týsdagur 30. desember 2008síða 27

2008 Sosialurin Føroyski hermaðurin, Valdi­ mar Tjørnudal fekk at sanna, hvussu vandamikið tað er at vera útstasjoneraður í Afghan­ istan. Eitt bilafylgi koyrdi á eina landminu, og 27 ára gamli maðurin úr Signabø var ein av teimum, sum fekk skaða. – Men vit vóru sera hepnir. Brast tann triðja løðingin, so komu vit ikki livandi frá hend­ ingini, sigur hann Valdimar Tjørnudal. Hann slapp við minni snuddum. Mai Við snarræði og køld­ um yvirliti bjargaði 12 ára gamli Rógvi Joensen í Sørvági sínum besta vini sínum, Áka Petersen, frá svissum drukni­ deyða Hevði Rógvi ikki reagerað so sum hann gjørdi, hevði Áki ikki verið á lívi í dag. Randi Petersen, mamma at Áka, er als ikki í iva um, at tað, Rógvi framdi seinasta týskvøld, er einki minni enn eitt bragd. - Eg kann slett ikki takka honum nokk, sigur Randi Petersen. Hetjan sjálv, Rógvi Joensen, tekur alt eitt sindur meira róligt. Hann er bara glaður um, at vinmaðurin er á lívi. - Vit vóru farnir at fiska síl í Kongshylánni, og høvdu fingið eitt hampiliga stórt. So fóru vit yvir um ánna á betongplattin at fiska, greiðir Rógvi frá. Og longu tá var galið hjá Áka. Hann minnist als ikki, at teir vóru farnir yvir um ánna. - Áki leyp niður á plattin, og eg veit ikki, um hann kann verða lendur á hælinum, og tað hevur sett upp í høvdið. Men hann virkaði eitt sindur undarligur tá, sigur Rógvi Joensen. Teir báðir standa so og fiska á betongkantinum eina løtu. - So knappliga datt Áki framyvir og út í ánna. Í fyrstani helt eg, at hann spældi hund, men tá eg rópti á hann, og hann ikki svaraði, skilti eg, at har ruggaði ikki alt rætt, sigur Rógvi Joensen. Hann gjørdi tí skjótt av og leyp út í ánna og helt høvdinum á vinmanninum oman vatnskorp- una. Áki er bæði størri og tyngri enn Rógvi, og tí mátti Rógvi bara samla seg um at hava høvdið á Áka omaná. Ísakalt yvirlit Lukkutíð komu tvær gentur har. Tær ætlaðu sær at vita, um teir báðir høvdu fingið nakað síl. Rógvi rópti á tær um at fara eftir hjálp, og skjótt komu tveir dreingir á staðið. - Eg rópti á teir um at ringja 1- 1-2 eftir hjálp. Ein annar drongur kom eisini har, og hann hjálpti mær at fáa Áka upp á turt, sigur Rógvi. Síðani bað hann dreingin, sum hevði ringt eftir hjálp, um at ringja til foreldrini hjá Áka og siga teim- um støðuna. Samstundis fingust Rógvi og hin drongurin við at geva Áka kunstigan andadrátt og hjarta- massagu. - Áki andaði ikki, tá vit høvdu fingið hann upp á turt. Eg havi ongantíð lært fyrstuhjálp, men eg havi sæð tað oftani í sjónvarpinum. So sjónvarpið er ikki so galið viðhvørt, sigur Rógvi smílandi. Rógvi og hin drongurin hava fingið so mikið við úr sjónvarpinum, at Áki eftir stuttari tíð hostaði vatn upp og byrjaði spakuliga at anda aftur. - Tað er ikki reiðiliga gingið upp fyri mær fyrr enn nú, hvussu fan- tastiskt Rógvi reageraði. Áki slapp frá hendingini við einum heila- skjálvta og eitt sindur av vatni á lungunum. Hevði Rógvi ikki reager- að sum hann gjørdi, hevði Áki ikki verið á lívi í dag. Eg kann ikki takka Rógva nokk, sigur Randi Petersen. Rógvi er ein sonn hetja Eg havi ongantíð lært fyrstuhjálp, men eg havi sæð tað oftani í sjónvarpinum. So sjónvarpið er ikki so galið viðhvørt, sigur Rógvi Joensen, sum bjargaði lívleysa vinmanni sínum Eg fái eitt sindur ilt í búkin, tí í fleiri ár havi eg kunnað kjaftað upp uttan at standa til svars fyri nøkrum, men nú havi eg brádliga veruliga møguleikan fyri at gera nakað við støðuna. Kristiann Winther Poulsen, nýggj forkvinna í Javnstøðunevndini - Føroyingar eru ikki so útfarandi sum danir. Føroyingar krevja eisini minni pínudoyvandi medisin enn danir, men tað merkir sjálvandi ikki, at teir ikki merkja pínu. Elionora Olsen, sjúklingavegleiðari í Danmark » » Setið bil- arnar sunnudag Advokaturin Poul Hansen held- ur, at føroyingar skulu gera nak- að veruligt við CO2 útlátið. - Lat okkum veruliga seta Føroyar á heimskortið – ikki við at hava fyrrverandi USA for- setar og varaforsetar ein dag í Føroyum, men við at minka CO2 útlátið á tann hátt, at vit banna allari privatkoyring sunnudag, sigur hann. - Mær kunnugt hava onnur ikki gjørt tað, so hví ikki vera tey fyrstu at gera hetta og í verki veruliga vísa okkara virð- ing fyri náttúruni í staðin fyri at byrgja fáu livandi áir og dalar okkara aftanfyri betong og asfalt. Eingir sjómenn at finna Stjóri í Maru Seafood hevur leitað eftir fólki at fara umborð á línuskip hjá felagnum, men tað gongur illa. - Vit hava søkt eftir øllum, sum kann krúpa ella ganga, monnum og kvinnum, ungum og gomlum, gentum og dreingj- um, men kortini mangla við 12- 14 fólk til Fugltúgvuna, sigur Johan Páll Joensen. Hann sigur, at Fugltúgvan hevur ligið nú í tveir mánaðir, tí manning ikki fæst til skipið. Fingrar vekk frá børnum James Olsen, sum millum annað er kendur sum vertur á Rás2 stígur fram og heitir á pedofilar um at søkja sær hjálp. - Tað er ongin umbering, at tú sjálvur vart misnýttur sum barn. Tú hevur eina forbannaða skyldu til at skilja, at tað er skeivt at hava sex við børnum. Tí hevur tú ábyrgdina fyri at steðga tær sjálvum og at søkja tær professionella hjálp, sigur hann. James Olsen var sjálvur úti fyri kynsligum ágangi sum barn. Koyrdi á landminu Brot og bitar úr árinum, ið fór