týsdagur 9. desember 2008síða 22

22 vinnan Nr. 237 - 9. desember 2008 Meðan djúpvatns­ trolarin Suðringur seinastu árini hevur veitt stinglaks og langasporl, hevur gingið verri at manna línuskipið Hoyvíking og snelluskipið Kúr­ berg. Men nú sigla øll skipini aftur, og reiðarin Marner Lis­ berg sær batar hóm­ ast í havsbrúnni, nú prísurin á olju er lækk­ aður, og líkt er til, at náttúruviðurviður­ skiftini í havinum eru vend til tað betra Vinnuprát Vilmund Jacobsen vilmund@sosialurin.fo Seinastu árini hevur djúp­ vatnstrolarin Suðringur veitt stinglaks og langasporl at kalla burtur av. Skipið hevur fingið lønandi vinnu burtur úr hesi veiði, sam­ stundis sum hetta hevur verið við til at avlastað royndina undir Føroyum. Øll veiðan er landað í Skotlandi, haðani hon er flutt niður á franska markn­ aðin, sum keypir bæði fiskasløgini. Marner Lisberg, reiðari, sigur, at loyvi hjá Suðringi at veiða hesi djúpvatns­ fiskasløgini er royndarloyvi, sum verður útskrivað fyri eitt ár í senn. ­ Fiskimálaráðið hevur undanfarin ár givið trý royndarloyvi av hesum slagi, men í summar gjørdi Tórbjørn Jacobsen, táver­ andi fiskimálaráðharri, av sínum eintingum av at skriva út tvey royndarloyvi eftir stinglaksi og langa­ sporli aftrat. Reiðarin undrar seg yvir hesa avgerð, sum als ikki samsvarar við fiskifrøðiligu ráðgevingina. ­ Tað tóktist okkum undarligt, at júst Tórbjørn Jacobsen tók hetta stigið, tá hann meira enn nakar annar landsstýrismaður í fiski­ vinnumálum hevur lagt upp til at fylgja fiskifrøðiligu ráðgevingini. Ikki grundarlag Marner Lisberg sigur seg als einki at hava ímóti teim­ um feløgum og skipum, sum landsstýrismaðurin læt hesi nýggju royndarloyvi til. ­ Eg haldi bara ikki, at grundarlag er fyri fleiri nýggjum royndarloyvum, tí tað vísir seg, at fiskiskapurin eftir slíkum djúpvatnsfiska­ sløgum roynist ikki, um royndin verður ov stór. Landsstýrismaðurin seg­ ði, at hann hevði útskrivað hesi loyvi, tí tvey av trimum skipum, sum høvdu roynd­ arloyvi, at kalla ikki høvdu veitt stinglaks og langasporl í ár. Tórbjørn vísti eisini á, at hesi loyvi, sum kortini bert eru galdandi í eitt ár í senn, kanska kundu bøtt eitt sindur um støðuna hjá djúpvatnsflotanum. Hini bæði skipini, sum upprunaliga høvdu hesi royndarloyvi, vóru Rasmus Effersøe, sum nú er seldur og Phoenix, sum er seldur á tvingsilssølu, og sum Før­ oya Banki nú eigur. Skipini, sum Tórbjørn Jacobsen gav nýggju roynd­ arloyvini, vóru Roc Ama­ dour og Niels Pauli. Fleiri tóvtímar Marner Lisberg sigur, at royndin hjá Suðringi eftir stinglaksi og langasporli mest hevur verið á leiðunum vestur av Føroyabanka. ­ Hetta hevur faktiskt rigga rímiliga væl í mun til tað at fiska upsa. Hann ásannar tó, at fiskiskapurin eftir stinglaksi og langasporli kanska ikki óvæntað er minkaður, sum árini eru liðin. Hetta er nak­ að, sum eyðkennir djúp­ vatnsfiskasløg, sum eftir øllum at døma gerast seint kynsbúgvin og soleiðis eisini nørast seint. ­ Í ár hevur Suðringur fiskað 1700 tons í 240 dagar, og í fjør fekk skipið eisini 1700 tons, men bert í 208 dagar. Hetta bendir á, at stinglaksur og langasporl ikki tola serliga harðaroynd, leggur reiðarin aftrat. Einir 10­11 mans eru við Suðringi hvønn túrin, men annars eru einir 15 mans knýttir at skipinum. Skipari í løtuni er Ólavur Kjærbo, ið er sumbingur, sum býr í Øravík. Ikki so dapurt Marner Lisberg sigur, at dýra oljan hevur verið ein tungur burður í hesum ári­ num, men hann fegnast um, at prísirnir eru lækkaðir. ­ Jú, hetta hevur verið tungt, men eg haldi ikki, at vit skulu síggja so dapurt upp á framtíðina. Reiðarin heldur, at nú oljuprísirnir eru lækkaðir munandi, tó at teir fram­ vegis eru høgir, sær betri út hjá stórum parti av fiski­ flotanum. ­ Fólk gloyma so skjótt, og eg trúgvi, at tá vit koma út á várið, hava mong longu gloymt, hvussu trupult tað var, meðan oljuprísirnir vóru í hæddini. Men hetta hevur virkuliga verið ein trupul tíð, sigur hann. Marner sigur, at inntøkan hjá manningini hevur verið rímiliga góð, tó at skipar­ aksturin hevur verið tungur. ­ Nú vóna og vænta vit, at árið 2009 fer at roynast betri hjá djúpvatnstrolar­ unum og hjá fiskiflotanum sum heild, leggur hann aftrat. Øll skipini sigla Marner Lisberg er eisini reiðari á línuskipinum Hoyvíkingi og snelluskip­ inum Kúrbergi, men hesi bæði skipini hava ligið ein stóran part av árinum, tí trupulleikar hava verið at mannað tey. ­ Tað hevur verið trupult at manna línuskipini, nú so nógv virksemi hevur verið í landinum yvir eina longri tíð. Men eftir at vit fingu Batar hómast í havsbrúnni Ikki treytaleyst upp í ES Á ráðstevnu í síðstu viku umrøddi íslendska Sjómanna­ sambandið kjakið um íslendskan ES­limaskap. Felagið skipaði fyri einari ráðstevnu, og niðurstøðan av orðaskifti­ num um ES­limaskapin var, at felagið tekur ikki undir við limaskapi, uttan so at íslendingar varðveita ræðisrættin yvir tilfeinginum í sjónum. Sjómannasambandið setir eisini sum treyt, at íslendingar skulu varðveita ræðisrættin yvir teimum stovnum, sum ferðast um teirra mark so sun norðhavssildin og svartkjafturin. Eiga at veiða stórhval aftur Íslendski fiskimálaráðharrin, Einar K. Guðfinnsson, heldur, at íslendingar eiga at taka stórhvalaveiðina uppaftur. Ráðharrin vísir á, at Havrannsóknarstovnurin hevur mælt politikarunum til at loyva monnum at veiða nebbafisk og sildreka, og at vinnan hevur sagt seg vera til reiðar at byrja av nýggjum. Fiskimála­ ráðharrin ásarrar tó, at semja er ikki í samgonguni um at taka stórhvalaveiðina uppaftur, men einstakir samgongumenn hava tó nevnt møguleikan fyri at leggja málið fyri Altingið kortini, skrivar Morgunblaðið.