mánadagur 29. desember 2008síða 12

12 Nr. 248 - 29. desember 2008 Sosialurin Gongur sum eitt spæl SAMBAND eirikur liNDeNSkov eirikur@SoSiAluriN.fo tlf 341800 viðmerkingar Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Redaktiónsleiðari: Kári Mikkelsen karim@sosialurin.fo Marknaðardeild: lysing@sosialurin.fo Marknaðarleiðari: Gudny Langgaard gudny@sosialurin.fo Tróndur Skaalum trondur@sosialurin.fo Høgni Thomsen hogni@sosialurin.fo Elin Vatnhamar Olsen evo@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Rigmor Dam rigmor@sosialurin.fo Leo Poulsen leo@sosialurin.fo Eyðun Klakstein eydun@sosialurin.fo Árni Joensen arni@sosialurin.fo Anna V. Ellingsgaard anna@sosialurin.fo Rógvi Nybo rogvi@sosialurin.fo Eirikur í Jákupsstovu eij@sosialurin.fo Bergur Johannesen bergur@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Lýsingar Freistir: Tekstlýsingar Størri lýsingar Lýsingartorgið Heilsanir Mánadagsblaðið Mán.kl. 10 Frí. kl. 15 Frí. kl. 12 Frí. kl. 12 Týsdagsblaðið Týs. kl. 10 Mán. kl. 15 Mán. kl. 12 Mán. kl. 12 Mikudagsblaðið Mik. kl. 10 Týs. kl. 15 Týs. kl. 12 Týs. kl. 12 Hósdagsblaðið Hós. kl. 10 Mik. kl. 15 Mik. kl. 12 Mik. kl. 12 Fríggjadagsblaðið Frí. kl. 09 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39 mm og rúmið millum teigarnar er 4 mm. Innsent tilfar Fult navn skal vera undir innsendum tilfari. Innsendar greinar, har blað leiðsl­ an ikki er kunnað um bústað og telefonnummar, verða ikki settar í blaðið. Kykmyndir: Harald í Kálvalíð harald@ras2.fo Sosialurin í Norðoyggjum: Nólsoyar Pálsgøta 1, 700 Klaksvík tel. 458686 fax 458687 e­post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e­post: aki@sosialurin.fo e­post: dagfinn@sosialurin.fo !!! Haldarar sum ikki hava fingið blaðið, kunnu ringja til 341818 frá kl. 8.00­20.00 og boða frá Uppseting/prent: Uppseting: Sosialurin Prent: Prentmiðstøðin Útgevari: Sp/f Sosialurin Avgreiðsla: Mán.­frí. 8­16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag­fríggjadag klokkan 1330 Leygarkvøldið var stórsligna tiltakið Planet Awards hildið í Miðlahúsinum, og hetta er eitt afturvendandi og væl uppiborið herðaklapp til føroyskan tónleik, sum hevur verið í stórari menning seinnu árini. Tað er hugaligt at staðfesta, at dómsnevndin hevur alsamt truplari við at finna nøvnini, sum skulu tilnevnast, tí so nógv bjóða seg fram. Fleiri av teimum, sum hava staðið seg væl farna árið, náa tíverri ikki upp á avmarkaða listan við tilnevndum, og hóast tað kann kennast skuffandi hjá onkrum, so er tað ein steðfesting av, at føroyskur tónleikur stórtrívist í løtuni. Føroyskir tónleikarar røkka longur og longur út í heim, og nógv eru eisini um boðið. Undangongufólk sum Teitur Lassen, Eivør Páls- dóttir, Týr, Jógvan Hansen, Lena Anderssen og fleiri við teimum hava verið frammi í fleiri ár, men onnur bjóða seg eisini fram. Dagin eftir Planet Awards varð staðfest, at føroyska songkvinnan Lizzie átti størsta hittið á Tjeklistanum hjá donsku útvarpsstøðini P3 í fjør, og ársins føroyski bólkur, The Dreams, hevur mest sum hersett ein annan danskan hitlista – Boogie-listan hjá DR1. Hallur Joensen hevur verið á fleiri country-hitlistum, Týr selir fløgur kring allan heim sum eingin annar bólkur og er støðug á konsertferð. Og soleiðis kundu vit hildið fram við. Evnaríkir tónleikarar sýna dirvi og hugflog, og samstundis sum vit á heimliga marknaðinum njóta gott av hesum, fáa alsamt fleiri útlendingar eisini kunnleika til føroyskar tónleikarar og tónleik. Tað hevur javnan verið tosað um, at tað almenna skal verða drívmegin at fáa føroysk- an tónleik út um landoddarnar, men soleiðis verðu tað neyvan nakrantíð. Alt byrjar og endar við tónleikarunum sjálvum. Teir mugu vísa dirvi, teir mugu brúka síni evni, og teir mugu verða áhaldandi. Og tað eru alsamt fleiri, sum megna hetta. Samstundis eigur landið at stuðla sum frægast, so fólk fáa møguleika at skapa, spæla og útgeva tónleik. Leygarkvøldið vóru nakrir vinnarar funnir til Planet Awards, men í grundini er føroyskur tónleikur í breiðari merking stóri vinnarin av tiltakinum og menningini, sum er farin fram seinnu árini. Føroysk Miðlafólk mót­ mælir harðliga álopinum á journalistiska fakið, sum uppsagnirnar á Dimma­ lætting­samtakinum og í Kringvarpinum mugu metast at vera Jólamánaðurin hevur merkt føroyska miðlaheimim við hópuppsagnum í Dimma­ lætting­samtakinum og í Kringvarpi Føroya. Føroysk Miðlafólk eru væl vitandi um, at tað fíggj­ arliga sansar at bæði á privat­ um og almennum arbeiðs­ plássum. Kortini undra vit okkum almikið yvir upp­ sagnir av starvsfólki við journalistfakligum førleika og aðrar uppsagnir, ið bein­ leiðis skerja journalistisku framleiðsluna bæði í dygd og vavi. Viðvíkjandi Dimmalætt­ ing­samtakinum kunnu vit staðfesta, at fólk við jour­ nalistiskari útbúgving eru uppsøgd og somuleiðis fólk, ið hava so drúgvar journalist­ iskar royndir, at tey hava ognað sær journalistiskar førleikar, ið viga upp ímóti útbúgving á økinum. Føroysk Miðlafólk er farið inn í uppsagnarmálini hjá teimum starvsfólkunum á Dimmalætting, ið eru sett eftir sáttmálanum millum felagið og Føroya Blaðútgev­ arafelag. Felagið er farið inn í tey málini, tí uppsagnirnar ikki eru framdar í fullum samsvari við sáttmálan, eins og nógvir ivaspurningar eru. Hesum mótmæla vit sjálv­ sagt, men tann ítøkiliga við­ gerðin av hesum fakliga stríðs­ máli skal ikki gruggast her. Føroysk Miðlafólk hevur tó ein grundleggjandi áhuga í at verja um journalistiska fakið. Tí harmast vit eisini stórliga nógvu uppsagnirnar av journalistum í Dimma­ lætting­samtakinum, sum ikki eru sáttmálasettir. Í Kringvarpi Føroya eru uppsagnirnar ein sera dygg­ ur smeitur fyri journalistiska fakið. Sjey av teimum átta uppsøgdu eru beinleiðis partur av dagligu framleið­ sluni. Tað sum ger ilt verri, og sum er púra óskiljandi fyri Føroysk Miðlafólk, er, at kringvarpsleiðslan konse­ kvent hevur avgjørt at siga fólki við drúgvum royndum, og sum røkja kjarnuuppgáv­ ur í journalistfakligu fram­ leiðsluni, úr starvi. Føroysk Miðlafólk hevur ikki sáttmála við Kringvarp Føroya, men vit vilja við hes­ um harðliga mótmæla álopi­ num á journalistfakið og tilhoyrandi framleiðslufakið, sum er framt á Dimmalætt­ ing­samtakinum og í okkara einasta almenna miðlahúsið – í almenna Kringvarpi Før­ oya, ið eigur at vera fremsti garantur fyri fjølbroyttum og óheftum journalistikki. Føroysk Miðlafólk mótmælir álopinum á journalistfakið Anna V. Ellingsgaard, forkvinna VEgNA FøRoySK MIðLAFóLK • Sera fittir svartir hunda­ hvølpar til sølu… • Hundur verður latin djóravini… • Er tað nakar, ið vil eiga meg (lítil hvølpur)… • 4 hundahvølpar klárir til avheinting… • 3 hundahvølpar ynskja gott heim… • Border collie ca. 7 mðr., kostar onki… • Border collie hvølpar til sølu… Allir hesar hundahvølparnir stóðu í lýsingum um djór í Sosialinum 1. desembur 2008. Hvat í allari víðastu verð skulu vit við øllum hesum hvølpunum? Hvør skal taka sær av teimum? Djóravinir í Føroyum hava frammanund­ an eitt ella fleiri djór, so tað verður neyvan tann vegin, hvølparnir fara. Minnist til í øllum førum: Latið ongan hvølp til alkoholikarar. Djóraverndarfelagið lýsti leingi við einum hvølpi, sum ongin vildi hava. Hann gekk uttanfyri hjá einari konu ein leygardag, hon tók hann inn, og síðani fingu vit hann. Vit lýstu eftir eigaranum, og tá hann ringdi, segði hann, at hann vildi ikki hava hvølpin alíkavæl... Tað munnu vera mong, ið fáa sær hund, sum eftir stutta tíð síggja, at hetta gongur ikki. Tað er nevniliga ikki bara sum at siga tað. Ein hvølpur hevur nógv at læra, og hann krevur nógv tol. Tá eigur tað at vera møguligt at lata hvølpin aftur til tann, ið tú fekst hann frá. Tit, ið seta hvølpar við, hava átikið tykk­ um eina stóra ábyrgd. Knapp­ liga koma tit at sita við 5­6 hundum… Fyri einum ári síðani, síðst í novembur 2007, gekk ein hundur í Hósvík, sum ikki hoyrdi til har. Vit lýstu leingi eftir eigaranum, spurdu, hvør visti nakað um hann, men vit fingu ongantíð nakað svar. Hundurin var ungur, stórur, stutthærdur, svartur aftan við hvítum halasnippi, hvítur framman við einum svørtum oyra. Vit spyrja enn: Hvør kann siga okkum, hvar hasin hundurin kemur frá? Her 14. desembur 2008 varð aftur ein hundur funnin í Hósvík. Hesaferð er tað ein lítil ung tík, vigar 5 kg, ljósa­ brún og svørt, tað eina oyrað er skrætt. Vit hava eisini hesaferð lýst eftir eigaranum, men ongin hevur meldað seg. Hvør hevur átt hesa tíkina? Um tú veitst nakað, so sig Djóraverndarfelagnum frá. Vit hava prógv um ein mann, ið er sæddur steðga bilinum á (12 des. fyrra­ partin), har hann tveitti ein stóran kettling út á vegin og koyrdi víðari (hetta var í Søldafirði). Regn og nógvur vindur var tann dagin. Slíkt er ein beistagerð, og tað kann bert vera eitt beist, ið ger sovorðið. Tann stóri spurningurin er nú: Eru hesir báðir hund­ arnir í Hósvík settir út? Eru tað fólk, ið á veg til djóra­ lækna velja tað lættaru og sera óndu loysnina, bara at sleppa djórinum útum og koyra víðari? Tá tað eru so ónd fólk til, ið kunnu gera tað við kettlingar, eru tað tá eisini so ónd fólk til, ið kunnu gera tað við hundar og hundahvølpar? Vónandi fara hvølparnir, ið stóðu í Socialinum 1. desembur 2008 at fáa eitt langt og gott hundalív. Latið ikki tíkina fáa hvølpar, ið ongin hevur biðið um!!! DjóRAVERNDAR- FELAgIð