týsdagur 16. desember 2008síða 8

8 tíðindi Nr. 242 - 16. desember 2008 Nútímans skúli er tik­ in í nýtslu í Runavík. Talan er um ein skúla, við øllum hentleikum. Lærararnir hava munandi betri umstøður, stovur eru til praktisku lærugreinirnar, sam­ stundis sum stórt bókasavn er gjørt. Fyri at seta strikuna uppi yvir ú’num er eisini matarhøll gjørd á skúlanum Skúli Eirikur í Jákupsstovu eij@sosialurin.fo Leygardagin varð nýggi skúlin við Løkin vígdur. Talan er um ein nýmótans skúla við øllum hentleikum. Sjálvt ein matarhøll er bygd, har pláss er fyri umleið 130 fólkum. Sum vera man, eru fólkini kring skúlan fegin. - Onkur sigur at vakrir tankar trívast í vøkrum umhvørvi, og tað skuldi tað í hvussu so er verið hjá okkum. Vit hava fingið ein skúla, vit eru ótrúliga glað fyri, og umstøðurnar hjá øll- um eru vorðnar nógv betri, sigur Durita Joensen, virk- andi skúlastjóri í Runavík. Ein sentralisering Seinastu nógvu árini hevur skúlaverkið í Runavík verið spjatt yvir nógvar skúlar. Við hesum skúlanum verður ein sentralisering gjørd, soleiðis, at bæði skúlin í Søldarfirði og tann í Rituvík eru niðurlagdir. - Vit eru fegin um, at vit ikki longur skulu flyta ímill- um so nógvar skúlar. Tað fer at gera arbeiðið hjá okk- um lættari, og samstarvið millum lærarar og flokkar verður heilt víst betri, nú vit hava fleiri undir somu lon, greiðir Durita Joensen frá. Í nýggja skúlanum við Løkin ganga umleið 320 næmingar í fjórða til og við tíggjunda flokki. Skúlin er ein tvísporaður skúli. Fyrsti, annar og triði flokkur halda framhaldandi til á Glyvrum. Nógv hølir Í mun til eldru skúlarnar eru nógv nýggj hølir, ið ikki hava verið fyrr. Mat- stovan er bara toppurin, tí eisini eru hølir gjørd til náttúru og tøkni, alis- og evnafrøði, lívfrøði, náms- frøðiligur depil, rúm til skúlasjúkrasystir, húsavørð og NSR-tænastuna. Eisini hava lærararnir fingið nógv betri møguleika at fyrireika seg til undirvísing á skúlan- um, tí skrivstovupláss eru gjørd í lærararúminum og í námsfrøðiliga deplinum. Umframt alt hetta, hevur skúlin eisini fingið nógvar farteldur og internetsam- band í øllum skúlanum, samstundis sum skúlin hev- ur fingið elektroniskar talv- ur, ið fólk aðrastaðni hava góðar royndir av. Fríðka uttanfyri Hóast økið kring skúlan enn ikki er liðugt, so væntar Durita Joensen, at hetta verður eitt gott øki til fólk- ini á skúlanum. - Peningur er settur av, og teir fara í gongd so skjótt sum veðrið batnar. Tað er eitt økið vit kunnu fáa stóra nyttu av, tá tað verður enda- liga liðugt, greiðir Durita Joensen frá. Mentanarhús Í nýggja skúlanum við Løk- in verður eisini ein stór aula tikin í nýtslu, áðrenn alt ov long tíð er gingin. Ætlanin er at nýta hesa til mentunar- hús hjá Runavíkini. Runavíkar kommuna hev- ur eisini sett pening av til at keypa list til skúlan. Hetta gleðir virkandi skúlastjórin seg eisini til. Nýggjur skúli í Runavík Starvsfólkini á nýggja skúlanum við Løkin, eru sera fegin um góðu umstøðurnar Mynd: Johnny Lamhauge Krígssavnið bjóðar til kapping um búmerki Arbeitt verður í løtuni við at innrætta fyribils hølir til Krígssavnið í bygninginum, har Felagið Vágar húsast í Miðvági, men ætlanin er seinni at flyta inn í grøna húsið við síðuna av gamla flogtorninum oman fyri flogvøllin. Savnið hevur longu fingið fleiri lutir og vil nú eisini heita á øll, sum eiga ella vita um lutir frá hesi tíðini, um at lata savninum hesar, annaðhvørt til ognar ella til láns. Alt hevur áhuga: Myndir, skamtanarkort, atgongumerkir, pass, heiðursmerkir, búnar, fótbúnar, leikur, alskyns lutir, bæði stórir og smáir, akfør o.m.a. Sjónbandaupptøkur verða í hesum døgum tiknar við fólkum, sum minnast hesa tíðina. Krígssavnið letur upp fyri almenninginum 1. mars 2009 í hølunum á Leitisvegi 58 í Míðvági. Í hesum sambandi verður bjóðað til almenna kapping um búmerki til Krígssavnið. Atlantic Airways hevur stuðlað við tveimum virðislønum, sum eru ferðaseðil aftur og fram á rutunetinum hjá Atlantic Airways. Álitið hjá fíggjar­ nevndini leggur upp til, at flestu rakstr­ arstøðini skulu spara, og at fleiri pengar skulu brúkast til íløgur kring landið POliTikkUR Eirikur Lindenkov eirikur@sosialurin.fo Seinnapartin í dag fer fíggj- arnevndin at leggja álit fram um fíggjarlógina fyri 2008. Nevndin hevði síðsta fundin klokkan 10 fyrra- partin, og fyri døgurða fóru limirnir at skriva álit, ið verður lagt fram á tingfund- inum, sum formaðurin hev- ur lýst at vera klokkan 16.30. Sum tað skilst, so skriva samgongulimirnir sítt álit, meðan andstøðuflokkarnir skriva sítt. Hóast talan er um fleiri álit, so siga keldur innarlaga í politiska umhvørvinum, at tað hevur eydnast at finna breiða semju um tølini. Lítið hevur verið at hoyrt um arbeiðið í fíggjarnevnd- ini. Greitt er kortini at broyt- ingar verða gjørdar sammett við uppskotið, sum uppruna- liga varð lagt fram.Tá var talan um framskrivað tøl utt- an politiska viðgerð. Spenta politiska støðan var orsøk til ta støðuna. Væl vitandi keldur í polit- iska umhvørvinum vilja vera við, at raksturin er minkaður umleið hundrað milliónir sammett við upp- skotið, sum varð lagt fram fyrr í heyst. Flestu rakstrar- konti eru minkaðar sammett við uppskotið, ið varð lagt fram síðst í september. Í staðin eru íløgukontirnar øktar við upp móti eins stór- ari upphædd. Sagt verður at fíggjarnevndin mælir til íløgur kring alt landið. Hetta verður mett at vera skilagott, nú stígur er komin í búskapin, og arbeiðsloysi hóttir. Sambært heimasíðuni hjá Løgtinginum, so verður síðstu tingfundur í hesum árinum fríggjadagin 19. des- ember klokkan 9.30. Tingið skal taka støðu til nógv mál, áðrenn tað fer í jólafrí. Umframt tingfundin seinnapartin í dag eru fund- ir ásettir at vera í morgin, hósdagin og fríggjadagin kl. 9.30. Einki er at ivast í, at talan verður um langar fundir. Umframt 2. og 3. viðgerð av fíggjarlógaruppskotinum eru fleiri onnur mál, sum skulu hava 1. og 2. viðgerð. Fríggjadagin verða 3.við- gerðir. Tá kann roknast við, at orðaskiftið verður millum lítið og einki, og at atkvøðugreiðslurnar verða nógvar. Økja um almennu íløgurnar