hósdagur 22. januar 2009síða 9

9 tíðindi Nr. 15 - 22. januar 2009 Tað undrar stórliga stjóran á Rás2, Jon­ hard Hammer, at Bill hevur valt at melda Rás2, vertirnar og ein ónevndan gest á rásini fyri at hava tosað positivt um hassj. – Hann kundi heldur reist málið í tinginum, heldur enn at roynt at skorað nøkur bílig poeng, sigur Jonhard Hammer RÁS2 MELDAÐ Leo Poulsen leo@sosialurin.fo Tað var sendingin »Vinstra víkiskylda«, sum tær báðar, Barbara Holm og Tjóðhild Patursson eru vertir fyri, ið eftir øllum at døma fekk sinnið í kók hjá Bill Justinus­ sen. Í hvussu er sigur hann seg hava meldað Rás2, teir báðar vertirnar og ónevnda mannin, sum tær báðar tos­ aðu við í Rásarúminum í sendingini í síðstu viku. Evnið í hesum partinum av sendingini var hassj og at varpa ljós á evnið høvdu vertirnir fingið ein ónevnd­ an mann, sum sjálvur í send­ ingini viðgekk, at hann nýtir evnið, í Rásarúmið at tosa um sínar royndir. Rás2 hevur nú í eina tíð havt fokus á trupulleikan, og tað var í einum framhaldi av hesum, at maðurin var biðin at koma í Rásarúmið. Stjórin á Rás2, Jonhard Hammer, skilir als ikki, at Bill skal hava tikið hetta stigið. – Lat meg fyrst siga, at eg eri ógvuliga fegin um, at Bill Justinussen er ein trúgv­ ur lurtari hjá Rás2, ikki bert tá tíðindasendingarnar eru fyri, men eisini til hvørja undirhalds­ og samfelags­ liga sending hjá okkum, sigur Jonhard Hammer. Hann vísir á, at tað nú er ein mánaður síðani, at Miðlahúsið setti fokus á trupulleikan við hassj í Før­ oyum. Hetta hendi við ein­ ari samrøðu í Sosialinum við Beintu Joensen, rúsevn­ isráðgeva, sum vísti á, at tað flýtur við rúsevnum í Føroyum. – Hon vísti á, hvussu støð­ an er á hesum økinum í Føroyum, og vit hava síðani roynt at varpa ljós á trupul­ leikan og lýst málið frá fleiri síðum við tí fyri eyga at skapa eitt kjak, sigur Jonhard Hammer. Brúka tíðina skilabetri Stjórin á Rás2 metir, at trupulleikin við rúsevnum í Føroyum er ógvuliga stórur, og at tað tí er neyðugt at skapa eitt kjak um evnið, sum kann føra til eina betran av støðuni. Og fyri at kunna skapa eitt kjak er neyðugt, at fólk vilja stilla upp og tosa um tingini, og tað ber sjálvandi ikki til at stýra tí, sum verður sagt í einari beinleiðis sending. – Vit taka sjálvandi ikki undir við rúsevnum, men vit vilja fegin varpa ljós á, hvussu vandamikil hesi rúsevni eru. Tað undrar hann, at Bill Justinussen roynir at steðga kjakinum um rúsevnir í Føroyum. – Tað er kunning og upp­ lýsing sum hjálpir, og ikki bara at seta forboð, sigur stjórin á Rás2. Hann væntar kortini, at løgtingsmaðurin kemur upp á betri tankar. – Eg rokni við, at Bill Justinussen fer at hugsa seg um og taka meldingina aft­ ur, og heldur lata løgregluna nýta tíðina upp á at fanga tey, sum ganga runt í Før­ oyum og selja ólógligu rús­ evnini, sigur Jonhard Hammer. Hann heldur, at Bill Justinussen mátti verið serliga áhugaður í tí, eftir sum júst hansara øki sigst vera eitt hitt mest belastaða í landinum í so máta. – Men tað er kanska pen­ ari bara at nokta fyri at síggja tingini í eyguni og bara tiga alt burtur og lata sum um trupulleikin ikki er til, sigur Jonhard Hammer, stjóri á Rás2 í viðmerking til meldingina av støðini og vertunum. Ómansligt – Eg haldi, at tað er sera ómansligt av einum eldri politikara sum Bill Justinus­ sen at melda tvær ungar kvinnur, sum gera eitt slóð­ brótandi arbeiði við at senda útvarp til ungfólk og at upplýsa um vandar í sam­ felagnum, sigur Jonhard Hammar. Hann sigur, at Bill Justinussen heldur átti at brúkt sína dýrabæru tíð til eitt nú at sett fram ein fyri­ spurning í løgtinginum til avvarðandi landsttýrisfólk og t. d. spurt, hvat lands­ stýrið ger við hendan trupul­ leikan. – Men Bill Justinussen velur heldur at fara út í populistisku martyrrolluna, sigur Jonhard Hammer. ­ Eg havi spurt hann í morgun, hvat hann hevur gjørt við hetta málið, síðani Sosialurin og Rás2 valdu at taka evnið upp fyri einum mánaði síðani, men hann hevur einki gjørt, uttan at melda tvær ungar kvinnur á Rás2, sigur Jonhard Hamm­ er. Bill roynir at skora bílig poeng Anna V. Ellingsgaard, forkvinna í felagnum Føroysk Miðlafólk, heldur, at skal Bill Justinussen melda fyri brot á talu­, skrivi­ og kunningarfrælsi, átti málið at verði sent til Fjølmiðlanevndina RÁS2 MELDAÐ Leo Poulsen leo@sosialurin.fo – Eg havi ikki hoyrt hasa sendingina, og áðrenn eg havi tað, fái eg illa gjørt nakrar viðmerkingar til málið. Tað sigur Anna V. Ellings­ gaard, forkvinna í felagnum Føroysk Miðlafólk. Hon heldur tó, at tað í fyrstu syftu ljóðar eitt sind­ ur undarligt at melda málið til løgregluna við grund­ gevingini, at ein fjølmiðil er farin langt út um alt mark fyri skrivi­ og talufrælsi. – Tá ljóðar tað heldur sum eitt mál fyri Fjølmiðla­ nevndina, heldur forkvinnan í Føroysk Miðlafólk. Í reglugerðini fyri »Góð­ an fjølmiðlasið« stendur neyvt útgreinað, hvat fjøl­ miðlarnir hana skyldu til og hvussu teir eiga at fara fram. Har stendur soleiðis um talu­, skrivi­ og kunn­ ingarfrælsi: • Talu­, skrivi­ og kunn­ ingarfrælsi eru týdningar­ miklir grundarsteinar í einum fólkaræði, og fyri at tryggja hetta frælsi krevst, at fjølmiðlar eru óheftir. • Fjølmiðlar eiga at bera tíðindi, upplýsa, kunna, íbirta orðaskifti og at við­ gera samfelagslig mál kritiskt. Fjølmiðlar hava tí serstaka ábyrgd av, at øll viðkomandi sjónar­ mið verða lýst. • Fjølmiðlar skulu verja talu­, skrivi­ og kunn­ ingarfrælsið. Fjølmiðlar eiga tí ikki at lata óvið­ komandi áhugamál forða frælsari kunning, fræls­ ari atgongd at heimildum ella forða orðaskifti um samfelagslig mál ella viðurskifti. • Fjølmiðlar eiga at verja einstaklingar og bólkar fyri órætti frá almennum myndugleikum og stovn­ um, fyritøkum ella øðr­ um felagsskapum. • Fjølmiðlar hava rætt og skyldu at kunna um tað, ið hendir í samfelagnum og at avdúka ivasom við­ urskifti. At síggja til skuldi umrødda málið komið undir seinasta av omanfyri nevndu punktum. Forkvinnan í Føroysk Miðlafólk leggur sum sagt dent á, at hon ikki fær kom­ ið við nøkrum ítøkiligum úttalilsi, fyrr hon hevur hoyrt viðkomandi sending, sum altso varð send í síðstu viku. Ljóðar sum skeiv adressa Jonhard Hammer, stjóri á Rás2, undrast stórliga á, at Bill Justinussen hevur meldað Rás2. Bill átti heldur latið løgregluna nýtt tíðina upp á at fanga tey, sum selja ólóglig rúsevni í Føroyum, heldur hann Anna V. Ellingsgaard. Eg havi ikki hoyrt sendingina,og kann tí ikki úttala meg um málið Rwandiskir hermenn í Kongo ST­keldur í Demokratiska Lýðveldinumj Kongo siga, at Rwanda hevur sent umleið 4.000 hermenn til Kongo, har teir berjast saman við stjórnjarherinum ímóti rwandiskum uppreistrarmonnum. ST­talsmaðurin í økinum sigur við tíðindastovurnar, at teir rwandisku stjórnarhermenninir eru sendir til eit øki, har menn hjá uppreistrarherinum FDLR standa sterkir. Hesin uppreistrarherurin fær skyldina av ófriðinum, sum hevur herjað Demokratiska Lýðveldið Kongo tey seinastu árini.