fríggjadagur 23. januar 2009síða 11

11 tíðindi Nr. 16 - 23. januar 2009 - Eg ivist onga løtu í, at fyrrverandi Navarin og Borgarin fara at fáa stóran týdning fyri økið – ikki bara fyri okkara kommunu, men fyri alla Suðuroynna, sigur borgarstjórin í Hvalbiar kommunu, Otto West, sum fer at halda røðu, tá skipini koma til bygdar seinnapartin í morgin Móttøka Vilmund Jacobsen vilmund@sosialurin.fo Leygardagurin verður ein stórur dagur hjá hvalbingum og suðuroyingum í síni heild. Tá koma skipini, sum felagið TG Fish síðsta heyst keypti frá Føroya Banka, á Hvalba. Skipini eru nú á veg úr Danmark, har serliga hevur verið hugt at motorunum. Ein partur stóð fyri klassing, og nýggju eigararnir hava gjørt tey ting, sum gerast skulu – eisini nakað frammi í tíðini. Hvalbiar kommuna fer leygardagin at skipa fyri mót­ tøku og borgarstjórin, Otto West, fer at halda røðu. Aðru ferð Otto West hevur sitið í bygd­ aráðnum síðan ár 2000, og í fjør summar gjørdist hann borgarstjóri, tá Levi Nicla­ sen tók seg aftur. Á seinasta kommunuvali varð hann afturvaldur, og nú situr hann sum borgarstjóri í nýggja bygdaráðnum. ­ Tá Sjagaklettur kom á Hvalba fyri umleið seks árum síðan, helt eg eisini eina røðu. Tá var eg for­ maður í trivnaðarnevndini, sigur Otto West. Hann ivast onga løtu í, at Navarin og Borgarin fara at fáa stóran týdning fyri økið – ikki bara fyri Hvalbiar kommunu, men fyri alla Suðuroynna. ­ Vit eru sera fegin um, at tað eydnaðist at keypa skipini til Suðuroyar, leggur hann aftrat. Nakað av forvitni og spenn­ ingi hevur sjálvandi verið um, hvussu gomlu Navarin og Borgarin fara at kallast, nú teir eru vorðnir partur av fiskiskipaflotanum í Suðuroy. Hóast skipini enn ikki eru komin til bygdar, kunnu vit avdúka, at tey vera heimahoyrandi í Hvalba, og nýggju nøvnini eru Hamra­ nes og Breiðanes. Tað er felagið P/F Sjaga­ klettur, sum er størsti ein­ staki eigari í nýggja felag­ num TG Fish – og næst­ størstur er eitt felag í Scrabster í Skotlandi. TG Seafood, sum rekur fiskavirkið í Hvalba, er eisini við, og um hetta felag er Delta Seafood á Tvøroyri partur í keypinum. Talið av partaeigarum í TG Fish er út við fimmti, og reiðari verður Mikkjal Hammer. Móttøka verður fyri Breiðanesi og Hamranesi Otto Vest, borgarstjóri í Hvalbiar kommunu, fer at halda røðu. Hetta verður aðru ferð, hann heldur røðu fyri skipum, sum koma til bygdar Mynd: Áki Bertholdsen Seinnapartin í morgin stevna fyrrverandi Navarin og Borgarin inn í havnina í Hvalba, har bygdaráðið fer at skipa fyri móttøku Tikararnir hava gíslar ST vil vera við, at teir Tamilsku Tikararnir í Sri Lanka hava tikið fleiri almenn starvsfólk sum gíslar, og at teir nokta teimum at sleppa burtur úr økinum, har tikararnir berjast við stjórnarherin. Uppreistrarmenninir hava verið fyri fleiri ósigrum í seinastuni, og teir eru nú riknir saman á eitt øki, sum er einar 400 ferkilometrar har norðuri í landinum. Men har eru eisini meiri enn 200.000 sivilfólk, og Tamilsku Tikararnir brúka fleiri teirra sum gíslar fyri at forða stjórnarherinum at leypa á, sigur ST. Prestar stjólu úr talvuni Tveir katólskir prestar í amerikanska statinum Florida dugdu ikki at halda fingrarnar burturi frá pengunum, sum komu í talvuna, tá innsavnað bleiv. Tí fór ein partur av pengunum til elskarinnur hjá prestunum og til spæliferðir til Las Vegas. Annar presturin, tann 81 ára gamli John Skehan, viðgekk á rættarfundi í gjár at hava stolið fleiri hundraðtúsund dollarar, meðan hin skuldsetti presturin noktaði seg sekan. Ákæruvaldið heldur, at teir báðir hava tikið millum fimm og seks milliónir krónur frá kirkjuni. Teir flestu, sum fara at manna skipini, sum koma á Hvalba í morgin, eru úr Suðuroy, men onkur einstakur er norðanfjørðs Manning Vilmund Jacobsen vilmund@sosialurin.fo Mikkjal Hammer, reiðari, segði við Sosialin herfyri, at einir 6­7 mans verða við hvørjum skipi, sum í morgin stevna inn á Hvalba. ­ Sum eg havi skilt, sigldu Navarin og Borgarin við 6 monnum, og soleiðis verður tað helst eisini, tá skipini loysa á fyrsta túri. Hann sigur, at manning­ arnar til bæði skipini so gott sum eru settar. ­ Flestu eru her úr oynni, men onkur einstakur kemur norðanfjørðs. Vit hava eina blanding av royndum fólki og fólki, sum ikki hava so drúgvar royndir. Eg haldi, at skipini verða væl mannað, tá tey loysa, sigur reiðarin. Tríggir navigatørar, sum hava verið knýttir at lemma­ trolaranum Sjagakletti, fara at skiftast um brúnna, tá “nýggju” hvalbiartrolarar­ nir loysa. Hesir eru Tórhallur Ran­ drup, John Martin Poulsen og Hanus Tausen, allir úr Hvalba. ­ Hvussu vit fara at skipa okkum við manning og skifti millum túrar, fáa vit at síggja, tá vit veruliga eru komnir í gongd, sigur Mikkjal Hammer. Hann ásannar, at tað verður ikki nakar dansur á rósum, sum hann tekur til, at reka skipini. Reiðarin vísir á, at trol­ ararnir helst skulu fiska fyri einar 30 miljónir krónur um árið, um raksturin skal hanga saman. ­ Hetta er eitt stórt veiði­ virði, og vit ivast onga løtu í, at hetta verður hart. Skip­ ini skulu rekast væl og skynsamiliga, men fáa vit ongar óvæntaðar trupul­ leikar at dragast við, hava vit vónir um, at hetta fer at bera til, sigur Mikkjal Hammer. Manning er til Breiðanes og Hamranes