fríggjadagur 2. januar 2009síða 7

7 tíðindi Nr. 1 - 2. januar 2009 Obama líka væl umtóktur sum Reagan Tríggir fjórðingar av amerikanska fólkinum vænta, at komandi forsetin, Barrack Obama, verður ein sterkur leiðari, og sambært CNN eru tað mong ár síðani, at amerikanarar hava havt so gott álit á einum komandi forseta. Serfrøðingar siga við CNN, at vit skulu heilt aftur til januar í 1981, tá Ronald Reagan tók við sum forseti. Til samanberingar nevnir sjónvarpsstøðin, tá George W. Bush tók við í januar í 2001, væntaðu 60 prosent, at hann fór at verða ein sterkur leiðari. Tað sama søgdu 67 prosent um Bill Clinton, tá hann tók við í januar í 1993. SAS verður selt skjótt Fyrst ljóðaði, at týska flogfelagið Lufthansa var sinnað at keypa skandinaviska felagið SAS. So frættist, at týskararnir høvdu ikki hug at keypa kortini, men nú ljóðar, at keypshugurin er komin aftur á teir. Jyllands- Posturin veit at siga, at nevndin í Lufthansa hevur umrøtt SAS á teimum seinastu fundunum, og ein talsmaður hjá Lufthansa sigur, at Norðurlond eru ein spennandi marknaður fyri týska felagið. SAS hevur fíggjarligar trupulleikar og hevur millum annað kravt, at starvsfólk fara niður í løn. Stór ferð er á upp­ seting av upptøku­ tólum í almenna rúminum í Dan­ mark. Árliga verða 60.000 sett upp um árið, og í dag halda yvir 300.000 upptøkutól eyga við dønum. Sjálvt upptøkuvinnan setir nú spurnartekin við, um tað er neyðugt við øllum hesum tólunum Big Brother Kári Mikkelsen karim@sosialurin.fo Danir verða filmaðir sum ongantíð fyrr. Hvønn ein- asta dag verður hvør dani, sum fer út um dyrnar hjá sær sjálvum, filmaður upp til fleiri ferðir. Danska trygdarvinnan metir,, at tað í dag finnast yvir 300.000 upptøkutól í almenna rúminum í Dan- mark. Stendur tú á ein tok- støð, keypir inn í einum matvøruhaldli, fyllir ben- sin ella olju á bilin ella koyrir børnini í skúla, ja, so kanst tú vera vísur í, at tú verður filmaður á onkr- um av hesum støðunum. Hetta skrivar Berlingske Tidende. Upptøkutølini verða sett upp fyri at ansa eftir ogn- um, sum fyribyrging ella váttan av kriminaliteti, og at fólk skulu kenna seg trygg á gøtuni. Sambært stjóranum í vinnufelagnum hjá trygd- arvinnuni, Kasper Skov- Mikkelsen, verða sett upp millum 50.000 og 60.000 nýggj upptøkutól um árin. - Hetta er eitt øki, sum veksur øgiliga nógv í løt- uni. Tað er stórt sæð ikki møguligt at fara inn í ein handil í dag, uttan at verða filmaðuri, sigur Kasper Skov-Mikkelsen við Ber- lingske Tidende. Hann metir, at tað bert fyri tveimum árum síðani vóru á leið 200.000 upptøkutól í Danmark. Tað er í handilsvinnuni, at vøksturin í talinum av upptøkutólum er nógv tann størsti. Sjálvur setir hann spurn- artekin við gongdina. - Vit eru noydd at spyrja okkum sjálvi, hvat vit vilja við øllum hesum upp- tøkutólum, og hvussu tey verða handfarin, sigur hann og eftirlýsir fleiri og greiðari reglur fyri hesi myndatøkuni. 300.000 upptøku­ tól halda eyga við dønum Hesi tólini síggjast nú allstaðni í donsku býarmyndini. Talið veksur í stórum og er nú farið upp um 300.000 Donsku tannáringa­ genturnar hava talað. Nú er greitt hvørji mannfólk vóru tey lekrastu í 2008. Á triðja plássinum –frammanfyri mætar menn sum Brad Pitt, Orlando Bloom og Ronaldo­ er Hans Edward Andreasen í The Dreams topplisti Eydna Skaale eydnaskaale@hotmail.com Í fleiri mánaðir hevur danska blaðið ”Vi Unge”, ið serliga vendir sær til gentur í tannáringaárunum, havt eina atkvøðugreiðslu koyrandi. Nú ársskifti var, ráddi nevniliga um at finna útav, hvørji hundrað mannfólk vóru heimsins lekrastu í 2008. Hetta er ein gomul traditión hjá blaðnum, og listin verður gjørdur á hvørj- um ári. 100 mannfólk úr øllum heiminum verða tilnevnd, og so kunnu lesararnir hjá blaðnum atkvøða um hvør er tann girndarmiklasti. Ofta eru tað somu nøvn- ini, ið ganga aftur, men í ár vóru fleiri nýggj nøvn at finna. Eitt av teimum var Hans Edward Andreasen, sum kom beinleiðis inn á triðja plássi um at vera lekrasti maður í heiminum. Flent nógv Tá Sosialurin ringir til trið lekrasta mann í heiminum, og biður um eina viðmerking til flotta úrslitið, er ein øgi- ligur látur. – Ja, hvat skal man siga. Hatta er jú bara stuttligt. Og vit hava sanniliga eisini flent nógv at tí, sigur Hans Edward. Hann greiðir frá, at hann fekk at vita, at hann fór at vera í uppskoti, tá ”Vi Unge” gjørdi listan, men hann hevði onga hóming av, at hann fór at enda heilt uppi í topp trý. Tað eru jú 100 nøvn á listanum, og flestu teirra eru kendir fyri. – Tey spurdu um tey kundu brúka meg til handan listan, og tað helt eg vera í lagi. Eg hevði yvirhøvur ikki væntað, at eg fór at fáa so nógvar atkvøður. Hann heldur, at tað eru nógvu donsku fjeppararnir hjá The Dreams, ið hava atkvøtt fyri honum. – Tað eru fleiri, ið dáma The Dreams og okkara tón- leik, og tað er nokk hagani atkvøðurnar stava, heldur hann. Hans Edward greiðir frá, at hinir limirnir í bólkinum halda tað vera stutt- ligt, at hann er so lekkur. Men hann er ivaleysur í, at teir eisini verða á list- anum komandi ár. Tá hann verður spurdur um, hvat daman, sum eisini er nevd í Vi Unge í sambandi við triðjaplássið, sigur til at eiga triðlekr- asta mann í heim- inum, er svarið tað sama. – Hon heldur tað vera stuttligt. Og hon hevur sanniliga eisini flent nógv at tí. Hans Edward í The Dreams: Trið lekrast í heiminum Hans Edward Andreasen, forsangari í The Dreams, er av donskum tannáringagentum kosin at vera triðlekrasti maður í heiminum. Hann er langt frammanfyri kend nøvn sum Justin Timberlake, Leonardo DiCaprio, Brad Pitt og Beckham Topp 50 1 Zac Efron 2 Nic Jonas 3 Hans Edward Andreasen 4 Orlando Bloom 5 Bill Kaulitz 6 Joe Jonas 7 Christiano Ronaldo 8 Johnny Depp 9 Chad Michael Murray 10 Jesse McCartney 11 Danny McFly 12 Basim 13 Harry McFly 14 Tom Kaulitz 15 Chris Brown 16 Søren Bregendal 17 Ryan Sheckler 18 Heath Ledger 19 Bam Margera 20 Matt LeBlanc 21 Ben Barnes 22 Emil Debski 23 Kevin Jonas 24 Justin Timberlake 25 Wentworth Miller 26 Strify fra Cinema Bizarre 27 Pete Wentz 28 Oliver Bjerrehus 29 Corbin Bleu 30 Leonardo DiCaprio 31 Sebastian Agård- Wiliams 32 Sebastian Jessen 33 Johnny Knoxville 34 LOC 35 Felix Smith 36 Brad Pitt 37 Greard Way 38 Jay 39 Martin fra X-factor 40 David Beckham 41 Nik 42 Shia Labeouf 43 Daniel Radcliffe 44 Jared Leto 45 Rupert Grint 46 Chase Crawford 47 Jude Law 48 Anden 49 Jonathan Rhys-Meyers 50 Rafael Nadal