hósdagur 22. januar 2009síða 22

22 [ Nr. 15 - 22. januar 2009 ] Føroyska landsliðið spældi ein fínan fyrra hálvleik, men eftir steðgin fall spælið fullkomuliga saman, og talan kundi eins væl verði um veruligt stórtap Hondbóltur Jákup Mørk jakup@sosialurin.fo Tað byrjaði annars so væl. Føroysku hondbóltsharrar­ nir vóru mest sum flúgvandi fyrsta góða hálva tíman í dystinum móti Grønlandi, og tá farið varð til steðgin, vóru okkara menn framman fyri við fimm málum. Men so gekk alt galið. Endaliga úrslitið av dyst­ inum mikukvøldið varð, at Grønland vann ein tryggan 33­30 sigur í einum dysti, har eingin veruligur spenn­ ingur var um útfallið seinasta lítla korterið. Góða løtan Tað vóru fleiri orsøkir til, at okkara menn byrjaðu dystin somikið væl. Ein teirra var heilt víst, at tær báðar fyrstu skoringar­ nar komu frá ávíkavist høgra og vinstra veingi. Tað bar við sær, at grønlendingar alt fyri eitt máttu halda eina ávísa breidd í verjupartinum. Og so var longu nógv vunn­ ið fyri okkara viðkomandi. Sámal Joensen slapp væl framat við síni skotstyrki, og plássið á strikuni gjørdist eisini heilt gott. Verjuspælið hekk eisini væl saman, og tá Lars Black í málinum so eisini stóð ein sera góðan dyst, gekk dysturin spaku­ liga tann vegin, at føroy­ ingarnir skuldu vinna ein tryggan sigur. Og ikki minst var tað gleðiligt at síggja, at okkara nú vóru teir, sum revsaðu mistøkini hjá mótstøðuni. Nakað sum annars hevur verið beint tvørturímóti teir dystir, sum landsliðið hevur spælt í undankappingini. 60 minuttir Tað skuldi tó vísa seg at vera ein trupulleiki, at okkara menn skuldu spæla meira enn tann eina hálvleikin. Tí hóast fyrsta løtan av seinna hálvleiki eisini gekk so hampuliga væl, so megnaði okkara lið als ikki at byggja víðari upp á hetta eftir steðgin. Undan dystinum varð annars hildið, at tað fór at koma okkara monnum til góðar, so hvørt sum dysturin leið, at grønlendingar bert høvdu 10 mans við í hóp­ inum til Føroya. At breiddin hjá mótstøðuni fór at halta, so hvørt minuttirnir gingu á talvuni. Men onkursvegna gjørd­ ist støðan so beint tann øvuta. Fysiskt vóru grøn­ lendingarnir betur fyri enn okkara, og stutt inn í seinna hálvleik gearaðu teir av álvara upp. Møðin gjørdist sjónlig hjá okkara, sum misnýttu fleiri møguleikar á rað, og sjey úrslitaleys føroysk álop bóru við sær, at gestirnir vunnu seg upp á javnleik. Og hóast okkara gjørdu eina roynd at svara aftur, so eydnaðist hetta ikki. Sein­ astu ferðina, Føroyar vóru omaná, var eftir, at Høgni Klein hevði sett bóltin í netið til 23­22, men tá stóð skriftin mest sum málað á vegginum. Og í veruleikanum kundi talan blivið um stórsigur. Nakrar bjargingar frá Lars Black seinastu løtuna og tvey kanónskot frá Sámali Joensen móti dystarenda minkaðu munin niður í trý mál, men nóg mikið til pynta um myndina var hetta tó ikki. Stabilitetur Júst Sámal og Lars vóru annars teir av føroysku spæl­ arunum, sum stóðu sterk­ astir í myndini á degnum. Tað í sjálvum sær er sjálvandi at fegnast um, men tað er ikki nøktandi, at sveiggið í føroyska avrik­ inum er somikið stórt, sum tað var í gjár. Bæði millum einstøku spælararnar, men serstakliga var tað tanka­ vekjandi, at botnstøðið í spælinum fall somikið nógv, sum tað gjørdi tað eftir steðgin. Ein orsøk til hetta er heilt víst, at okkara menn ikki hava somu altjóða avbjóð­ ingar, sum grønlendingar so leingi hava havt, og tí er ov sjáldan, at spælararnir veruliga hava spælt undir trýsti í samfullar 60 minuttir. Hinvegin kundi dysturin mikukvøldið eisini bent á, at orkan ikki var til staðar í nóg stóran mun. Var hetta frágreiðingin, so er trupulleikin lættur at loysa, men stóri spurningurin er tá heldur, hví hann ikki langt síðani er loystur. Føroyar-Grønland 30-33 (19-14): Dumpaðu eftir steðgin Føroyar – Grønland 30-33 (19-14) Málskjúttar Føroyar: Sámal Joensen 8, Agnar Joensen 5, Áki Mørk 5 (3), Høgni Klein 4, Janus Sørensen 3, Áki G. Olsen 2, Finnur Hansson 1, Tróndur Kragesteen 1, Esbern Patursson, Janus Einar Sørensen, Josef Abrahamsen, Lars Black (má), Levi Nybo (má) Grønland: Minik Dahl Høegh 7(2), Andreas Lorenzen 6, Miilo Rosing 5, Jacob Laursen 5, Anguitmmarik Kreutzman 3, Danny Brandt 3, Rasmus Laursen 2, Akutaaneq Kreutz- man 2, Muusa Ostermann Søholm, Jens Bang (má) Brotskøst: 3/3 – 2/2 Útvísingar: Føroyar 1: Agnar Joensen – Grønland 2: Jacob Larsen, Rasmus Larsen Dómarar: Eyðun Samuelsen – Andreas F. Hansen (Føroyar) FAKTA um dystin Tottenham vunnið seg í finaluna Tottenham verður mótstøðuliðið hjá Manchester United í Carling Cup­ finaluni. Tað varð staðfest í gjárkvøldið, tá liðið endaði omaná eftir seinnu hálvfinaluna móti Burnley. Men tað var tætt við, at Premier League­felagið varð eyðmýkt. Tottenham vann greitt 4­1 í fyrra dystinum millum liðini. Men á heimavøllinum hjá Burnley, vann heimaliðið við trimum málum móti ongum eftir 90 minuttum. Men í longdu leiktíðini skoraðu russiski Roman Pavlyuchenko og enski Jermaine Defoe, soleiðis at Tottenham samanlagt vann 6­4, víðari luttøku. Jones vil aftur til Føroya Tað kom óvart á fleiri, at David Jones í august í fjør, varð uppsagdur sum høvuðsvenjari hjá ÍF. Innhýsis trupulleikar høvdu við sær, at partarnir máttu steðga samstarvinum. Men bretski venjarin vónar, at hann aftur verður at síggja í føroyskum fótbólti. ­ Sjálvandi vil eg aftur til Føroya, um nakað felag er áhugað. Eg meti meg framvegis hava nakað at prógva, sigur David Jones. Agnar Joensen fekk gott rásarúm, tá føroyska álopsspælið hevði bæði breidd og brodd fyri steðgin, men eftir steðgin gjørdist arbeiðsumstøðurnar á strikuni munandi verri Mynd: Álvur Haraldsen