týsdagur 16. desember 2008síða 14

14 Nr. 242 - 16. desember 2008 Yvirlýsing Vegna Sjálvstýrisflokkin Kári P. Højgaard Í samband við Altjóða Mannarættindardagin í dag, heitir Sjálvstýris­ flokkurin á politisku skipanina við ábyrgd fyri útlendingmálum um at skipa so fyri, at manna­ rættindini hjá øllum føroyingum verða vird Tó at tað í ár eru liðin 60 ár, síðan heimsins tjóðir skrivaðu undir heimsyvir­ lýsingina hjá ST um mannarættindi, mugu vit í Føroyum seta okkum spurningin, um Føroyar liva upp til kravið at: “Øll menniskju eru eins nógv verd, og at øll menn­ iskju hava rætt til eina virðiliga viðferð og eitt virðiligt lív”. Ein sjálvsagdur manna­ rættur má verða, at ein og hvør hevur rætt at velja sær hjúnarfelaga, um livað verður upp til treytirnar í galdandi hjúnarbandslóg. Men her eru ikki øll líka fyri lógini. Tað er nevniliga nærum ógjørligt hjá útlend­ ingum uttanfyri norðurlond og ES at fáa arbeiðsloyvi, ið er ein fortreyt fyri at fáa uppihaldsloyvi.. Politiska skipanin og vit sum samfelag kunnu ikki góðtaka, at nógvir føroy­ ingar saman við útlendsk­ um maka mugu flyta uttan­ lands at búgva, tí restrik­ tiva reglu­ og lógarverkið leggur fótonglar í vegin fyri, at hesi kunnu verða verandi í landinum. Nógvar familjur og ein­ staklingar sita í hesum døgum við bivandi hjarta og bíða eftir svarinum frá løgreglu og Udlændinge­ service. Óvissan og óttin nívir, tí er svarið noktandi, noyðast tey at flyta av landinum. Tað kann ikki vera rætt, at umsóknir um arbeiðs­ og uppihaldsloyvi skulu viðger­ ast á vanligan hátt, tá talan er um útlending, sum við kærleikans bondum er knýttur at føroyingi. Hetta er als ikki í tráð við grein 16 stk. 1 og 3 í heimsyvir­ lýsingingini um manna­ rættindi, sum sigur, at menn og kvinnur, sum eru komin til lógaldur, skulu uttan mun til ættarslag, tjóðskap ella átrúnað hava rætt at giftast og setast í búgv, og at húskið er tann natúrliga frum­ eindin í samfelagnum og hevur rætt til vernd av samfelag og landi. Ein annar bólkur eru teir 23 útlendingar, sum í 2000 komu til Føroyar og enn ikki fingið varandi uppu­ haldsloyvi, hóast tey upp­ fylla treytirnar og hava verið her í 8 ár. Sjálvstýrisflokkurin hev­ ur heitt á Amnesty Inter­ national, um at varpa ljós á trupuleikan og vanlukku­ ligu støðuna, hesin alsamt vaksandi bólkur er í. Vit kunnu ikki longur lata eyguni aftur og geva øllum øðrum skyldina. Nú er nóg mikið tosað, her má finnast ein loysn á útlendingamálinum. Øll menniskju hava rætt til frælsi og virðing Í tveimum síðum í viku­ skiftissosialinum verður fosturtøkuspurningurin viðgjørdur, men bert eina­ ferð verður høvuðspersón­ urin, hann sum bøtur við lívinum um fosturtøka verður gjørd, nevndur. Blaðfólk, læknar og enn­ tá hægsti maður landsins, løgmaður, tykjast ikki vita, at mitt í tí drama, sum fosturtøkan er, liggur eitt lítið barn. Ein komandi føroyingur liggur hjálpar­ leysur og bíðar eftir dómi teirra "vísu"­ man eg fáa loyvi at liva? Verður mær unt atgongd til tær Føroyar, sum móður, pápi, systkin, løgmaður og læknin fingu loyvi at verða borin í. Ella munnu hesi vísu fara at loysa sosialu trupulleikar­ nar hjá mammu/foreldrum mínum við at ofra meg? Fer læknin at leggja til rættis loysn á tí trupulleika, sum dreiv mammu/foreldur míni til hansara? Fer hann at fáa til vega ta hjálpina, teimum tørvar, so eg verði føddur. Ella man hann, sum læknin í Sosialinum, fara at viðgera meg sum ein avgreiðsluspurning og við undirskrift sínari døma meg í deyðan? Eru Føroyar ikki eitt rættartrygt samfelag, eitt samfelag, har øll kunnu kenna seg trygg. Ella eri eg sum fostur útilokað frá teim lógum, sum verja øll hini? Kann eg við einfald­ ari undirskrift frá læknum dømast til deyða, uttan rættargongd og uttan at hava gjørt nakað skeivt? Ella er tað, at ynskja sær lívið, vorðið eitt brotsverk? Hví nevna tey meg ikki í greinini í Sosialinum ­ utt­ an bert hin eini, sum púra rætt vísir á, at eg jú eri ein framtíðar føringur. Hví nevnir løgmaður meg ikki, ella læknarnir ella blað­ kvinnan. Hví tosa tey um mammu uttan at nevna meg. Eg eri jú her, um tit vilja kunnu tit hoyra hjarta mítt sláa. Beint nú spæli eg í tí trygga umhvørvinum Gud hevur givið mær, vaksi meg sterkari fyri hvønn dag og gleði meg at síggja tykkum. Ein størri bústað, ein tíðaravmarkaðan fíggjar­ ligan ella persónliga stuð­ ul, læknaliga ella aðra hjálp­ tað er tað einasta mammu, pápa og mær tørva. Men tit bjóða mær deyðan? Hvat hugsa tit fyri tykkum? Hvat um mamma tykkara, pápi tykkara ella hann, sum var løgmaður, tá tit vórðu fødd, hugsaði sum tit? Hvar vóru tit so í dag? Eru Føroyar ikki millum ríkastu tjóðir í heiminum? Svarið heimskenda móð­ ur Theresa gevur er nei. Hon metti vesturheimin vera heimsins fátækasta øki og um fosturtøku segði hon m.a.: tryggasta stað barnsins átti at verði í lívi móður sínar. Hjá tykkum er tað vorðið tað vanda­ miklasta. Tað er av sonnum fátæksligt! Hava tey óføddu ongan løgmann? Jenis av Rana Andstøðan í løgtinginum hevur sent løgmanni eitt mótmælisskriv, har fýlst verður á arbeiðslagið í løgtinginum. Víst verður á, at ov fá mál verða avgreidd og tíðin at viðgera málini er ov stutt. Hetta er í sær sjálvum ein mótsigandi ákæra, tí jú longri tíð hvørt einstakt mál skal hava, færri mál verða avgreidd. Tað sigur seg sjálvt. Men sæð burtur frá tí, so eri eg samdur í, at arbeiðið kundi verið betur skipað, hó­ ast løgmaður neyvan er tann rætti at senda klaguna til. Men hví er støðan, sum hon er? CHE samgongan •Aftan á valið í januar, fingu vit eina nýggja sam­ gongu, sum ongantíð fekst at virka. • Semja var ikki um býtið av málsøkjum. • Semja var ikki um fíggj­ arlógina. • Semja var ikki um fiski­ vinnupolitikkin (kabinets­ purningin). • Semja var ikki um tunlar. • Semja var ikki um blokk­ stuðulin o.s.fr. Tinglimir í CHE kallaðu sjálvir politikkin fyri “kaos kontroll”. Allur hesin ruðuleikin endaði við teirri pínligu “lásagøluni”, sum var ein stór vanæra fyri alt tað føroyska samfelagið. ABC samgongan Úr øskuni av CHE ruðu­ leikanum, reisti seg ein nýggj samgonga, ABC. Samgonguskjalið varð und­ irskrivað tann 25. septemb­ er, og dagin eftir blivu landsstýrisfólkini vald. Longu fyrsta dagin í sessi­ num, skuldi nýggi lands­ stýrismaðurin í fíggjarmál­ um leggja uppskot fyri ting­ ið um fíggjarlóg fyri 2009. Til samanberingar kann nevnast, at CHE samgong­ an brúkti heilar 80 dagar um at fáa sítt uppskot til fíggjarlóg fyri tingið. Henda avmarkaða tíðin hevur sjálvsagt sett stór krøv til samgonguna, men sum heild hevur arbeiðið gingið væl – serliga um vit samanbera við arbeiðslagið hjá undanfarnu CHE samgonguni. Eitt róp frá síðulinjuni Tað tykist rættiliga løgið, at somu flokkar og persón­ ar, sum umboðaðu CHE ruðuleikan, nú standa á síðulinjuni og fýlast á arbeiðslagið hjá ABC. Munnu tey halda, at før­ oyingar longu hava gloymt tað sum hendi frá januar til september í ár? – Ella hava tey kanska sjálvi gloymt tað? Og hví taka tey nú so synd í pensjónistunum? Munnu tey halda, at pen­ sjónistarnir hava gloymt, at CHE samgongan ætlaði at lækka inntøkurnar hjá landskassanum uppaftur meira í 2009? Andstøðuflokkarnir eiga at vita, at pensjónistarnir eru ikki hvør sum helst. Talan er um persónar við longum lívsroyndum, sum bæði hava uppliva góðar og ringar tíðir. Tað nyttar lítið at fyrigykla teimum, at tað ber til at lækka inntøkurnar , uttan at tey veikastu í sam­ felagnum merkja tað. – Og tað er millum annað tað, sum tey merkja nú. Mótmælisskriv við skeivari adressu Helgi abRaHamsen 48. partur Vit eru komin til 22. kapit­ ul, tann seinasta í bókini. Hann er stuttur, bara 21 vers, men sigur nógv. Í fyrsta versi lesa vit um vatn lívsins og í øðrum versi um træ lívsins, sum er tjóðun­ um til grøðing. Hugurin fer aftur til 1. Mósebók, har fyrstu foreldur okkara vóru rikin út úr garðinum, so tey ikki sluppu at eta av tí. Nú er alt broytt. Einki bann skal vera longur. Hásæti Guds og Lambsins skal vera í honum. Nátt skal ikki vera har. Vers seks hóskar so væl í hesum seinasta kapitlinum í bókini, sum samstundis er seinasti kapitul í bíbliuni. Har stendur: Hann segði við meg: "Hesi orð eru trúverd og sonn; og Harrin, Gud anda profetanna, hevur sent eingil Sín at vísa tænarum Sínum tað, sum skjótt fer at henda. Sjeynda vers sigur, at sælur er tann, ið heldur fast við tey. Og hygg hvat hann sigur i tólvta versi: Eg komi skjótt, og løn Mín er við Mær til at lata ein og hvønn fáa, eftir sum verk hansara er. Trettanda vers er stutt , tvær reglur, men loysir knútin, sum tilveran er mongum. Tað ljóðar soleiðis: Eg eri alfa og omega, hin fyrsti og hin síðsti, upp­ havið og endin. Jú, bíblian er ein undur­ full bók, hon loysir lívsins spurningar. Fjúrtanda vers ljóðar soleiðis: Sæl eru tey, sum tváa klæði síni, so tey kunnu fáa atgongd til træ lívsins og um portrini ganga inn í staðin! Ert tú tváaður í blóði Lambsins? Ellivta vers, fyrri partur tykist løgin. Men kanska tað vil siga okkum, at Gud noyðir ongan til nakað. Tann, sum vil liva í gud­ loysi má taka avleiðingar­ nar. Sum fimtanda vers sigur: Men uttanfyri eru hund­ arnir, gandakallarnir, sið­ loysingarnir, manndrápar­ arnir, avgudadýrkararnir og ein og hvør, ið elskar lygn og gongur við lygn. Framhald Bíblian innblást av Gudi - ikki mannaorð um Gud RicHaRd danielsen viðmerkingar