nú er nýggi parturin av høsnarhúsinum reistur. Hetta fer at tvífalda fram- leiðsluna av eggum. Húsið verður ikki tikið í nýtslu fyrr enn í februar næsta ár, og tá verða 7.500 hønur á Velbastað. Tær fara at verpa umleið 1,8 milliónir egg um árið. Í løtuni hevur húsið 3.100 hønur. Í desember mánaði verð- ur bygningurin liðugur. Tá verður innrættað við reiðr- um og maskinum til fram- leiðsluna. Um tvær vikur verða elementini sett upp, og bygningurin innilok- aður. Annars verða egg fram- vegis framleidd hjá Føroya Eggi, tí gamla høsnarhúsið koyrir við fullari ferð, og hetta liðið er við at toppa í sínari framleiðslu. Annfinn Brekkstein væl nøgdur við gongdina higar- til við tí nýggju verkætlan- ini. Tað einasta hann ikki kann liva við er, at eggini ikki koma í jøvnum streymi úr høsnarhúsinum. – Vit eru spakuliga við at menna eina nýggja vinnu í Føroyum, og tað hevur gingið væl higartil. Nýggi bygningurin hjá Før- oya Eggi er reistur. Um seks mánaðir eru 7.500 hønur í høsnarhúsinum Mynd: Jonhard Hammer Føroya Egg útbyggir: Eftirspurningurin er størri enn framleiðslan C M Y K 5 4 Kemilux industri P/F, sum varð stovnað í 1965, er ein fyritøka í menning.Fyritøkan framleiðir sápuúrdráttir og umboðar harum- framt ymiska reingerðarútgerð og kemisk evnir og hevur 11 fólk í starvi. Felagið, ið selir vørur innanlanda og uttanlanda, arbeiðir í løtuni við at menna søluna á heimamarknaðinum og søkir í tí sambandi eftir Sølufólki at byrja 1. oktober 2001. Starvið, ið er eitt fulltíðarstarv, verður fyribils sett fyri eitt hálvt ár, ið verður at roknað sum ein roynd- artíð. Starvið er fjølbroytt og avbjóðandi og snýr seg í høvuðsheitum at selja okkara vørur til heima- marknaðin t.v.s. skip, bátar, virkir og stovnar runt um í landinum. Tú kemur saman við sølustjóranum og øðrum sølu- fólki at leggja arbeiði til rættis, soleiðis at okkara vælvirkandi søludeild kann mennast. Førleikakrøv: Vit vænta at tú hevur royndir innan søluarbeiði og at tú dugir at nýta tey mest vanligu telduforritini. Sum persónur vænta vit at tú ert ágrýtin og dugur at arbeiða sjálvstøðugt, og at tú hevur góð sam- starvsevnir. Umsóknir skulu vera okkum í hendi innan 24. september 2001, og verða at senda til: Mykinesgøta 1 Box 1231 FO 110 Tórshavn